55ویں نیٹ ورک پلاننگ گروپ (این پی جی) کی میٹنگ 12 ستمبر 2023 کو اسپیشل سکریٹری، لاجسٹکس، ڈپارٹمنٹ فار پروموشن آف انڈسٹری اینڈ انٹرنل ٹریڈ (ڈی پی آئی آئی ٹی) کی اسپیشل سکریٹری محترمہ سومیتا داورا  کی صدارت میں نئی دلی میں منعقد ہوئی۔  اجلاس میں سڑک ٹرانسپورٹ اور شاہراہوں کی وزارت، شہری ہوا بازی کی وزارت، ریلوے کی وزارت، بندرگاہوں کی وزارت، جہاز رانی اور آبی گزرگاہوں کی وزارت، بجلی کی وزارت، نئی اور قابل تجدید توانائی کی وزارت، وزارت ماحولیات، جنگلات اور موسمیاتی تبدیلی کی وزارت، ٹیلی کمیونیکیشن کا محکمہ اور نیتی آیوگ  کے ممبروں  نے شرکت کی ۔

خصوصی سکریٹری نے اس بات پر روشنی ڈالی کہ 'پوری حکومت' کے نقطہ نظر کو اپنانے نے پروجیکٹ کی منصوبہ بندی اور عمل درآمد میں ایک نئی جہت کا اضافہ کیا ہے، جس سے مختلف وزارتوں اور محکموں کے درمیان پراجیکٹس کی تیزی سے فراہمی کے لیے سائلوس کو توڑ دیا گیا ہے۔ میٹنگ کے دوران پی ایم گتی شکتی پلان کے مختلف فوائد پر بھی روشنی ڈالی گئی، جیسے این ایم پی پر ڈیجیٹل سروے، ڈی پی آر کی تیاری میں لگنے والے وقت میں کمی، ٹیکنالوجی سے چلنے والے پلیٹ فارمز کے ذریعے موثر پراجیکٹ گورننس، اور انفراسٹرکچر اور سماجی شعبے کے اثاثوں کے لیے جامع منصوبہ بندی، جن سے مثبت نتائج حاصل ہورہے ہیں۔

میٹنگ کے دوران چھ پروجیکٹس بشمول ریلوے کی وزارت کے تین پروجیکٹس اور وزارت روڈ ٹرانسپورٹ اینڈ ہائی ویز کے تین پراجیکٹس، جن کی کل پراجیکٹ لاگت 14081 کروڑ کا تخمینہ لگایا گیا ہے۔ یہ پی ایم گتی شکتی اپروچ کے آغاز کے بعد سے تقریباً 11 لاکھ کروڑ روپے کی کل مالیت کے ساتھ این پی جی کے ذریعہ تخمینہ شدہ پروجیکٹوں کی کل تعداد 106 تک لے جاتا ہے۔

اپنی 55ویں میٹنگ میں، این  پی جی نے تین ریلوے لائن پروجیکٹوں کا تخمینہ لگایا جس کی کل پروجیکٹ لاگت  5374.5 کروڑ روپے ہے۔ ایک گرین فیلڈ ریلوے لائن پروجیکٹ الائنمنٹ مغربی بنگال، اڈیشہ اور جھارکھنڈ سے گزرتا ہے جب کہ ایک اور گرین فیلڈ ریلوے لائن اوڈیشہ میں واقع ہے، جو موجودہ ریلوے لائن کا متبادل اور مختصر سیدھ  میں ہوگااور موجودہ ٹریک کی بھیڑ کو کم کرنے میں مدد کرے گا۔ تیسری ریلوے لائن ریاست گجرات میں واقع ہے۔ توقع ہے کہ ان ریلوے لائنوں سے مسافروں کی آمدورفت کو فائدہ پہنچانے کے علاوہ کوئلہ، چونا پتھر، لوہے اور تیار شدہ مصنوعات جیسے آئرن اینڈ اسٹیل، سیمنٹ وغیرہ کی نقل و حمل میں آسانی پیدا کرکے اسٹیل، سیمنٹ اور بجلی کی صنعتوں کو فائدہ پہنچائے گا۔ ریلوے کے ان منصوبوں سے چھوٹے راستے فراہم کرکے اور موجودہ ریلوے لائنوں پر ٹریفک کی بھیڑ کو کم کرکے مجموعی لاجسٹکس لاگت کو کم کرنے کی بھی توقع ہے۔

اس کے علاوہ این پی جی نے 8706 کروڑ روپے کی کل لاگت والے تین سڑکوں کے پروجیکٹوں پر بھی تبادلہ خیال کیا۔ ایک سڑک پراجیکٹ (دھوبری پل - گویراگری) ریاست میگھالیہ میں واقع ہے اور زیر تعمیر 4 لین والے دھوبری-پھلباری پل کو مشرقی-مغربی روڈ کوریڈور سے جوڑ دے گا۔ یہ ملک کے شمال مشرقی حصے کو آسان کنیکٹیویٹی سے جوڑنے کے لیے حکومت کی پہل کا ایک حصہ ہے۔ اس منصوبے سے نہ صرف زرعی مصنوعات کی نقل و حمل کو فائدہ پہنچے گا بلکہ ہندوستان-بنگلہ دیش کے سرحدی علاقے میں بین الاقوامی تجارت کو بھی سہولت ملے گی۔ ایک اور گرین فیلڈ روڈ پروجیکٹ (کھڑگپور-مورگرام) کھڑگپور سلی گڑی روڈ کوریڈور کا حصہ ہے۔ اس پروجیکٹ سے کھڑگپور سے سلی گوڑی کے درمیان مجموعی فاصلہ 112 کلومیٹر اور سفر کے وقت میں 7 گھنٹے تک کمی آئے گی۔ اس پروجیکٹ سے نہ صرف راستے میں آنے والے خواہش مند اضلاع بلکہ بائیں بازو کی انتہا پسندی (ایل ڈبلیو ای) سے متاثرہ پسچم میڈنی پور کے اضلاع کو بھی فائدہ پہنچے گا۔ اس منصوبے سے خطے کی مجموعی سماجی و اقتصادی ترقی میں مدد ملے گی۔ اس سڑک سے ہلدیہ/کولکتہ بندرگاہ کے ذریعے بین الاقوامی تجارت کو بھی فائدہ پہنچے گا۔ تیسرا سڑک منصوبہ یعنی؛ دیوگھر بائی پاس سے شہر کی ٹریفک کی بھیڑ کو کم کرنے اور مقامی صنعتی پارکوں اور کلسٹروں کو فائدہ پہنچنے کی امید ہے۔

خصوصی سکریٹری نے اس بات پر روشنی ڈالی کہ پی ایم گتی شکتی نیشنل ماسٹر پلان کے رہنما اصولوں کو مدنظر رکھتے ہوئے، یہ پروجیکٹس سماجی و اقتصادی ترقی کے لیے ملٹی موڈل کنیکٹیویٹی فراہم کریں گے جس سے علاقے کی ترقی ممکن ہو سکے گی اور موجودہ شہر اور ریل کے بنیادی ڈھانچے کو کم کیا جائے گا۔

*************

  ش ح۔ح ا۔رم

U-9491