৭৭শুবা ইন্দিপেন্দেন্স দে থৌরমদা ভারত পুম্বগী অখন্নবা মীথুংলেনশিংনা শরুক য়াদুনা নই দিল্লীগী লাল কিলাদগী সেলেব্রেসনগী সাক্ষি ওইগনি। মীথুংলেনশিং অসি অখন্ননা প্রধান মন্ত্রী শ্রী নরেন্দ্র মোদীনা জাতিগী ফিরাল পাইহনবা সাক্ষি ওইনবা অমসুং লৈবাক মীয়ামদা পীবা মহাক্কী পাউজেল তানবা বার্তন তৌবনি।

এগ্রিকলচর অমসুং ফার্মর্স ৱেলফেয়র মন্ত্রালয়, ভারত সরকারনা ৱাফম অসি লাউথোকপদা অপেনবা পোকই মদুদি রাজ্য ২২ অমসুং য়ু.তি. ১দগী ফার্মর প্রদ্যুসর ওর্গনাইজেসন ৫১০বু ২০২৩গী ওগস্ত ১৫দা লাল কিলা দিল্লীদা ইন্দিপেন্দেন্স দে সেরেমোনী, ২০২৩গী সাক্ষি ওইনবগীদমক অখন্নবা অতিথি ওইনা বার্তন তৌখি। রাজ্য ১৯ অমসুং য়ু.তি. ২দগী পি.এম. কিসান বেনেফিসরী ৫০গী অতোপ্পা গ্রুপ অমসু মখোয়গী লোয়নবী নত্রগা মপুরোইবশিংগা লোয়ননা অখন্নবা মীথুংলেন ওইনা বার্তন তৌখি। মসি লৈবাক্কী ফুদ সেক্যুরিতীদা ফার্মরশিংনা লৌরিবা থৌদাং অদু ইকায় খুম্ননবা অমসুং মশক খংনবা তোপ তোপ্পা খোংথাং অমনি।

গ্রুপ অসিনা ঙসি নেস্নেল ৱার মেমোরিয়েল, প্রধান মন্ত্রী সংগ্রাহলায়া অমসুং ইন্দিয়া গেৎতসু চৎখি। গ্রুপ অসি ইন্দিপেন্দেন্স দে সেলেব্রেসনগী শরুক অমা ওইনা লৈবাক পুম্বদগী তোঙানবা সেক্তরশিংদগী বার্তন তৌখিবা মীওই ১৮০০গী শরুকনি। খোংথাং অসি ‘জন ভাগিদারী’গী ওইবা সরকারগী মীৎয়েংদা পায়খৎপনি।

উত্তর প্রদেশকী ঘাজিয়াবাদ জিলাদগী ফার্মরশিংনা হায়খি মদুদি ঐখোয় প্রধান মন্ত্রী সম্মান নিধি য়োজনাদা য়াম্না হরাওই। ঐখোয় প্রধান মন্ত্রী সম্মান নিধি য়োজনাগী ১৪শুবা ইন্সতোলমেন্ত ফংলে, মদুনা ঐখোয়বু ফার্ম তৌবদা মতেং ওইরে। ঐখোয় কিসান ক্রিদিৎ কার্দসু ফংলে। মখোয়না প্রধান মন্ত্রী শ্রী নরেন্দ্র মোদীবু অখন্নবা মীথুংলেন ওইনা বার্তন তৌবিরকপা অমসুং স্কিমশিংগীদমক থাগৎখি।

https://twitter.com/pmkisanofficial/status/1691012963233349632?s=20

https://twitter.com/AgriGoI/status/1691015389277573120?s=20

https://twitter.com/AgriGoI/status/1691032701313441792?s=20

*****