"ప్రవేశ రుసుము మరియు బ్యాంక్ హామీల హేతుబద్ధీకరణ" పై భారత టెలికం నియంత్రణ సంస్థ (ట్రాయ్) మంగళవారం తన సిఫార్సులను విడుదల చేసింది.

        టెలికం రంగంలో అమలులో ఉన్న / పని చేస్తున్న వివిధ లైసెన్సుల ప్రవేశ రుసుములు మరియు బ్యాంక్ హామీల హేతుబద్ధీకరణను కోరుతూ టెలికం శాఖ లేఖ నం. 20-577/2016-AS-I Vol.III తేదీ మార్చి 3, 2022 ద్వారా ట్రాయ్ కి
సూచన పంపింది.

          మార్కెట్ లోకి ప్రవేశించడానికి భావి ప్రవేశకులు ఒకసారి చెల్లించవలసిన మొత్తం.  సాధారణంగా ప్రవేశ రుసుములను వాపస్ ఇవ్వరు మరియు సంస్థ ప్రారంభంలో అయ్యే ఖర్చులు అందులో ఉంటాయి.  ఇక బ్యాంక్ గ్యారంటీ  ప్రభుత్వ ప్రయోజనాలను పరిరక్షించడానికి ఏర్పాటు చేసిన ఒక రకమైన ఆర్ధిక సాధనం.  లైసెన్సుదారు తన బకాయిలను సకాలంలో చెల్లించేలా మరియు లైసెన్స్ ఒప్పందంలో సూచించిన నిబంధనలు మరియు షరతుల ప్రకారం వారి బాధ్యతలను నిర్వర్తించేలా అది చేస్తుంది


             టెలికాం శాఖ సూచన ఆధారంగా, 26 జూలై 2022న TRAI ద్వారా “రేషనలైజేషన్ ఆఫ్ ఎంట్రీ ఫీజు మరియు బ్యాంక్ గ్యారంటీస్” అనే అంశంపై ఒక సంప్రదింపుల/సమాలోచన  పత్రాన్ని విడుదల చేసింది. సంప్రదింపుల పత్రంపై  2022 ఆగస్టు 23 మరియు  6 సెప్టెంబర్ 2022 వరకు  రాతపూర్వక వ్యాఖ్యలు మరియు ప్రతికూల వ్యాఖ్యలను ఆహ్వానించారు. . పరిశ్రమ సంఘాలు/భాగస్వామ్య పక్షాల అభ్యర్థన మేరకు, వ్రాతపూర్వక వ్యాఖ్యలు మరియు ప్రతికూల వ్యాఖ్యలను దాఖలు చేయడానికి చివరి తేదీని వరుసగా 6 సెప్టెంబర్ మరియు 20 సెప్టెంబర్ 2022 వరకు పొడిగించారు.  ట్రాయ్ సంస్థకు వివిధ వాటాదారుల నుండి 20 వ్యాఖ్యలు మరియు 1 ప్రతికూల వ్యాఖ్య అందాయి.  ఈ వ్యాఖ్యలు మరియు ప్రతికూల -వ్యాఖ్యలన్నీ TRAI వెబ్‌సైట్ www.trai.gov.inలో అందుబాటులో ఉన్నాయి.  సంప్రదింపుల పత్రంలో లేవనెత్తిన సమస్యలపై వీడియో కాన్ఫరెన్సింగ్ ద్వారా 9 డిసెంబర్ 2022న బహిరంగ సభ చర్చ కూడా నిర్వహించడం జరిగింది.

             వేగవంతమైన సాంకేతిక పరివర్తన జరుగుతున్న వాతావరణంలో  టెలికాం రంగం యొక్క క్రమమైన వృద్ధిని మరియు వ్యాపారాన్ని సులభతరం చేయడానికి,టెలికమ్యూనికేషన్స్ రంగంలో వివిధ లైసెన్స్ అధికారాలు మరియు బ్యాంకుల విలీనంలో ప్రవేశ రుసుములను తగ్గించడానికి ట్రాయ్ ప్రభుత్వానికి సిఫార్సులు చేసింది.   బ్యాంకు గ్యారంటీలు, ప్రవేశ రుసుము  తగ్గింపులు మార్కెట్లోకి కొత్త సర్వీస్ ప్రొవైడర్ల ప్రవేశానికి దారితీస్తాయని, పెట్టుబడులను పెంచుతుందని మరియు టెలికాం రంగంలో పోటీని పెంచుతుందని అంచనా.  ఎంట్రీ ఫీజు బ్యాంక్ గ్యారెంటీల విలీనం వ్యాపారాన్ని సులభతరం చేయడాన్ని  ప్రోత్సహిస్తుంది మరియు ఈ  రంగంలో  లైసెన్సీలు పెట్టుబడులు పెట్టడానికి వీలు కల్పిస్తుంది, తద్వారా ఈ రంగంలో వృద్ధికి దోహదం చేస్తుంది. . ఈ రెండు చర్యలు సేవల నాణ్యతను మెరుగుపరుస్తాయి మరియు వినియోగదారులకు మెరుగైన  సంక్షేమాన్ని సమకూరుస్తాయి.

         లైసెన్స్ పునరుద్ధరణ సమయంలో ఎలాంటి ప్రవేశ రుసుమును తీసుకోరాదని కూడా ట్రాయ్ సిఫార్సు చేసింది. ఇటువంటి చర్య ఇప్పటికే ఉన్నవారిపై, అలాగే కొత్తగా ప్రవేశిస్తున్న /ప్రవేశించనున్న  వారిపై ఆర్థిక భారాన్ని తగ్గిస్తుంది మరియు ముఖ్యంగా UL (VNO) లైసెన్స్‌దారులకు ప్రయోజనకరంగా ఉంటుంది.

సిఫార్సుల ముఖ్య లక్షణాలు క్రింది విధంగా ఉన్నాయి: -

(i) యూనిఫైడ్ లైసెన్స్ (UL) కోసం ఇప్పుడున్న స్థాయి నుంచి  ప్రవేశ రుసుమును తగ్గించాలి
                     ఏకీకృత లైసెన్స్ (వర్చువల్ నెట్‌వర్క్ ఆపరేటర్) (UL (VNO)) లైసెన్స్‌లు.

(ii) M2M (“A”/ “B”/ “C”), ఆడియో కాన్ఫరెన్సింగ్/ Audiotex/ వాయిస్ మెయిల్ సర్వీస్, ISP “C” కి  ఎంట్రీ ఫీజు తీసుకోరాదని సిఫార్సు.

(iii) కింద పేర్కొన్న ఏకీకృత లైసెన్స్ UL అధికారం కోసం ప్రవేశ రుసుము హేతుబద్ధీకరించడం జరగాలి.

ఎ) యాక్సెస్ సర్వీస్: ప్రతి టెలికాం సర్కిల్/మెట్రో ప్రాంతానికి రూ. 1 కోటి నుండి రూ. 50 లక్షల వరకు; J&K మరియు ఈశాన్య ప్రాంతాలకు ఒక్కొక్కటి 0.5 కోట్ల నుండి 25 లక్షల వరకు.

బి) NLD మరియు ILD: రూ. 2.5 కోట్ల నుండి రూ. 50 లక్షల వరకు.

సి) PMRTS: ప్రతి టెలికాం సర్కిల్/ మెట్రో ప్రాంతానికి రూ. 50 వేల నుంచి రూ.  20 వేలు.

d) ISP "B": ఒక్కో టెలికాం సర్కిల్‌కు రూ. 2 లక్షల నుంచి రూ. 50 వేలు, రూ. జమ్మూ & కాశ్మీర్ మరియు ఈశాన్య ప్రాంతాలు ఒక్కొక్కదానికి  రూ. 25 వేలు.

ఇ) ISP “A”: రూ. 30 లక్షల నుంచి రూ. 10 లక్షలు.

(iv) పోటీని ప్రోత్సహించడానికి మరియు సేవలను మరింత మెరుగుపరచడానికి వీలుగా UL (VNO) అధికారాల కోసం ప్రవేశ రుసుము గణనీయంగా తగ్గించడం జరిగింది.

(v) లైసెన్సుల పునరుద్ధరణ సమయంలో ఎటువంటి ప్రవేశ రుసుము తీసుకోరాదు.

(vi) ఏకీకృత లైసెన్స్ కోసం, ఫైనాన్షియల్ బ్యాంక్ గ్యారంటీ (FBG) మరియు నిర్వహణ బ్యాంక్ గ్యారంటీ (PBG) బకాయిలకు హామీలను కల్పించడానికి, లైసెన్స్ నిబంధనల ఉల్లంఘనను దాని పరిధిలోకి తేవడానికి  మరియు లైసెన్స్ ఒప్పందం ప్రకారం పనితీరును నిర్ధారించడానికి అన్నింటినీ ఒకే బ్యాంక్ గ్యారంటీలో కలిపివేయాలి.

(vii) అదేవిధంగా, మొబైల్ నంబర్ పోర్టబిలిటీ లైసెన్స్ కోసం FBG మరియు PBGలను ఒకే బ్యాంక్ గ్యారంటీలో విలీనం చేయాలి.

(viii) వ్యాపార సౌలభ్యాన్ని పెంపొందించడానికి, ఎలక్ట్రానిక్ బ్యాంక్ గ్యారంటీ (eBG) సమర్పణ ప్రక్రియను అనుసరించాలి.


“ప్రవేశ రుసుము మరియు బ్యాంక్ హామీల హేతుబద్ధీకరణ”పై సిఫార్సుల పూర్తి పాఠం TRAI వెబ్‌సైట్ www.trai.gov.inలో  ఉంచడం జరిగింది.  వివరణ / సమాచారానికి సంబంధించిన సందేహాలు ఏవైనా ఉంటే వాటి  నివృత్తి/స్పష్టీకరణ కోసం  సలహాదారు (F&EA) శ్రీ అమిత్ శర్మను  advfea2@trai.gov.in వెబ్ సైట్ ద్వారా లేదా  +91-11-23234367 టెలిఫోన్ నంబర్లో సంప్రదించవచ్చు.

***