Ha ka lyngkhuh sngi ioh jinglaitluid kaba 77, u Myntri Rangbah Duh, u Narendra Modi u la ai jingkren sha ka ri na Red Fort ha New Delhi, ha kaba u la kren shaphang ki sienjam ba ka ri ka la shim ha ki kam teknoloji bad ha kaba u la ban jur halor ka jingkongsan jong ka India kaba la ioh bor na ki kam digital.

1. Ha ka jingai jingkren jong u, u Myntri Rangbah Duh, u Narendra Modi u la kren shaphang ka jingkylla ha ki kam digital jong ka India. U la kren shaphang ka jingjam shakhmat ha ka jingpynbiang internet sha baroh ki bynta jong ka ri bad u la ong ba ka internet ka dang poi sha baroh ki shnong bad ba kane ka la pynthikna ba baroh ki ioh jingmyntoi na ki jingkylla kiba iadei bad ki kam digital.

2. U Myntri Rangbah Duh u la kren shaphang ka jingrem jong ka internet shuwa u snem 2014 bad u la ong ba kane ka pher bha na kine ki por mynta ha kaba ka dor internet ha India ka long kawei na kiba duna tam ha ka pyrthei. U la ong ba kane ka jingduna dor ka la plie lad ia ka jingtyngkai pisa ia baroh ki longiing ha kylleng ka ri.

3. U Narendra Modi u la kren ruh shaphang ka jingiaid ka ri sha ka jingpyntreikam ia ka 5G bad u la ong ba ka jingsdang ia ka 5G ka long kaba stet tam bad kaba la poi sha palat 700 tylli ki distrik.

4. Shuh shuh, u Myntri Rangbah Duh u la kren shaphang ka thong ban pyntreikam ia ka 6G bad u la kren shaphang ka jingsdang ia ka kynhun kaba kyrpang ban rah shakhmat ia kane ka kam.

KA NONGRIM –

• Ka jingsdang ia ki kam 5G kaba stet tam ha ka pyrthei. Ki kam 5G ki don mynta ha palat 700 spah tylli ki distrik. La pynpoi 500 tylli ki BTS (3G/4G) ha ka shi sngi naduh u snem 2014 katba ka jingpynpoi 5G ka long kumba 1000 tylli ha ka shi sngi.
• La pynpoi ia ka 5G ha ka rukom kaba stet tam ban plie lad ia ka jingioh ia ka internet kaba stet.
• La shim ia ki sienjam na ka bynta ki kam 6G, u Myntri Rangbah Duh u la plie paidbah ia ka ‘Bharat 6G Vision’ document, ka tnat Telecom (DoT) ka la thung ia ka kynhun kaba tip kum ka ‘Bharat 6G Alliance’.
• Ka India ka la bud ia ka pyrthei ha ki kam 4G, ka la iaid ryntih bad ka pythei ha ki kam 5G bad mynta ka thmu ban ialam lynti ha ki kam 6G
• Ka bai mobile internet ka la hiar na ka T. 269/GB (2014) sha ka T. 10.1/GB (2023). Ka bai mobile internet ka la iar bun shah
• Ka India ka don ha ka kyrdan kaba lai ha ka jingduna ka Avg. Data Tariff (ha man ka GB)
• Na ka bynta ka thain shatei lammihngi, ki jaka khappud, ki jaka ba shah ktah LWE, ki Aspirational District bad kiwei kiwei ki jaka kiba jynjar ban poi, la trei kham bniah ban pynbiang ia ki kam telecom ha ryngkat ka jingtei ia ki jingdon jingem ha ki dewlynnong jong ngi.

• Ka projek pyniaid cable napoh duriaw kaba tip kum ka Chennai- Andaman & Nicobar (CANI) Project ha ka jinglut kaba T. 1,224 klur ka dei kaba la pyntreikam bad aiti sha ka ri da u Myntri Rangbah Duh, u Narendra Modi ha ka 10 tarik u Nailar, 2020.

• Ka jingpynkhlain shuh shuh ia ka telecom network ha ki dewlynnong A&N, ha ryngkat ka jingpynkhlain ia ka Satellite bandwidth ka dei kaba la pyndep.

• Ka Kochi- Lakshadweep Islands undersea OFC link ha ka jinglut kaba T. 1,072 klur ka dei kaba la pyndep bad la sdang ban pyrshang ia kane. Ynda la dep, kane kan pynbiang 100 GBPS hapdeng ka Kochi bad ki khatwei tylli ki dewlynnong

• Ka jingpyntreikam ia ka jingpynpoi ki jingshakri mobile 4G ha baroh ki shnong ha kylleng ka ri ki bym pat ioh ia kane ha ka jinglut kaba kot T. 26,316 klur

• Ka projek kan pynbiang ia ki jingshakri mobile 4G ia 24,680 tylli ki shnong ki bym pat ioh ia kane ha ki jaka kiba eh ban poi