دیہی ترقی اور پنچایت راج کے مرکزی وزیر جناب گری راج سنگھ نے آج یہاں دیہی ترقی کے سماجی آڈٹ پر دوسرے قومی سیمینار سے خطاب کیا۔اپنے خطاب کے دوران جناب گری راج سنگھ نے اس بات کا اظہار کیا کہ  مالی نظم و ضبط برقرار رکھنے کے لئے مرکز اور ریاست کی تمام اسکیموں کے لئے سماجی آڈٹ کی کافی اہمیت ہے۔جناب سنگھ نے اس بات پر زور دیا کہ سماجی آڈٹ جن بھاگیداری (عوامی شرکت) کے عمل میں توجہ دی جانی چاہئے ۔جناب سنگھ نے اس بات کا بھی اظہار کیا کہ اسکیم سے متعلق سماجی آڈٹ کا اثر سبھی متعلقہ لوگوں کی جانب سے اندازہ لگایا جانا چاہئے تاکہ سماجی آڈٹ کے زیادہ سے زیادہ فائدے اٹھائے جاسکیں۔

 

 

دیہی ترقی کے سکریٹری جناب شیلیش کمار سنگھ نے اس بات کا اظہار کیا کہ ماہرین اور تمام شرکا کی بصیرتیں یقینی طور پر سماجی آڈٹ کے عمل کو بہتر بنانے میں مددگار ثابت ہوں گی۔ جناب شیلیش کمار سنگھ نے یہ بھی کہا کہ مختلف مرکزی وزارتوں کی شرکت جو سماجی آڈٹ کے مختلف مرحلوں میں ہیں کراس لرننگ میں تمام وزارتوں کی مدد کریں گی۔ان کی بصیرتیں مذاکرات کو زیادہ وسعت دیں گی اور بہترین طور طریقے اپنائے جاسکیں گے۔جس سے دوسروں کے لئے ایک ماڈل کے طور پر خدمت کرنے کی بنیاد بن سکتی ہے۔

 

 

جوائنٹ سکریٹری (مہاتما گاندھی این آر ای جی ایس )جناب امت کٹاریہ نے سماجی آڈٹ کے عمل کی تفصیلات بیان کی اور اس بات کا اظہار کیا کہ شفافیت اور جواب دہی لانے کی غرض سے سماجی آڈٹ کی نئی اور دوبارہ ساکھ کے موضوع کے ساتھ اس سیمینار کا نتیجہ سماجی آڈٹ کے عمل کو بہتر بنانے کے لئے ایک خاکہ پیش کرنے میں مدد گار ثابت ہوگا۔

 

 

 پنچایت راج کی وزارت تعلیم کے محکمے اور سماجی انصاف و تفویض اختیارات کی وزارتوں نے اپنی اپنی اسکیموں کے لئے سماجی آڈٹ کے اہتمام میں اپنے اپنے تجربات مشترک کئے ۔مختلف ریاستوں کے کمشنر(مہاتما گاندھی این آر ای جی ایس)اورسماجی آڈٹ یونٹس نے سماجی آڈٹ کے اہتمام میں اپنے اپنے بہترین طور طریقے اور تجربات مشترک کئے ۔تمام ریاستوں/مرکز کے زیر انتظام علاقوں کے افسروں ، مختلف ریاستوں /مرکز کے زیر انتظام علاقوں کے سماجی آڈٹ یونٹ (ایس اے یو) مختلف مرکزی وزارتوں اور سول سوسائٹی کی تنظیموں نے اس سیمینار میں شرکت کی۔

 

 

***********

ش ح ۔  ح ا - م ش

U. No.10006

(Release ID: 1961163) Visitor Counter : 132