ইনফোর্মেসন অমসুং ব্রোদকাস্তিং & স্পোর্তস অমসুং য়ুথ এফিয়ার্স মন্ত্রী শ্রী থাকুরনা ঙসি নই দিল্লীগী জৱাহরলাল নেহরু স্তেদিয়মদা বাইব্রেন্ত ভিলেজ প্রোগ্রামগী মখাদা ঙমখৈ খুঙ্গংশিংদগী সরপঞ্চ চানি হেনবা অমসুং মখোয়গী স্পাউসশিং হোস্ত তৌখ্রে। সভাদা ৱা ঙাংলদুনা শ্রী থাকুরনা হায়খি মদুদি প্রধান মন্ত্রী নরেন্দ্র মোদীগী লুচিং মখাদা কেন্দ্র সরকারনা বাইব্রেন্ত ভিলেজ প্রোগ্রামগী মখাদা ঙমখৈগী খুঙ্গংশিংগী হোলিস্তিক দিবলপমেন্তগী মায়কৈদা লেপ্লি। অৱাং-নোংপোক্তগী হৌরগা লেহ লদাখ ফাওবা অমসুং ঙমখৈ রাজ্যশিংগী অতোপ্পা শরুকশিংদা লৈরিবা ঙমখৈগী খুঙ্গংগী মনুং হুঞ্জিনবা কাচিন ফাওবা পব্লিক ৱেলফেয়র স্কিমশিং য়ৌরগনি। শ্রী থাকুরনা হায়খি মদুদি লম্বী-থোং, তেলেকমুনিকেসন অমসুং তুরিজম অসি ঙমখৈ খুঙ্গংশিংগী লাইফলাইন্নি অমসুং সরকারনা বাইব্রেন্ত ভিলেজ প্রোগ্রামগী মখাদা সর্বিসশিং অসি হেনগৎহন্নবা লেপ্লি।

থৌরম অসিদা শ্রী অতল দুল্লো, সেক্রেতরী, বোর্দর মেনেজমেন্ত, এম.ঐচ.এ.; শ্রীমতী মীতা রজিবলোচন, সেক্রেতরী য়ুথ এফিয়ার্স অমসুং স্পোর্তস অমসুং শ্রী অশিশ দয়াল সিংহ, দাইরেক্তর জেনরেল, ইন্দো-তিবেতান বোর্দর পুলিসনা য়ুথ এফিয়ার্স অমসুং স্পোর্তস মন্ত্রালয়গী ওফিসরশিংগা লোয়ননা শরুক য়াখি। ভারত সরকারনা লৈবাক অসিগী স্ত্রেতেজিকেল্লি মরুওইবা বোর্দর এরিয়াশিংগী দিবলপমেন্তদা প্রায়োরিতী পীরি।

কেন্দ্রনা স্পোন্সর তৌবা স্কিম অমা ওইনা হৌদোকখিবা বাইব্রেন্ত ভিলেজেস প্রোগ্রাম (ভি.ভি.পি.)না অরুনাচল প্রদেশ, সিক্কিম, উত্তরাখন্দ, য়ুনিয়ন তেরিতোরী লদাখ অমসুং হিমাচল প্রদেশকী জিলা ১৯দা অৱাং ঙমখৈগী ব্লোক ৪৬দা মশক খংদোক্লবা খুঙ্গংশিংগী মপুংফাবা দিবলপমেন্তদা মীৎয়েং থম্লি।

শ্রী থাকুরনা হায়খি মদুদি মসিগী ঙমখৈ খুঙ্গংশিং অসি মতম অমদা ‘ভারতকী অরোইবা খুঙ্গং’ হায়রম্বা অদু ভারতকী প্রধান মন্ত্রী শ্রী নরেন্দ্র মোদীনা মদু ‘অহানবা খুঙ্গং’ হায়রে। মসিগী খুঙ্গংশিং অসিদা মন্ত্রী ১৭ হেনবনা চত্তুনা অহিং য়ারেকখ্রে। প্রধান মন্ত্রীগী মীৎয়েংগী লীচিং মখাদা সরকার অসিনা নুপী অমসুং নহাশিংদা শক্তি শিন্নবা, নোংজু নুংশা পুম্নমক্তা শিজিন্নবা য়াবা লম্বী-থোংগা লোয়ননা কনেক্তিবিতী, অরুবা থক্নবা ইশিং ফংহনবা, সোলর অমসুং ৱিন্দ ইনর্জীদা ফোকস তৌগদবা ২৪x৭ পাৱর, মোবাইল অমসুং ইন্তরনেৎ কনেক্তিবিতী, তুরিস্ত সেন্তরশিং, মলতিপর্পজ সেন্তর অমসুং হেল্থ অমসুং ৱেলনেস সেন্তরদা ফোকস তৌবা সরকারগী প্রোগ্রামশিং শোইদনা য়ৌহন্নবা হোৎনরি।

শ্রী অতল দুল্লো, সেক্রেতরী, বোর্দর মেনেজমেন্তনা হায়খি মদুদি সরকারনা ঙমখৈ খুঙ্গংশিং হোলিস্তিক ওইবা মওংদা দিবলপ তৌনবা মসিগী মপুং ফাবা সপোর্ত পীরি। থৌরম অদুদা শ্রীমতী মীতা রজিবলোচন, সেক্রেতরী য়ুথ এফিয়ার্স অমসুং স্পোর্তসনা কীনোৎ এদ্রেস পীখি। নেহরু য়ুবা কেন্দ্রশিং অমসুং নেস্নেল সর্বিস স্কিমগী থৌদাং পল্লদুনা মহাক্না খুঙ্গংগী সরপঞ্চশিংদা ভোলুনতীয়রশিং অসিগা লোয়ননা অচেৎপা মরীদা থবক তৌনবা অপীল তৌখি।

মখা তারকপদা শ্রী অশিশ দয়াল সিংহ, দাইরেক্তর জেনরেল, ইন্দো-তিবেতান বোর্দর পুলিসনা হায়খি মদুদি ইন্দো-তিবেতান বোর্দর পুলিসনা বাইব্রেন্ত ভিলেজ মীয়ামগী এস্পিরেসনশিং থৱায় য়াওনা সপোর্ত তৌরি।

অরুনাচল প্রদেশ, সিক্কিম, উত্তরাখন্দ, য়ুনিয়ন তেরিতোরী লদাখ অমসুং হিমাচল প্রদেশতগী সরপঞ্চ/ গ্রাম প্রধান ২০০ হেনবনা থৌরম অসিদা শরুক য়াখি। রাজ্য খুদিংমক্তগী সরপঞ্চ অমমমনা বাইব্রেন্ত ভিলেজ প্রোগ্রামদা মখোয়গী মীৎয়েংশিং থমখি। গনথাং, (গেংতোক) সিক্কিমগী সরপঞ্চ শ্রীমতী পেমা শের্পা, শয়ো তোথ (তৱাং) অরুনাচল প্রদেশকা সরপঞ্চ শ্রীমতী ফুর্পা জোম্বা, দুরবুক ব্লোক (চাংথাং) য়ু.তি. লদাখকী সরপঞ্চ শ্রী কোনচোকলে নমগ্যাল, মানা ভিলেজ উত্তরাখন্দগী সরপঞ্চ শ্রী পিতম্বর মোলফা, বতসারি, তহসিল সংলা, হিমাচল প্রদেশকী সরপঞ্চ শ্রী প্রদীপ কুমারনা সরকারগী বাইব্রেন্ত ভিলেজ প্রোগ্রামগী খোংথাংবু থাগৎপা ফোংদোকখি অমসুং মসিনা খুঙ্গংশিং অসিদা অনৌবা অয়ুক অমা পুরক্লগনি হায়বগী আশা থমখি। মখোয়না মসিমসু আশা তৌখি মদুদি প্রোগ্রাম অসি মপুং ফানা ইমপ্লিমেন্ত হেক তৌবগা খুঙ্গশিং অসিনা রিভর্স মাইগ্রেসন উবা ফংলগনি। বাইব্রেন্ত ভিলেজ প্রোগ্রাম অসি শেনবা চহি ২০২২-২৩দগী ২০২৫-২৬ ফাওবা মতমগী ওইনালুপা করোর ৪৮০০গী কেন্দ্রগী শেন্থংগা লোয়ননা ২০২৩গী ফেব্রুৱারী ১৫দা এপ্রুব তৌখি মসিদা রোদ কনেক্তিবিতীগীদমক অখন্ননা লুপা করোর ২৫০০ য়াওরি।

*******