گزشتہ 9 برسوں سے سووچھ بھارت مشن  کچرے سے پاک بھارت کے خواب کو  پورا کرنے کی خاطر  وسیع عوامی شرکت  کا مشاہدہ  کر رہا ہے۔ وزیراعظم جناب نریندر مودی کی  سووچھتا کے لئے کی گئی اپیل کا عام شہریوں، بلدیاتی اداروں ، قصبوں ، گرام پنچایتوں  اور  پرائیویت ایجنسیوں نے  زبردست رد عمل ظاہر کرتے ہوئے ایک صاف بھارت تشکیل دینے  کی ذمہ داری لی ہے۔ معزز  وزیراعظم نے  ہم وطنوں پر زور دیا ہے کہ وہ  یکم اکتوبر  2023  کو صبح 10  بجے ‘‘ایک تحریک، ایک گھنٹہ، ایک ساتھ’’  کی  صفائی ستھرائی کی وسیع مہم میں شرکت کریں، جو  ہر قسم  کے عوامی مقامات  پر منعقد کی جائے گی۔ 13  کروڑ  سے زیادہ شہری پہلے ہی  سووچھتا پکھواڑہ -  سووچھتا ہی سیوا  2023  میں  شا مل ہو چکے ہیں اور  15  ستمبر  سے 2  اکتوبر  2023  تک  -  جو  سووچھ بھارت دیوس  (ایس بی ڈی)  ہے،    اس مہم میں شریک  رہیں گے۔ تلنگانہ  سووچھتا کے لئے شہریوں کی تحریک  کو شروع کر کے  ہر قسم کی صفائی ستھرائی  اور اس  سے متعلق بیداری پیدا کرنے کے لئے  پکھواڑے میں اپنی  موجودگی  ثابت کر رہا ہے۔

انہوں نے  صفائی ستھرائی کی ایک بڑی مہم انجام دی، جس میں  طلباء ، نوجوان، بڑے بچوں، مقامی لوگوں، اداروں ، بلدیاتی ایجنسیوں اور دیگر نے   صفائی ستھرائی کی مختلف سرگرمیوں میں شرکت کی اور  اپنے آس پاس کے علاقوں کو صاف ستھرا کرنے کے لئے زبردست کوششیں کیں۔ 21  لاکھ سے زیادہ شہریوں نے پوری ریاست میں صفائی ستھرائی کی مہم میں حصہ لیا ۔ عوام  نے  سرکاری اداروں، عوامی مقامات ، بازاروں  وغیرہ میں  شرم دان اور بیداری پیدا کرنے کی  سرگرمیوں میں  شرکت کی۔ ان لوگوں نے  گاؤوں کے اندر   اور آس پاس  پلاسٹک کے کچرے کو  یکجا کرنے  میں سرگرمی سے حصہ لیا ۔ اس کے ساتھ ہی انہوں نے دیہی اور شہری علاقوں میں سووچھتا  کے بارے میں بیداری  پھیلانے کا بھی کام کیا۔ انہوں نے  کچرے کے بندو بست ، کچرے کو  مناسب طریقے سے ٹھکانے لگانے ، کچرے کو الگ الگ کرنے  اور  صرف  ایک مرتبہ  استعمال ہونے والی پلاسٹک سے انکار، اس میں کمی اور دوبارہ استعمال کےاصولوں کے بارے میں بتایا اور  اس کے متبادل چیزوں، جیسے اسٹیل کے برتن کے بینک بنانے ، جوٹ، کپڑے کے بنے تھیلوں کا استعمال کرنے پر زور دیا اور اس طرح انہوں نے  نہ صرف سووچھتا کو حاصل کرنے بلکہ  ماحول کا تحفظ کرنے کے لئے بھی کوششیں کرنے پر زور دیا۔ شہریوں نے  سووچھتا کا عہدلیا ، سووچھتا کی ریلیوں میں شرکت کی اور  سووچھتا کے بارے میں بیداری پیدا کرنے  کی سرگرمیوں کے طور پر  انسانی زنجیر  تشکیل دی۔

سووچھتا ہی سیوا  2023  مہم  کے ایک حصے کے طور پر  تلنگانہ نے اب تک  1874 اسکولوں  اور کالجوں   میں  بیداری مہم  کا انعقاد کیا  اور  صفائی ستھرائی سے متعلق  2048  وارڈ کی سطح کے پروگرام منعقد کئے۔ اب تک  380 جی وی پی  مقامات   میں  سے  314  مقامات کو صاف کردیا گیا ہے اور  متعلقہ جی وی پی علاقوں میں صفائی ستھرائی کو برقرار رکھنے کے لئے بھی بندو بست کئے گئے ہیں۔ ریاست میں  ان تمام  314  جی وی پی  مقامات کو  آئی ای سی مقامات  میں تبدیل کرنے کا عہد کیا ہے ۔ اس کے علاوہ  سماجی اور  سرکاری بیت الخلاء  کے 1072   مقامات کے علاوہ  117  عوامی پارکوں کو بھی  این سی سی / این ایس ایس  طلباء  اور ایس ایچ جی  کی خواتین ارکان کی مدد سے  صفائی کی  گئی ہے۔ ریاستیں  ایس بی ایم یو  2.0  کے تحت  2026  تک  کچرے سے پاک شہروں  کا ہدف حاصل کرنے کے لئے  کوئی  کسر نہیں  چھوڑ رہی ہیں۔ سووچھتا کے لئے جن آندولن  یہاں سے تیز  رفتار ی کے ساتھ آگے بڑھنے کے لئے تیار ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔

(ش ح- وا - ق ر)

U-9985

(Release ID: 1960986) Visitor Counter : 114