భార‌త్‌, ఫ్రెంచి నావికాద‌ళాల మ‌ధ్య జ‌రుగుతున్న 21వ ఎడిష‌న్‌ వ‌రుణ (వ‌రుణ 23) విన్యాసాల రెండ‌వ ద‌శ‌ను అరేబియా స‌ముద్రంలో నిర్వ‌హించారు. ఇరు ప‌క్షాల‌కు చెందిన గైడెడ్ మిస్సైల్ యుద్ధ‌నౌక‌లు, ట్యాంక‌ర్లు, స‌ముద్ర ప‌హారా విమానాలు, స‌మ‌గ్ర హెలికాప్ట‌ర్లు ఈ విన్యాసాల‌లో పాలుపంచుకున్నాయి. మూడు రోజుల పాటు సాగిన ఈ విన్యాసాల‌లో ఉమ్మ‌డి ఆప‌రేష‌న్లు, మార్గంలో ఇంధ‌నం నింపుకోవ‌డం, వివిధ వ్యూహాత్మ‌క ప్ర‌క్రియ‌లు జ‌రిగాయి. త‌మ యుద్ధ‌పోరాట నైపుణ్యాల‌ను పెంచుకోవ‌డానికి, సాన‌బెట్టుకోవ‌డానికి, ప‌ర‌స్ప‌ర‌చ‌ర్య‌ల‌ను మెరుగుప‌ర‌చుకొని, ఈ ప్రాంతంలో శాంతి, భ‌ద్ర‌త‌, సుస్థిర‌త‌ను ప్రోత్స‌హించే త‌మ సామ‌ర్ధ్యాన్ని ప్ర‌ద‌ర్శించేందుకు నావికాద‌ళాల‌కు చెందిన రెండు యూనిట్లు కృషి చేశాయి.  వ‌రుణ‌-2023 తొలి ద‌శ‌ను భార‌త‌దేశ‌పు ప‌శ్చిమ సీబోర్డులో 16 నుంచి 20 జ‌న‌వ‌రి 2023 వ‌ర‌కు జ‌రిగాయి.
భార‌త & ఫ్రెంచి నావికాద‌ళాల ద్వైపాక్షిక నావికాద‌ళ విన్యాసాల‌ను 1993లో ప్రారంభించారు. ఈ విన్యాసాల‌కు 2001లో వ‌రుణ అని నామ‌క‌ర‌ణం చేశారు. అప్ప‌టి నుంచి ఇది బ‌ల‌మైన భార‌త్ - ఫ్రాన్స్ ద్వైపాక్షిక సంబంధాల‌కు తార్కాణంగా నిలించింది. గ‌డిచిన కొద్ది ఏళ్ళ‌లో ప‌రిధిని, సంక్లిష్ట‌త‌ను పెంచుకున్న ఈ విన్యాసాలు, ప‌ర‌స్ప‌ర ఉత్త‌మ కార్యాచ‌ర‌ణ ప‌ద్ధ‌తుల‌ను, ప్ర‌క్రియ‌ల‌ను పంచుకోవ‌డానికి అవ‌కాశాన్ని క‌ల్పిస్తుంది. ఈ విన్యాసాలు స‌ముద్రంలో మంచి వాతావ‌ర‌ణం కోసం ప‌ర‌స్ప‌ర స‌హ‌కారాన్ని పెంచేందుకు  ఇరు నావికాద‌ళాల మ‌ధ్య కార్యాచ‌ర‌ణ స్థాయి ప‌ర‌స్ప‌ర‌చ‌ర్య‌కు సౌల‌భ్యాన్ని క‌ల్పించడమే కాక‌, సామాన్య‌ ప్ర‌పంచ స‌ముద్ర స్వేచ్ఛ‌ను, భ‌ద్ర‌త‌ను, సుర‌క్ష‌త‌ను కాపాడేందుకు ఉమ్మ‌డి నిబ‌ద్ధ‌త‌ను ఉద్ఘాటిస్తుంది.

***