'নতরাজ' হায়বসি লাই অমখক্তদা পুনশিন্দুনা য়াওবা শক্তি লৈরবা মার্কা অমনি, মসিদা সিববু য়ুনিভর্স অসিবু শেম্বীবা, য়োকপীবা অমসুং মাঙহনবীবা ওইনা উৎলি অমসুং মতমগী উংদুনা চৎলিবা মচৎ অসিদা ভারতিয়শিংনা খঙবা ৱাখল্লোন অদু উৎলি। নত্রাজ মুর্তি অসিনা কলাগী সংসারদদি ৱারীনফম ওইরি, মসিদা ক্রিতিকশিংনা মসিবু অনৌবা অঙকপা অমা ওইনা শিংথানরি অমসুং আর্তকী ওইবা অৱাংবা থাক্কী হৈশিংবগী খুদম অমনি হায়না শৈথানরি। মালেম পুম্বদগী লাকপা দেলিগেতশিংনা স্থাপতিগী ক্রিএসন য়েংন্নবগীদমক হাইজিন্নরক্লি অমসুং অসিগুম্বা কলাগী থবক অসিদা য়াওরিবা ফজবা অমসুং শুমদুনা পুবা ঙম্বা শক্তি অসিবু অমুক্তং য়েংননবগীদমক লাক্নরি। ইন্দিরা গান্ধী নেসনেল সেন্তর ফোর দি আর্তস (আই.জি.এন.সি.এ.)না জি২০ সম্মিতকী মফম ওইরিবা ভারত মন্দপমদা 'নতরাজ' মুর্তি খিন্নবা অচৌবা থৌদাং লৌখি। 'নতরাজ'গী মতাংদা নহাশিংদা খঙহন্নবা অমসুং খন্ননৈননবা "নতরাজঃ মেনিফেসতেসন ওব কোস্মিক এনর্জী" হায়বসিগী মতাংদা সিম্পোজিয়ম অমা দা. অম্বেদকর ইন্তর্নেসনেল সেন্তরদা পাঙথোকখ্রে। থৌরম অসিদা নতরাজ আইদোলগী নীংথিরবা শক্তম অমা মায়খুম হাংদোকখি।

সিম্পোজিয়ম অদুগী গেস্ত অমসুং স্পীকরশিংনা পদ্ম ভুশন দা. পদ্ম সুব্রহমনিয়ম, পদ্ম বিভুসন দা. সোনাল মনসিংহ (এম.পি. রাজ্য সভা), শ্রী রামবহাদুর রাই, প্রেজিদেন্ত, আই.জি.এন.সি.এ. ত্রস্ত, শ্রী গোবিন্দ মোহন, সেক্রেতরী কলচর মন্ত্রালয়, ভারত সরকার, শ্রী বিমন বিহারি দাস, চীয়রমেন, এ.আই.এফ.এ.সি.এস. প্রোফেসর সঞ্জীব কুমার শর্ম, প্রিন্সিপাল, কোলেজ ওব আর্ত, শ্রী রাধা কৃষ্ণ স্থপতি, নতরাজ আইদোল শাখিবা, স্বামি মলাই, তমিল নাদু, শ্রী অদ্বাইত গদনাইয়ক, হান্নগী দিরেক্তর জেনরেল এন.জি.এম.এ., শ্রী অনিল সুতর, শক্নাইরবা মুর্তি শাবা, অমসুং দা. সচ্ছিদানন্দ জোশি, মেম্বর সেক্রেতরী, আই.জি.এন.সি.এ.নি। থৌরম অসিদা তোঙান-তোঙানবা ভাবোকশিং অমসুং নাৎপু পামজবশিংতা নত্তনা মহৈরোই ২০০ হেনবনা শরুক য়াখি।

থৌরম অদুদা ৱা ঙাংলদুনা পদ্ম ভুশন দা. পদ্ম সুব্রহমনিয়মনা নতরাজগী নুংগী অর্থগী মতাংদা ৱা ঙাংখি। মহাক্না কন্সিয়সনেসকী স্পেসকী মতাংদা ঙাংখি। সাইন্তিফিক ওইনা য়েংবদা, মসি মেত্তর অমসুং এনর্জীগী অপুনবা অদুনি। মসি য়ন্ত্রনি (রিচুএল ওইনা লাৎনরিবা লাইন দাইগ্রাম)। মসি রুপ লাৎপা অমসুং 'অরুপ' লাৎপনি, মখোয় অনিমক্না চিদম্বরমদা লৈবা নতরাজগী লাইশঙদা পুন্না লৈ। মহাক্কী প্রেজেন্তেসন্দা মহাক্না 'নতরাজগী' তোঙান-তোঙানবা মায়থোং অমসুং হীরমশিংদা ৱা ঙাংখি। তিল্লিবা অদুগী ভাবোগশিংনা মহাক্কী ৱারোল অদুদা হরাওনা তাখি।

দা. সোনাল মনসিংহনা হায়খি, নতরাজ মুর্তি খিনবগা মরী লৈননা "নতরাজঃ মেনিফেস্তেসন ওব কোস্মিক এনর্জী" হায়বসিগী মতাংদা শীনখিবা সিম্পোজিয়ম অসিদা শরুক য়াবা ফংজবা হায়বসি য়াম্না হরাওবা পোকই। মহাক্না ইন্দিরা গান্ধী নেসনেল সেন্তর ফোর দি আর্তসপু অসিগুম্বা ৱাখল লৌশিং ওইগদবা থৌরম অসিবু ভারতিয়গী মগুন ঙাক্নবগীদমক, ইনাক খুল্লবা নাত অমসুং লনশিং অসিবু খঙনবগীদমক শীনবীবগীদমক নুংঙাইবা ফোংদোকখি। তিল্লিবা ময়াম অদুদা ৱা ঙাংলদুনা শ্রী গোবিন্দ মোহন, কলচর মন্ত্রালয় (ভারত সরকার)না নতরাজ শেম্বগী মতাংদা মহাক্কী ওইবা ৱাখল্লোন থম্লদুনা হায়খি মদুদি থৌরাংশিং অদুদি তশেংনমক্তি য়াম্না শীংননিংঙাই ওইখি অদুবু নতরাজনা মতম চুপদা অচৌবা থৌদাং অসিবু লোইশিনবা ঙম্নগী থৌজাল পীবীখি। মসি শেম্বসি নাৎকী ওইবা মওংদা তৌগদবা ওই, মসিনা মরম ওইদুনা মালেমদা খ্বাইদগী ৱাংবা 'নতরাজ' মুর্তি অসি স্থাপতি, রাধা কৃষ্ণ অমসুং মহাক্কী কাংবু স্বামি মলাই, তমিল নাদুনা ৯শুবা চহি চাগী চোলা পেরদতা নতরাজ শাবদা পল্লম্বা নাৎকী ওইবা মওংদা সিল্পা সাস্ত্রদা পল্লিবা অদুগুম্না কেনন অমসুং মিজরমেন্ত শীজিন্নদুনা শাখি।

দা. সচ্ছিদানন্দ জোশিনা থৌরম অদুদা ৱা ঙাংলদুনা নতরাজ অসি শিববু তাক্লিবা কোস্মিক এনর্জীগী সিম্বোল অমনি হায়খি। 'তনদব মুদ্র' হায়বসি ক্রিএতিবিতী, কনবীবা অমসুং মাঙহনবীবগী কোস্মিক সাইকলনি হায়খি। মহাক্না লোইশিনলদুনা হায়খি মদুদি অসিগুম্বা ৱাখলনা লাম্বদা ৱাগদবা থবক অসি রেকোর্দ ওইবা মতম অমদা লোইশিনখি। মদুসু তমিল নাদুগী স্বামিমালাইদগী শ্রী রাধা কৃষ্ণ স্থাপতিবু মহাক্কী অখন্নবা আর্তিস্তিক ওইবা শক্তি অসিগীদমক অমসুং মালেম পুম্ববু মহাক্কী মাস্তর্পিস অসিনা শুমহৎখ্রবা মতুংদা মীয়াম্না শকখঙনরকপা মতাংদনি। মহাক্না অসিগুম্বা ইকাইখুম্নবা অসি নৈ দিল্লীদা হন্দক্তা পাঙথোকখিবা জি২০ সম্মিততা 'নতরাজ' মুর্তিনা লৈতেংখিবনি। ফুত ২৭ ৱাংবা, তন ১৮ লোম লুম্বা নতরাজগী মুর্তি অসি স্বামিমলাইগী নাৎকী স্থাপতিনা নাতকী ওইবা মওংদা স্ক্রিপচরদা য়াওবগুম্না কেনন অমসুং মিজরমেন্ত শীজিন্নদুনা শাবনি। মসিদা শীজিন্নরিবা ক্লে অসিসু স্বামিমলাইদা চেল্লিবা কাবেরি তুরেলদগী ফংবগী।

জি২০ সম্মিত শীল লাঙলিবশিংনা অপুনবা, পাঙ্গল অমসুং ফজবা পুন্না য়াওনা হকপা ঙমগদবা আর্তিস্ত অমা থিদুনা লাকখি। আর্তকী মীয়াম মরক্তী স্থাপতিগী মমিং অসি পন্নরক্তুনা মহাকপু অসিগুম্বা চাউরবা থবক অসিগীদমক খনখিবনি। থা কয়া, স্থাপতিনা প্রভু শিবগী কোস্মিক ওইবা জগোই অসিবু নৈনদুনা নত্রাজগী ইথিল হাপ্পা ঙমনবগীদমক নৈনখি। নতরাজী মুর্তি অসি জি২০ সম্মিতা মায়খুম হাংদোকখি।

*****