ਜੁਲਾਈ, 2023 ਲਈ ਖੇਤੀਬਾੜੀ ਮਜ਼ਦੂਰਾਂ ਅਤੇ ਪੇਂਡੂ ਮਜ਼ਦੂਰਾਂ ਲਈ ਅਖਿਲ ਭਾਰਤੀ ਖਪਤਕਾਰ ਮੁੱਲ ਸੂਚਕਾਂਕ (ਅਧਾਰ: 1986-87=100) 19 ਅੰਕ ਵਧ ਕੇ ਲੜੀਵਾਰ 1215 (ਇੱਕ ਹਜ਼ਾਰ ਦੋ ਸੌ ਪੰਦਰਾਂ) ਅਤੇ 1226 (ਦੋ ਹਜ਼ਾਰ ਦੋ ਸੌ ਛੱਬੀ) ਹੋ ਗਏ ਹਨ। ਖੇਤੀਬਾੜੀ ਮਜ਼ਦੂਰਾਂ ਅਤੇ ਪੇਂਡੂ ਮਜ਼ਦੂਰਾਂ ਦੇ ਆਮ ਸੂਚਕਾਂਕ ਦੇ ਵਾਧੇ ਵਿੱਚ ਖੁਰਾਕ ਸਮੂਹ ਵੱਲੋਂ ਲੜੀਵਾਰ 18.23 ਅਤੇ 18.28 ਅੰਕਾਂ ਦਾ ਵੱਡਾ ਯੋਗਦਾਨ ਆਇਆ, ਜਿਸਦਾ ਮੁੱਖ ਕਾਰਨ ਚੌਲ, ਕਣਕ ਦਾ ਆਟਾ, ਦਾਲਾਂ, ਦੁੱਧ, ਮੱਛੀ-ਤਾਜ਼ਾ/ਸੁੱਕੀ, ਗੁੜ, ਮਿਰਚ ਹਰੀ/ਸੁੱਕੀ, ਹਲਦੀ, ਲਸਣ, ਅਦਰਕ, ਪਿਆਜ਼, ਮਿਸ਼ਰਤ ਮਸਾਲੇ, ਬੈਂਗਣ, ਟਮਾਟਰ, ਲੌਕੀ ਆਦਿ ਵਿੱਚ ਵਾਧਾ ਰਿਹਾ।

ਸੂਚਕਾਂਕ ਵਿੱਚ ਵਾਧਾ ਰਾਜ ਤੋਂ ਰਾਜ ਵੱਖਰਾ ਹੁੰਦਾ ਹੈ। ਖੇਤੀ ਮਜ਼ਦੂਰਾਂ ਦੇ ਮਾਮਲੇ ਵਿੱਚ, 20 ਰਾਜਾਂ ਵਿੱਚ 1 ਤੋਂ 29 ਅੰਕਾਂ ਦਾ ਵਾਧਾ ਦਰਜ ਕੀਤਾ ਗਿਆ। ਤਾਮਿਲਨਾਡੂ 1420 ਅੰਕਾਂ ਨਾਲ ਸੂਚੀ ਵਿੱਚ ਸਿਖਰ 'ਤੇ ਹੈ ਜਦਕਿ ਹਿਮਾਚਲ ਪ੍ਰਦੇਸ਼ 932 ਅੰਕਾਂ ਨਾਲ ਸਭ ਤੋਂ ਹੇਠਲੇ ਸਥਾਨ 'ਤੇ ਹੈ।

ਪੇਂਡੂ ਮਜ਼ਦੂਰਾਂ ਦੇ ਮਾਮਲੇ ਵਿੱਚ 20 ਰਾਜਾਂ ਵਿੱਚ 9 ਤੋਂ 28 ਅੰਕਾਂ ਦਾ ਵਾਧਾ ਦਰਜ ਕੀਤਾ ਗਿਆ। ਤਾਮਿਲਨਾਡੂ 1407 ਅੰਕਾਂ ਨਾਲ ਸੂਚੀ ਵਿੱਚ ਸਿਖਰ 'ਤੇ ਹੈ ਜਦਕਿ ਹਿਮਾਚਲ ਪ੍ਰਦੇਸ਼ 993 ਅੰਕਾਂ ਨਾਲ ਸਭ ਤੋਂ ਹੇਠਲੇ ਸਥਾਨ 'ਤੇ ਹੈ।

ਰਾਜਾਂ ਵਿੱਚ, ਖੇਤੀਬਾੜੀ ਕਾਮਿਆਂ ਲਈ ਖਪਤਕਾਰ ਮੁੱਲ ਸੂਚਕ ਅੰਕਾਂ ਵਿੱਚ ਸਭ ਤੋਂ ਵੱਧ ਵਾਧਾ ਤਾਮਿਲਨਾਡੂ (29 ਅੰਕ) ਅਤੇ ਪੇਂਡੂ ਮਜ਼ਦੂਰਾਂ ਲਈ ਤਾਮਿਲਨਾਡੂ ਅਤੇ ਕੇਰਲਾ ਵਿੱਚ (28 ਅੰਕ) ਹੋਇਆ, ਜਿਸਦਾ ਮੁੱਖ ਤੌਰ 'ਤੇ ਕਾਰਨ ਦਾਲਾਂ, ਤਾਜ਼ੀ/ਸੁੱਕੀਆਂ ਮੱਛੀਆਂ, ਮਿਰਚਾਂ ਹਰੀ/ ਸੁੱਕੀ, ਅਦਰਕ, ਪਿਆਜ਼, ਬੈਂਗਣ, ਟਮਾਟਰ, ਲੌਕੀ ਆਦਿ ਦੀਆਂ ਕੀਮਤਾਂ ਵਿੱਚ ਵਾਧਾ ਹੈ।

ਸੀਪੀਆਈ-ਏਐੱਲ ਅਤੇ ਸੀਪੀਆਈ-ਆਰਐੱਲ 'ਤੇ ਆਧਾਰਿਤ ਮਹਿੰਗਾਈ ਦਰ ਜੁਲਾਈ, 2023 ਵਿੱਚ 7.43% ਅਤੇ 7.26% ਰਹੀ, ਜਦਕਿ ਇਹ ਜੂਨ, 2023 ਵਿੱਚ ਕ੍ਰਮਵਾਰ 6.31% ਅਤੇ 6.16% ਅਤੇ ਉਸੇ ਮਹੀਨੇ ਦੌਰਾਨ 6.60% ਅਤੇ 6.82% ਸੀ। ਇਸੇ ਤਰ੍ਹਾਂ, ਖੁਰਾਕੀ ਮਹਿੰਗਾਈ ਜੁਲਾਈ, 2023 ਵਿੱਚ 8.88% ਅਤੇ 8.63% ਰਹੀ, ਜਦਕਿ ਇਹ ਜੂਨ, 2023 ਵਿੱਚ ਕ੍ਰਮਵਾਰ 7.03% ਅਤੇ 6.70% ਅਤੇ ਪਿਛਲੇ ਸਾਲ ਇਸੇ ਮਹੀਨੇ ਦੌਰਾਨ 5.38% ਅਤੇ 5.44% ਸੀ।

  

ਸਰਬ ਭਾਰਤੀ ਖਪਤਕਾਰ ਮੁੱਲ ਸੂਚਕਾਂਕ (ਆਮ ਅਤੇ ਸਮੂਹ ਅਨੁਸਾਰ):

ਸਮੂਹ	ਖੇਤੀਬਾੜੀ ਮਜ਼ਦੂਰ		ਪੇਂਡੂ ਮਜ਼ਦੂਰ
	ਜੂਨ, 2023	ਜੁਲਾਈ, 2023	ਜੂਨ, 2023	ਜੁਲਾਈ, 2023
ਆਮ ਸੂਚਕਾਂਕ	1196	1215	1207	1226
ਖੁਰਾਕ	1126	1152	1131	1158
ਪਾਨ, ਸੁਪਾਰੀ ਆਦਿ	1986	1992	1996	2002
ਬਾਲਣ ਅਤੇ ਲਾਈਟ	1304	1304	1296	1295
ਕੱਪੜੇ, ਬਿਸਤਰੇ ਅਤੇ ਜੁੱਤੇ	1255	1258	1298	1302
ਫੁਟਕਲ	1264	1266	1269	1271

 

  

ਅਗਸਤ, 2023 ਦੇ ਮਹੀਨੇ ਲਈ ਸੀਪੀਆਈ-ਏਐੱਲ ਅਤੇ ਆਰਐੱਲ 20 ਸਤੰਬਰ, 2023 ਨੂੰ ਜਾਰੀ ਕੀਤਾ ਜਾਵੇਗਾ।

****

ਐੱਮਜੇਪੀਐੱਸ/ਐੱਨਐੱਸਕੇ

(Release ID: 1953685) Visitor Counter : 90