কম্মর্স অমসুং ইন্দস্ত্রিগী য়ুনিয়ন মিনিস্তর শ্রী পিয়ুস গোয়ালনা হায়খি মালেমগী ললোন-ইতিক অমসুং শেন থাদবদা লৈরিবা খুদোংচাদবশিং কোকহন্নবা; পোৎথোক পুথোকপা হেনগৎহন্নবা অমসুং শেন-থুম চাউখৎপা হেনগৎহন্নবা অমসুং মীওই খুদিংমক নুংঙাইহন্নবা ত্রেদ অমসুং ইনভেস্তমেন্ত মিনিস্তরশিংগী মীফম্না পান্দম থম্লি। জয়পুরদা পাংথোকপা জি-২০ ত্রেদ অমসুং ইনভেস্তমেন্ত মিনিস্তরশিংগী মীফম হৌদোকপদা কম্মর্স অমসুং ইন্দস্ত্রিগী য়ুনিয়ন মিনিস্তরনা পান্দম ফংনবা অমসুং থবক ওইনা উবা ফলশিং ফংনবা অপুনবা ওইনা থবক তৌমিন্নবা তকশিনখি।

শ্রী পিয়ুস গোয়ালনা হায়খি মদুদি মালেমগী লৈবাকশিংগী ললোন-ইতিক্কা মরী লৈনবা ৱাফমশিং অমসুং ললোন-ইতিক লাইথোকহনবগী মতাংদা মীৎয়েং চঙনবা ত্রেদ অমসুং ইনভেস্তমেন্ত মিনিস্তরশিংগী মীফম্না পান্দম থম্লি। ভারতনা জি-২গী প্রসিদেন্ত ওইরিবা অসিগী মখাদা ত্রেদ এন্দ ইনভেস্তমেন্ত ৱার্কিং গ্রুপগী মীফম মরি পাংথোকখ্রে। মীফম অদুদা অচুম্বা, অপুনবা অমসুং তুংকোইনা চৎনবা য়াবা ললোন-ইতিক অমসুং শেন থাদবগী থৌশিলশিং শেম্নবা পান্দম থমখি।

শ্রী গোয়ালনা হায়খি ত্রেদ অমসুং ইনভেস্তমেন্ত মিনিস্তরশিংগী মীফমগী সেসন অহুম; (১) মালেমগী চাউখৎনবা অমসুং নুংঙাইনবা লৈবাকশিগী মরক্তা ললোন-ইতিক; (২) পুম্নমক কোনশিনবা অমসুং অৱাবা মায়োক্নবা ঙম্বা ললোন-ইতিক অমসুং (৩) চে-চাং শীজিন্নদবা তেক্নোলোজি শীজিন্নবা লৈগনি। হায়রিবা সেসনশিং অসিদগী হৌজিক মালেমগী লৈবাকশিংনা মায়োক্নরিবা অৱাবশিং খঙদুনা শিংথানিঙাই ওইবা ফলশিং লাক্কনি।

ৱার্কিং গ্রুপকী মীফম মনুংদা মরুওইবা ৱাফম মঙা হায়বদি (১) চাউখৎনবা অমসুং নুংঙাই-য়াইফনবা ললোন-ইতিক (২) অৱাবা ময়োক্নবা ঙম্বা ললোন-ইতিক (৩) মালেমগী ললোন-ইতিক্কী থবকশিংদা এম.এস.এম.ইশিং য়াওহনবা (৪) ললোন-ইতিক্কী লোজিস্তিক্স অমসুং (৫) দব্লিউ.তি.ও অওনবা পুরক্নবগী মতাংদা খন্নখি। ঙসিগী অমা অমগা শম্নরবা মালেম অসিদা, মালেমগী ভেলু চেনশিংনা ললোন-ইতিক পাংথোকপা অমসুং শেন থাদবগী  মওংদা অওনবা পুরক্লে। কোবিদ-১৯ লায়চৎ অমসুং অতোপ্পা অৱাবশিংনা মালেমগী ভেলু চেনশিংদা অকায়বা পীরে অমসুং অপুনবা অমসুং তুংকোইনা চৎনবা য়াবা ভেলু চেনশিং শেমগৎপগী মরুওইবা অদু ঐখোয়দা খঙহল্লে।

শ্রী গোয়ালনা হায়খি মালেমগী শেন্মীৎলোন্দা এম.এস.এম.ইশিংনা লৌরিবা মরুওইবা থৌদাং অদু ভারতনা জি-২০গী প্রসিদেন্ত ওইরিবা অসিগী মখাদা শকখঙলে অমসুং মখোয় শৌগৎনবা প্রধান মন্ত্রী শ্রী নরেন্দ্র মোদীগী লমজিং মখাদা থবক কয়া পায়খৎলে। অনৌবা থবকশিং পায়খৎতুনা, থবক পীদুনা অমসুং শেন-থুম চাউখৎহনবদা চাউনা মতেং পাংদুনা এম.এস.এম.ইশিং অসি শেন্মিৎলোনশিংগী য়াংলেন শরুনি। মীওই খুদিংমক খুদোংচাবা ফংহনবা অমসুং মালেমগী ললোন-ইতিক্কী থবকশিংদা এম.এস.এম.ইশিং শরুক য়াহনবা অসিনা চাউখৎনবা অনৌবা খুদোংচাবশিং মশক খঙদোকপা ঙমগনি। জি.ই.এমদা মাইপাক্না এম.এস.এম.ইশিং শরুক য়াহনবদগী মসিগী কান্নবা কয়া ফংলে।

মিনিস্তরনা হায়খি ঙমখৈগী অথিংবা লৈতনা পুম্নমক চাউখৎমিন্নবা হায়বসি ঐখোয়গী মমাঙঙৈগী লৈরক্লবা চৎনবীনি। ঙমখৈ লান্না শেন থাদোক-থাজিন তৌবা, লৈঙাক্কী থবকশিংনা মতম থিন্থবা হন্থহন্নবা অমসুং ললোন-ইতিক্কী থবকশিং য়াংবা হেনগৎহন্নবা মাইকৈদা থাংজিনবা মরুওইবা খোঙথাংদি চে শীজিন্নদবা ললোন-ইতিক অসিনি। ইনফ্রাস্ত্রকচর চাউখৎনবা পি.এম গতিশক্তিগী থবকশিং অমসুং লোজিস্তিক্সকী থবকশিং ফগৎনবা জি.আই.এস দেতাগী লেয়ারশিং থৌরাং তৌনবা অমসুং প্রোজেকশিং থবক ওইনা পায়খৎনবা শীজিন্নবা অসি মসিগী খুদম্নি।

মহাক্না হায়খি অফবা অমসুং মীওই খুদিংমক কোনশিনবা ললোন-ইতিক্কী থবকশিং লৈবা অমসুং দব্লিউ.তি.ওদা অওনবশিং পুরকপা হায়বসি তঙাইফদবনি। হায়রিবা অওনবশিং পুরকপা অসিনা মালেমগী শেন্মিৎলোন্দা অওনবা পুরকপা ঙমগনি। ললোন-ইতিক অমসুং শেন থাদবা অমসুং মালেমগী শেন-থুমগী থবকশিংনা লৈবাক খুদিংমক কোনশিন্নবা থবকশিংদা গ্লোবেল সাউথতা ভারতনা লুচিংবগী থৌদাং লৌবা ঙমগনি। মতেং পাংনবগী ৱাখল্লোন অমসুং অমনা অমবু মশক খঙনবা অসিনা শেন্মিৎলোনশিং ফগৎহনবা, মীয়ামগী হিংনবগী লম্বী পীবা অমসুং মালেমগী তুংলমচৎ শেম্বা ঙমগনি।

****