ಮಾಹಿತಿ ಮತ್ತು ಪ್ರಸಾರ ಸಚಿವಾಲಯವು ಅತ್ಯುತ್ತಮ ವೆಬ್ ಸರಣಿ (OTT) ಪ್ರಶಸ್ತಿಯ ಉದ್ಘಾಟನಾ ಆವೃತ್ತಿಯ ನಮೂದುಗಳ ಸಲ್ಲಿಕೆ ಕೊನೆಯ ದಿನಾಂಕವನ್ನು ಸೆಪ್ಟೆಂಬರ್ 4 ರ ಸಂಜೆ 6 ರವರೆಗೆ ವಿಸ್ತರಿಸಿದೆ, ಸರಣಿಯ ಹಾರ್ಡ್ಕಾಪಿಯನ್ನು ಸೆಪ್ಟೆಂಬರ್ 12 ರೊಳಗೆ ಸಲ್ಲಿಸಬಹುದು. ಈ ಮೊದಲು ಆನ್ಲೈನ್ ಸಲ್ಲಿಕೆಗಳಿಗಾಗಿ ಆಗಸ್ಟ್ 25 ಕೊನೆಯ ದಿನವಾಗಿತ್ತು.

ಸೆಪ್ಟೆಂಬರ್ 12, 2023 ರ ದಿನವನ್ನು ರಜೆ ಎಂದು ಘೋಷಿಸಿದರೆ, ಮುಂದಿನ ಕೆಲಸದ ದಿನವನ್ನು ಅರ್ಜಿಯ ಸ್ವೀಕೃತಿಯ ಅಂತಿಮ ದಿನಾಂಕವೆಂದು ಪರಿಗಣಿಸಲಾಗುತ್ತದೆ.

ಕಳೆದ ಎರಡು ವರ್ಷಗಳಲ್ಲಿ ಬಹುಮುಖವಾಗಿ ಬೆಳೆದ OTT ಪ್ಲಾಟ್ಫಾರ್ಮ್ನ ಸೃಜನಶೀಲ ಸಾಮರ್ಥ್ಯವನ್ನು ಗುರುತಿಸಲು ಉದ್ದೇಶಿಸಿರುವ ಪ್ರಶಸ್ತಿಗಾಗಿ ಗರಿಷ್ಠ ಸಂಖ್ಯೆಯ ವೆಬ್ ಸರಣಿಗಳು ಭಾಗವಹಿಸಬಹುದೆಂದು ಖಚಿತಪಡಿಸಿಕೊಳ್ಳಲು ಸಚಿವಾಲಯವು ಸಲ್ಲಿಕೆ ದಿನಾಂಕವನ್ನು ವಿಸ್ತರಿಸುವ ನಿರ್ಧಾರವನ್ನು ತೆಗೆದುಕೊಂಡಿದೆ. 

ಮನರಂಜನಾ ಉದ್ಯಮದ ವ್ಯಕ್ತಿಗಳನ್ನು ಒಳಗೊಂಡಿರುವ ಪ್ರಖ್ಯಾತ ತೀರ್ಪುಗಾರರು ಅತ್ಯುತ್ತಮ ವೆಬ್ ಸರಣಿಯನ್ನು ಆಯ್ಕೆ ಮಾಡುತ್ತಾರೆ ಮತ್ತು ವಿಜೇತರಿಗೆ 54 ನೇ ಅಂತರರಾಷ್ಟ್ರೀಯ ಚಲನಚಿತ್ರೋತ್ಸವದಲ್ಲಿ (IFFI) ಪ್ರಮಾಣಪತ್ರಗಳೊಂದಿಗೆ 10 ಲಕ್ಷ ರೂಪಾಯಿಗಳನ್ನು ನಗದು ಬಹುಮಾನ ನೀಡಲಾಗುತ್ತದೆ.

ಪ್ರಶಸ್ತಿಗೆ ಅರ್ಹರಾಗಲು, ವೆಬ್ ಸರಣಿಯು ಯಾವುದೇ ಭಾರತೀಯ ಭಾಷೆಯಲ್ಲಿ ಮೂಲತಃ ರಚಿಸಲಾದ/ಶಾಟ್ ಸರಣಿಯಾಗಿರಬೇಕು ಮತ್ತು ನಿಯೋಜಿಸಲಾದ ಅಥವಾ ನಿರ್ಮಿಸಿದ ಕೃತಿಯ ಮೂಲ ಭಾಗವಾಗಿರಬೇಕು. ಇದಲ್ಲದೆ, OTT ಪ್ಲಾಟ್ಫಾರ್ಮ್ನಲ್ಲಿ ಮಾತ್ರ ಬಿಡುಗಡೆ ಮಾಡುವ ಉದ್ದೇಶದಿಂದ ಸರಣಿಯನ್ನು ಸಹ-ನಿರ್ಮಾಣ, ಪರವಾನಗಿ ಅಥವಾ ಅದನ್ನು ಹೊಂದಿರಬೇಕು.

ಪ್ರಶಸ್ತಿಗೆ ಅರ್ಹರಾಗಲು, ಪ್ರವೇಶದ ಎಲ್ಲಾ ಸಂಚಿಕೆಗಳು (ವೆಬ್ ಸರಣಿ/ಸೀಸನ್), OTT ಪ್ಲಾಟ್ಫಾರ್ಮ್ನಲ್ಲಿ ಜನವರಿ 1, 2022 ರಿಂದ ಡಿಸೆಂಬರ್ 31, 2022 ರವರೆಗೆ ಬಿಡುಗಡೆ ಮಾಡಿರಬೇಕು.

ಪ್ರಶಸ್ತಿಗಳಿಗೆ ಅರ್ಹತೆಯ ಹೆಚ್ಚಿನ ವಿವರಗಳು ಮಾಹಿತಿ ಮತ್ತು ಪ್ರಸಾರ ಸಚಿವಾಲಯ, ರಾಷ್ಟ್ರೀಯ ಚಲನಚಿತ್ರ ಅಭಿವೃದ್ಧಿ ನಿಗಮ (NFDC) ಮತ್ತು IFFI ವೆಬ್ ಸೈಟ್ ಳಲ್ಲಿ ಲಭ್ಯವಿದೆ.

****