جنگی مشق "یودھ ابھیاس" کا انیسواں ایڈیشن 25 ستمبر سے 8 اکتوبر 2023 تک فورٹ وین رائٹ، الاسکا، امریکہ میں منعقد ہوگا۔ یہ ایک سالانہ مشق ہے جو ہندوستانی فوج اور امریکی فوج کے ذریعہ مشترکہ طور پر کی جاتی ہے۔ مشق کا گزشتہ ایڈیشن ہندوستانی ریاست اتراکھنڈکے اولی میں نومبر 2022 میں منعقد کیا گیا تھا۔

مشق کے اس ایڈیشن میں 350 اہلکاروں پر مشتمل ہندوستانی فوج کا دستہ حصہ لے گا۔ ہندوستان کی جانب سے لیڈ بٹالین مراٹھا لائٹ انفنٹری ریجمنٹ سے وابستہ ہے۔ پہلی بریگیڈ کمبیٹ ٹیم کی ایک  سے 24 انفنٹری بٹالین امریکہ کی  جانب سے حصہ لے گی۔ دونوں فریق اقوام متحدہ کی امن فوج کی کارروائیوں میں باہمی تعاون کو بڑھانے کے لیے حکمت عملی کی مشقوں کی ایک سیریز کی مشق کریں گے۔ دونوں اطراف کے اہلکار اپنے تجربات اور بہترین طریقوں کو شیئر کرنے کے لیے تفصیلی بات چیت بھی کریں گے۔ اس مشق کا تھیم اقوام متحدہ کے مینڈیٹ کے باب ہشتم کے تحت پہاڑی/شدید موسمی حالات میں ایک مربوط جنگی گروپ کی تعیناتی ہے۔

ایک کمانڈ پوسٹ مشق اور منتخب موضوعات پر ماہرین کی  علمی بحثیں بھی شیڈول کا حصہ ہوں گی۔ فیلڈ ٹریننگ ایکسرسائز کے دائرہ کار میں بریگیڈ کی سطح پر دشمن قوتوں کے خلاف مربوط جنگی گروپوں کی توثیق، بریگیڈ/بٹالین کی سطح پر مربوط نگرانی گرڈ، ہیلی بورن/ایئر بورن عناصر اور فورس ملٹی پلائرز کی تعیناتی ، آپریشن کے دوران لاجسٹک اور حادثاتی انتظام کی توثیق شامل ہے۔ انخلاء اور جنگی طبی امداد اور دیگر پہلو جو کہ اونچائی والے علاقوں اور شدید موسمی حالات میں نافذ العمل ہوتے ہیں۔

اس مشق میں جنگی مہارتوں کے وسیع میدان بشمول جنگی انجینئرنگ، رکاوٹوں کی منظوری، بارودی سرنگ اور دھماکا خیز آلات کی جنگ کے بارے میں خیالات کا تبادلہ اور بہترین مشقیں بھی شامل ہوں گی۔جنگی مشق "یودھ ابھیاس-23" دونوں فوجوں کو باہمی طور پر ایک دوسرے سے سیکھنے اور دونوں فوجوں کے درمیان تعلقات کو مزید مضبوط کرنے میں سہولت فراہم کرے گا۔

۔۔۔۔۔۔۔۔۔۔۔۔۔۔۔۔۔۔۔۔۔

(ش ح ۔ رض  ۔ ت ع  (

9881