য়ুথ এফিয়ার্স অমসুং স্পোর্তসকী কেন্দ্র মন্ত্রী শ্রী অনুরাগ সিংহ থাকুরনা নই দিল্লীদা ২০২৩গী সেপ্তেম্বর ১৯দা পন্দিৎ দীনদয়াল উপাধ্যায় নেস্নেল ৱেলফেয়র ফন্দ ফোর স্পোর্তসপর্সনস (পি.দি.য়ু.এন.দবল্যু.এফ.এস.)গী মখাদা শান্নরোইশিংবু ইকায় খুম্নখ্রে।

থৌরম অদুদা শ্রী অনুরাগ সিংহ থাকুরনা হায়খি মদুদি পন্দিৎ দীনদয়াল উপাধ্যায় নেস্নেল ৱেলফেয়র ফন্দ ফোর স্পোর্তসপর্সনস (পি.দি.য়ু.এন.দবল্যু.এফ.এস.) অসি নিংথিজনা শান্নজবা অদুবু লাইরবা ইমুংদগী ওইবা অদুগুম্লবা স্পোর্তসপর্সনশিংবু মতেং পাংনবা শেমখিবনি। মহাক্না হায়খি মদুদি স্কিম অসিনা স্পোর্তস ইক্বিপমেন্ত লৈবা অমসুং ত্রেনিংদা মতেং পাংলি অমসুং হৌজিক ফাওবদা স্পোর্তসপর্সন ২৭০দা চাউরাক্না লুপা করোর ৮ লাখ ১৫গী তেংবাং পীখ্রে। মহাক্না ফোংদোকখি মদুদি ঙসি তেংবাং ফংহল্লিবা স্পোর্তসপর্সনশিং অসিসু নিংথিজনা শান্নৈ অমসুং ফেসিলিতী কয়া অমা মথৌ তাবশিংনি। মহাক্না মখা তাখি মদুদি সরকারনা এথেলেৎশিংদা মতেং ফংহল্লি মদু তোপসকী খুত্থাংদা ওইবা য়াই নত্রগা পন্দিৎ দীনদয়াল উপাধ্যায় নেস্নেল ৱেলফেয়র ফন্দ ফোর স্পোর্তসপর্সনস (পি.দি.য়ু.এন.দবল্যু.এফ.এস.)গী খুত্থাংদা ওইবা য়াই। প্রধান মন্ত্রী শ্রী নরেন্দ্র মোদীনা এথলেৎশিংগীদমক পীবা য়াবা তেংবাং পুম্নমক পীরি অমসুং স্পোর্তসপর্সনশিংবু মখা তানা তেংবাংখিগনি হায়না মহাক্না মখা তাখি।

এসিয়ান গেম্সদা ৱা ঙাংলদুনা মহাক্না হায়খি মদুদি চহি অসিদা হৌজিক ফাওবগী খ্বাইদগী ৱাংবা মেদলশিং ভারতনা ফংগনি হায়না ঐখোয়না আশা তৌই।

পন্দিৎ দীনদয়াল উপাধ্যায় নেস্নেল ৱেলফেয়র ফন্দ ফোর স্পোর্তসপর্সনস (পি.দি.য়ু.এন.দবল্যু.এফ.এস.)গী স্কিম অসি লাইরবা ফিভমদা হিংলিবা থোইদোক হেন্দোকপা স্পোর্তসপর্সনশিং, কোচশিং অমসুং মখোয়গী ইমুং-মনুংদা মেদিকেল ত্রিৎমেন্ত, শোকপা পনবা, স্পোর্তস ইক্বিপমেন্তশিং লৈবা অমসুং নেস্নেল অমসুং ইন্তরনেস্নেল স্পোর্তস ইভেন্তদা শরুক য়াবগুম্বা অসিনচিংবা তোঙান তোঙানবা পর্পজশিংগীদমক শেলগী তেংবাং ফংহন্নবগী পান্দমগা লোয়ননা ইমপ্লিমেন্ত তৌখিবনি।

মখাগী স্পোর্তসপর্সনশিং অসিদা তেবলগী মতুং ইন্না শেলগী তেংবাং পীরে:  

***