قبائلی  امور کے مرکزی وزیر جناب ارجن منڈا نے ایک ایکلویہ  ماڈل رہائشی اسکول  (ای ایم آر ایس)  کے استاد  ڈاکٹر یشپال سنگھ  کی عزت  افزائی کی، جنہیں  نیشنل ٹیچر ایوارڈ – 2023  سے نوازا گیا ہے۔ ڈاکٹر یشپال سنگھ، جو  مدھیہ پردیش  میں بھوپال  کے ای ایم آر ایس کے پرنسپل ہیں،  ان 75  با صلاحیت اساتذہ میں  شامل تھے، جنہیں  ٹیچر ڈے کے  موقع پر  صدر جمہوریہ ہند  کے ذریعہ دیئے جانے والے  نیشنل ٹیچرس  ایوارڈ  کے لئے  پورے ملک  میں  کرائے گئے  تین سطحی  سخت اور شفاف آن لائن طریقہ کار کے ذریعہ منتخب کیا گیا  تھا۔

 اس موقع پر جناب منڈا نے کہا کہ  ای ایم آر ایس  کے ٹیچر کو  چوتھی مرتبہ  قومی ایوارڈ سے نوازا جانا  قبائلی امور کی وزارت کے لئے  ایک فخر کا لمحہ  ہے۔ ان کے ذریعہ کئے گئے مثالی کام  دیگر اسکول کے ٹیچروں  اور طلباء کو بہترین  کارکردگی کی راہ پر  چلنے کی تحریک دیں گے۔

ڈاکٹر یشپال سنگھ نے   ای ایم آر ایس بھوپال  کی حیثیت کو اوپر اٹھانے  اور  اسکول کے نام کو نئی بلندیوں تک پہنچانے  کے لئے  اپنے  شاندار  تعاون کے ذریعہ اپنے پیشے  کے تئیں عہد  اور  محنت   کا مظاہرہ کیا ہے۔ ان کا   منفرد تعاون،  اسکول  کے بنیادی ڈھانچے  کی  بہتری ، ای ایم آر ایس  طلباء  کے لئے اسمارٹ کلاس رومز  کا قیام ، شجر کاری اور  پائیدار ماحولیات  کے اقدامات  بچوں کے اسکول چھوڑنے کی شرح  کو صفر  بنانے اور  ای ایم آر ایس  نے  ہنر مندی  کے فروغ  کا احاطہ کرتا ہے۔

یہ ایوارڈ  قبائلی امور کی وزارت  کی ان کوششوں کی عکاسی کرتا  ہے ، جو  قبائلی اسکولوں  کے لئے سہولت فراہم کرنے  اور  طلباء  کو  اصل دھارے میں شامل کرنے کے لئے کی گئی ہیں اور اس طرح طلباء  کے لئے ایک  تابناک  اور کامیاب مستقبل کو یقینی بنایا جاتا ہے۔ یہ  ای ایم آر ایس کے تمام اساتذہ  اور  پرنسپل صاحبان  کے ذریعہ قبائلی طلباء  کے تعلیمی معیار کو بڑھانے کی خاطر  اشتراک میں کام کرنے  کا بھی اعتراف  ہے۔ ای ایم آر ایس  قائم کرنے  کا تصور  98-1997 میں  شروع ہوا تھا، تاکہ  دور دراز کے علاقوں میں درج فہرست قبائل کے بچوں کو  معیاری تعلیم  دی جاسکے اور  انہیں  اعلی اور  پیشہ  ورانہ تعلیم  کے کورسز  میں  مواقع حاصل کرنے  اور مختلف شعبوں میں  روز گار حاصل کرنے کے قابل بنایا جاسکے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔

(ش ح- او- ق ر)

U-9255