প্রধান মন্ত্রী শ্রী নরেন্দ্র মোদীগী স্বচ্ছ ভারতকী মীৎয়েংবু মাংলোমদা পুখৎতুনা দোনর মন্ত্রালয়না লু-নান্না থম্নবা, গবর্নান্সতা পন্দুনা লৈবশিং হন্থহন্নবা অমসুং মীয়াম্না শরুক য়াবা (জনভাগিদারি) হেনগৎহন্নবা ৱারেপ লৌরে।

অফবা গবর্নান্স পুরক্নবা অমসুং স্বচ্ছতা থৌগৎনবগীদমক দোনর মন্ত্রালয়না এদমিনিস্ত্রেতিব রিফোর্মস অমসুং পব্লিক গ্রিভান্সেস বিভাগনা ওফিস লু-নালহনববু ইন্সতিত্যুস্নেলাইজ তৌবা অমসুং গবর্নমেন্ত ওপরেসনশিংদা পন্দুনা লৈবশিং হন্থহন্নবদা মীৎয়েং থমদুনা হৌদোকখিবা অখন্নবা কেম্পেন ২.০দা শরুক য়াখি। কেম্পেন অসি ২০২২গী ওক্তোবর ২দা হৌদোকখি অমসুং ২০২২গী নবেম্বরদগী ২০২৩গী ওগস্ত ফাওবা চত্থখি।

ভারত সরকারগী খোংথাং অসি মাংলোমদা পুখৎলদুনা মন্ত্রালয়না স্বচ্ছ ভারত্তা মসিগী চহি ১০ কত্থোরকখিবগী মতোল লোম্নবগীদমক হৌজিক থৌরাংলি অমসুং ওক্তোবর ২০২৩দা অখন্নবা কেম্পেন ৩.০গী মতম মনুংদা সেনিতেসনদা য়ুমফম ওইবা খোংথাংশিং লৌখৎকনি।

অখন্নবা কেম্পেন ২.০গী মতম মনুংদা অৱাং নোংপোক রাজ্যশিংগী তোঙান তোঙানবা মফমশিংদা লৈরিবা মন্ত্রালয়গী ফিল্দ ওফিসশিংদা মীৎয়েং থমখি। দোনর মন্ত্রালয়, এন.ই.সি., এন.ই.দি.এফ.আই., এন.ই.ঐচ.ঐচ.দি.সি., এন.ই.আর.এ.এম.এ.সি. & এন.ই.সি.বি.দি.সি.গী ওফিসশিং য়াওনা মশক খংদোক্লবা সাইত ৩৪দা স্বচ্চতা অভিয়ান পাংথোকখি। কেম্পেনগী মরুওইবা পুক্নিং চিংশিনফমদি এমপ্লোইশিং অমসুং মীচম মীয়াম্না পাক শন্না শরুক য়াখিবনা ওইখি।

অখন্নবা কেম্পেনগী মরুওইবা এচিবমেন্তশিংদি – ই-ফাইল ৩১৩ ক্লোজ তৌখ্রে অমসুং ফিজিকেল ফাইল ৫৫০ লৌথোকখ্রে, ২০২২গী ওক্তোবরদা সাইত ৩৪ শেংদোকখ্রে। ২০২২গী ওক্তোবরদা এন.ই.দি.এফ.আই. অমসুং এন.ই.সি.না স্ক্রেপ দিস্পোজ তৌদুনা লুপা ১০৭৬৯৭গী রেভেন্যু জেনরেত তৌখি। ২০২২গী দিসেম্বরদা দোনর মন্ত্রালয়না লুপা ৫০,০০০/- রেভেন্যু জেনরেত তৌখি। ২০২২গী নবেম্বরদগী ২০২৩গী ওগস্ত ফাওবগী মতম মনুংদা দোনর মন্ত্রালয়দা কা খরা শেংদোক চামথোকখি/নৌনা শেমজিনখি।

লাক্কদৌরিবা অখন্নবা কেম্পেন ৩.০না মশকনায়বা মাইলস্তোন অমা মার্ক তৌরি, মদু মন্ত্রালয়দা স্বচ্ছতাদা য়ুমফম ওইবা চহি তরাগী খোংথাংগা চৎমিন্নরি। কেম্পেন অসি এক্সত্রাওর্দিনারী ওইগনি হায়না ৱাশক্লি মরমদি মন্ত্রালয়না মসিগী হৌখিবা হোৎনখিবশিং চেৎশিনহন্দুনা থবক পায়খৎনবা থৌরাং তৌরি।

দোনরগী কেন্দ্র মন্ত্রী শ্রী জি. কিশন রেদ্দী অমসুং দোনরগী রাজ্য মন্ত্রী শ্রী বি. এল. বর্মগী লুচিং মখাদা মন্ত্রালয়না অখন্নবা কেম্পেন ৩.০গী মখাদা পায়খৎকদৌরিবা এক্তিবিতীশিং মায় পাক্না ইমপ্লিমেন্ত তৌনবগীদমক অমসুং স্বচ্ছতা অসি মন্ত্রালয় অমসুং মসিগী ওর্গনাইজেসনশিংগী ওফিসিয়েল খুদিংমক্কী নুমিৎ খুদিংগী প্রেক্তিস ওইহন্নবা হোৎনবা য়াবা পুম্নমক হোৎনরি।

***