লৈবাক অনিগী স্ত্রাতেজিক পার্তনরশিপ কাউন্সিলী মীফম শরুক য়ানবা রাজকুমার অমসুং সাউদি অরাবিয়াগী প্রধান মন্ত্রী মোহমদ বিন সালমান বিন অবদুলাজি অল সাউদকী ভারত খোঙচৎকী নাকলদা, ভারতকী কম্মর্স অমসুং ইন্দস্ত্রি মিনিস্ত্রিগী দিপার্তমেন্ত ফোর প্রোমোসন ওফ ইন্দস্ত্রি এন্দ ইন্তরনেল ত্রেদ অমসুং সাউদি ইনভেস্তমেন্ত মিনিস্ত্রিনা শীন্দুনা ইন্দিয়া-সাউদি অরাবিয়া ইনভেস্তমেন্ত ফোরম ২০২৩(দি ফোরম) অমা ঙরাং পাংথোকখ্রে।

ফোরম অদুদা ভারত অমসুং সাউদি অরাবিয়াগী কম্পেনি ৫০০ হেন্না শরুক য়াবা উখি। মসি ভারত অমসুং সাউদি অরাবিয়াগী মরক্তা অহানবা ওইনা পাংথোকপা ইনভেস্তেমন্ত সিম্পোসিয়ম্নি অমসুং মসি ভারতকী শেন্মিৎলোনগী তোঙান-তোঙানবা হিরমশিংদা দোল্লর বিল্লিয়ন ১০০ রোম থাদনবা সাউদিগী রাজকুমারনা মমাংদা লাউথোকখিবগী মখা তারকপনি।

ইন্দিয়া-সাউদি ইনভেস্তমেন্ত ফোরম ২০২৩ গী মিনিস্তরশিংগী সেসন কম্মর্স অমসুং ইন্দস্ত্রি, কঞ্জুমর এফেয়ার্স, ফুদ অমসুং পব্লিক দিস্ত্রিবিউসন অমসুং তেক্সতাইলগী য়ুনিয়ন মিনিস্তর শ্রী পিয়ুস গোয়াল অমসুং সাউদি অরাবিয়াগী ইনভেস্তমেন্ত মিনিস্তর খালিদ এ অল ফালিহনা কো-চিয়ার ওইখি।

ললোন-ইতিক্কী মীফম অদুদা অপুনবা ওইনা ৱা ঙাংবদা, মিনিস্তর অনিমক্না তোঙান তোঙানবা হিরমশিং হায়বদি স্তার্দ-অপশিং, দিজিতেল ইনফ্রাস্ত্রকচর শেমগৎপা, ললোন-ইতিক্কী মতেং পীনবা হেনগৎহনবা অমসুং শেন থাদবগী থবকশিং ফগৎহনবা, ইনভেস্তেমেন্ত প্রোমোসন ওফিসশিং লিংখৎতুনা লৈবাক অনিগী মরক্তা শেন থাদবা হেনগৎহনবা, ভারত্তা হকথেংননা শেন থাদনবা সাউদি সোভরেন্ত ৱেল্থ ফন্দস পুক্নিং থৌগৎপা অমসুং অপুনবা প্রোজেকশিংগী মতাংদা খন্নখি।

মিনিস্তরশিংগী থাক্তা খন্নখিবা অদুদা ৱারেপ তাখিবা মরুওইবা ৱারেপ খরগী মনুংদা স্ত্রাতেজিক পার্তনরশিপ কাউন্সিলগী মখাদা ইকোনোমি অমসুং ইনভেস্তমেন্ত কম্মিতিনা মশক খঙদোক্লবা পুন্না পায়খৎমিন্নবা য়াবা থবকশিং খোঙলৈ থুনা পাংথোকপা য়াওরি। চীঞ্জাক শেম-শাবা, লোজিস্তিক্স অমসুং ইনফ্রাস্ত্রকচর, অনা-লায়য়েং, রিনিউএবল ইনর্জি, স্কিল দিবলপমেন্ত, স্পেস, আই.সি.তি, দিজিতেল দোমেনগী স্তার্দঅপশিংদা শেন থাদবা ৱাফমশিং মিনিস্তরশিংনা য়ানখি।

ফোরমদা তরাম্না ওকপগী ৱারোলদা, দিপার্তমেন্ত ফোর প্রোমোসন ওফ ইন্দস্ত্রি এন্দ ইন্তরনেল ত্রেদকী সেক্রেতরি শ্রী রাজেস কুমার সিংহনা লৈবাক অনিগী মরক্তা লৈনরিবা মরীশিংগী মরুওইবা অদু ফোঙদোকখি অমসুং লৈবাক অনিগী মরক্তা মখা তানা শেন-থুম অমসুং নাৎকী মরীশিং ফগৎহন্নবা তকশিনখি।

ফোরম অদুদা ইনভেস্ত সাউদি, ইনভেস্ত ইন্দিয়া, ইকোনোমিক সিতিস এন্দ স্পিসিএল জোন্স ওথোরিতি ওফ সাউদি অরাবিয়া, গিফ সিতি, আই.এফ.এস.সি(ইন্তরনেসনেল ফাইনান্সিএল সর্বিসেস সেন্তর), সাউদি কলচর অমসুং ফিল্ম কম্মিসন মিনিস্ত্রি, নেসনেল সেন্তর ফোর প্রাইভেতাইজেসন, সাউদি অরাবিয়না ভারত অমসুং সাউদি অরাবিয়া অনিক্তা লৈরিবা শেন থাদবা য়ারবা খুদোংচাবশিং য়াম্না কুপ্না উৎখি।

মখা তানা, আই.সি.তি, ওন্ত্রেপ্রেনিউয়রশিপ, কেমিকেলস অমসুং ফর্তিলাইজর, ইনর্জি, অৱাংবা থাক্কী মেনুফেকচরিং অমসুং ফুদ সেকুরিতিগী মতাংদা নাকল অনি মতেং পাংনবগী মতাংদা খন্নখি। মখোয় মখোয়না পাম্নবা হিরমশিংদা মতেং পাংনবা হেনগৎহন্নবা মখোয়গী ওইবা অনিংবশিং লৈবাক অনিমক্কী মরী লৈনবা কম্পেনিশিংনা ৱা খন্নখি।

মসিগী মমাঙদা, জি২বি অমসুং বি২বি  মওংশিংদা নাকল অনিনা এম.ও.য়ু ৪৫ হেন্না খুৎয়েক পীনখি। হায়রিবা এম.ও.য়ুশিং অদুনা নাকল অনিগী মরক্তা শেন-থুমগী অচেৎপা মরী লৈনহনগনি হায়না থাজবা থম্লি অমসুং নাকল অনিগী মরক্তা শেন থাদবা য়াংখৎহনবা য়ারি।

***