پیٹرولیم اور قدرتی گیس لیبر اور روزگار کے مرکزی وزیر مملکت نے آج ملک گیر سطح کے روزگار میلے کے حصے کے طور پر دیما پور میں ایک تقریب کے دوران نئے بھرتی کئے گئے 111 افراد کو تقرر نامے سونپے۔جبکہ مزید 86 تقرر نامے ای میل کے ذریعہ تقسیم کئے گئے۔

اس موقع پر اظہار خیال کرتے ہوئے مرکزی وزیر نے کہا کہ حکومت روزگار کے مواقع پیدا کرنے اور س کی رفتار بڑھانے کے تئیں پر عزم ہیں۔وہ وزیر اعظم نریندر مودی کی قیادت میں ملک کے نوجوانوں کو بااختیار بنانے اور ان میں خود روزگار کے جذبے کو فروغ دینے کے تئیں   پر عزم ہیں۔

انہوں نے کہا کہ منظم سیکٹر میں نوجوانوں کو مواقع فراہم کرنے کے علاوہ  ہم مختلف سماجی سکیورٹی پہل قدمیوں کے ذریعہ غیر منظم شعبے میں مصروف ان لوگوں کی  زندگیوں کو بہتر بنانے کے لئے بھی عہد بستہ ہیں۔

وزیر موصوف جناب رامیشور تیلی نے مزید کہا کہ غیر منظم سیکٹر میں کام کرنے والے کل29 کروڑ مزدوروں کا پہلے ہی ای شرم پورٹل پر اندراج کیا جاچکا ہے جو ان لوگوں کا ایک قومی ڈیٹا بیس ہے جو غیر منظم سیکٹر میں کام کرتے ہیں ۔

وزیر موصوف نے کہا کہ ہماری حکومت کی معاشی ترجیح یہ رہی ہےکہ روزگار کے مواقع پیداکئے جائیں۔ملک کو خود کفیل بنانے اور غریبوں اور خواتین کے لئے روزگار کے نئے مواقع پیدا کرنے کی غرض سے حکومت نے ڈیجیٹل انڈیا ، اسمارٹ سٹی ، اسمارٹی مشن ، اٹل رینیول اور اربن ٹرانسفار میشن مشن اور سیلف ریلائنٹ  انڈیا وغیرہ جیسی کئی اسکیموں کا آغاز کیا ہے۔

انہوں نے کہا کہ مزدوروں کی سماجی سلامتی کے لئے محنت اور روزگار کی وزارت کی طرف سے بہت سے اقدامات کئے جارہے ہیں۔محنت اور روزگار 2.0 کی وزارت کے ایمپلائزاسٹیٹ انشورنس کارپوریشن ایس آئی سی نے  ، ایمپلائزاسٹیٹ انشورنس کارپوریشن کی خدمات کو مکمل طور پر جدید بنانے کا آغاز کردیا ہے اور اسے ملک بھر میں پھیلایا ہے۔

انہوں نے یہ بھی بتایا کہ نئے بھرتی کئے گئے افراد کرم یوگی پرارمبھ کے ذریعہ خود تربیت حاصل کرنے کا موقع بھی حاصل کررہے ہیں ۔ یہ ایک آئی جی او ٹی کرم یوگی پورٹل پر ایک آن لائن موڈیول ہے جہاں 680 سے زیادہ ای لرننگ کورسز لرننگ فارمیٹ میں کسی بھی جگہ کسی بھی ڈیواس پر دستیاب کرائے گئے ہیں۔

ناگالینڈ کے این آئی ٹی کے ڈائریکٹر ڈاکٹر ایس وینو گوپال ، دیما پور کے ڈپٹی کمشنر سچن جیسوال  ، ایس بی آئی کے چیف مینجر لون کھامونگ سنگھ ستھ  اے جی ایم ایڈ من ، ایف سی آئی کے مندیپ گرے نے بھی اس پروگرام میں شرکت کی۔

آج نویں روزگار میلے کے موقع پر ملک بھر سے کل 51 ہزار امیدواروں کا تقرر کیا گیا ۔روزگار میلا ملک بھر میں 46 مقامات پر منعقد ہوا تھا ۔ نئے بھرتی کئے گئے افراد مرکزی حکومت کے ساتھ ساتھ ریاستی حکومتوں /مرکز کے زیر انتظام علاقوں میں اس پہل کی بھر پور حمایت کررہے ہیں ۔ ملک بھر سے منتخب کئے گئے نئے بھرتی کئے گئے افراد مختلف وزارتوں اور محکموں میں حکومت کے اندر اپنی اپنی ذمہ داریاں سنبھالیں گے۔

***********

ش ح ۔  ح ا - م ش

U. No.10009

(Release ID: 1961175)