دیہی ترقی اور پنچایتی راج کے وزیر جناب گری راج سنگھ نے آج نئی دہلی میں دیہی ترقی کے محکمے، زمینی وسائل کے محکمے اور پنچایتی راج کی وزارت کے سالانہ صلاحیت سازی منصوبے کا آغاز کیا۔ اے سی بی پی کا آغاز کرتے ہوئے، جناب گری راج سنگھ نے کہا کہ یہ منصوبہ خدمات کی فراہمی، پروگرام کو نافذ کرنے اور گورننس کے بنیادی کاموں کو انجام دینے میں اہم کردار ادا کرے گا اور متعلقہ اہلیت حاصل کرنے کے لیے ضرورت پر مبنی تربیت میں شرکت کے ذریعے اہلکاروں کی صلاحیتوں میں اضافہ کرے گا تاکہ وزارت/ محکمہ بہتر کارکردگی کے لیے شہریوں کی توجہ کے ساتھ طے شدہ مقاصد کو حاصل کر سکے۔

وزیر اعظم کے وژن نیو انڈیا @ 2047 کو حاصل کرنے کے مقصد کے ساتھ، صلاحیت سازی کمیشن نے 3 لینس کے ذریعے سالانہ صلاحیت سازی کے منصوبے کی تیاری کے لیے نقطہ نظر وضع کیا ہے، یعنی قومی ترجیحات، شہری مرکزیت، ابھرتی ہوئی ٹیکنالوجی اور 3 ستون - انفرادی، تنظیمی اور ادارہ جاتی، جو کہ مقصد کے حصول میں مثبت کردار ادا کرنے کے لیے اے سی بی پی کی ترقی کے لیے رہنمائی کی روشنی کے طور پر استعمال کیا جاتا ہے۔ تمام محکموں کی کارکردگی اور کام کی اخلاقیات کو بہتر بنانے میں اے سی بی پی کا گہرا اثر پڑے گا، اس طرح، نیو انڈیا @2047 کے لیے وزیر اعظم کے وژن کی کامیابیوں کو تیز کیا جائے گا۔

سالانہ صلاحیت سازی کا منصوبہ (اے سی بی پی) ایک منصوبہ دستاویز ہے جو وزارت/ محکمہ/ تنظیم (ایم ڈی او) کے اہل کاروں کی اہلیت بڑھانے کی ضروریات کی بنیاد پر تیار کیا جاتا ہے، جس کا تعین اہلیت کی ضرورت کے تجزیہ (سی این اے) اور ترجیحات کے ذریعے کیا جاتا ہے تاکہ ایم ڈی او کی طرف سے صلاحیت سازی پر لگائے گئے وسائل کو بہتر بنایا جا سکے۔

اس موقع پر، دیہی ترقی کے محکمے، زمینی وسائل کے محکمے اور پنچایتی راج کی وزارت کے سکریٹریز اور افسران اور ممبر (ہیومن ریسورس)، صلاحیت سازی کمیشن موجود تھے۔

**************

ش ح۔ ف ش ع- م ف

U: 8694

(Release ID: 1951227) Visitor Counter : 116