কম্যুনিকেসন অমসুং ইনফোর্মেসন তেক্নোলোজী মন্ত্রালয়
77শুবা নীংতম নুমিৎতা থমখিবা প্রধান মন্ত্রী শ্রী নরেন্দ্র মোদীগী ৱারোলদা তেলিকোম সেক্তরদা ভারতনা পাইখৎখিবা অচৌবা খোঙথাংশিংগী মতাংদা ফোঙদোকখিবশিংগী হায়লাইৎশিং
Posted On:
15 AUG 2023 11:53AM by PIB Imphal
77শুবা নীংতম নুমিৎকী য়াম্না মরু ওইবা থৌরমদা প্রধান মন্ত্রী শ্রী নরেন্দ্র মোদীনা লৈবাক অসিনা তেক্নোলোজীগী লমদা শীংথানীংঙাই ওইবা খোঙথাংশিং লৌখৎখিবা অমসুং দিজিতেলনা শক্তি পীবা ভারতকী মরু ওইবদা মীৎয়েং চংলিবা অসিগী মতাংদা ফোঙদোক্লদুনা নই দিল্লীগী লাল কিলাগী লানবনদগী জাতিদা ৱা ঙাংখ্রে।
- মহাক্কী ৱারোলদা প্রধান মন্ত্রী শ্রী নরেন্দ্র মোদীনা ভারতকী দিজিতেল লেন্দস্কেপতা পুরকখিবা শীংথানীংঙাই ওইবা অওনবগী মতাংদা ফোঙদোকখ্রে। মহাক্না লৈবাক্কী খ্বাইদগী মনুং হঞ্জিনবা মফমশিংদা ইন্তর্নেৎ কন্নেক্তিবিতী ফংহন্নবা লেপ্পা লৈতনা হোৎনখি অমসুং খুঙ্গং খুদিংমক্তা ইন্তর্নেৎ ফংহন্দুনা প্রজা খুদিংমক্তা দিজিতেল রিভোল্যুসনগী কান্নবা ফংহল্লি হায়না ফোঙদোকখ্রে।
- প্রধান মন্ত্রীনা 2014গী মমাংদা ইন্তর্নেৎ দেতা তারিফ অসি য়াম্না তাংলমখিবা মতমগী মতাংদা পনখি অমসুং মালেমগী ওইনা ইন্তর্নেৎ দেতাগী রেৎশিং খ্বাইদগী অহোংবা মমলদা ফংনবগীদমক ভারতনা চাউথোকপা পোক্লিবা হৌজিক ওইরিবা ফীভম অসিগা চাংদম্নখি। মহাক্না হায়খি মমলশিংদা হন্থরকপা অসিনা লৈবাক্কী ইমুং খুদিংমক্কীদমক চাউনা সেভিং তৌবা ঙমহনখি।
- শ্রী নরেন্দ্র মোদীনা লৈবাক অসিনা 5G রোল আউৎ তৌনবা মাইকৈদা খোঙজেল য়াংনা চংশিল্লি হায়রদুনা 5G রোল আউৎ অসি খোঙজেল য়াংশিল্লি অমসুং জিলা 700 হেন্না কবর তৌখ্রে হায়খি।
- মখা তারদুনা প্রধান মন্ত্রীনা 6G তেক্নোলোজীগী মাইকৈদা চংশিন্নবা অচৌবা পান্দমগী মতাংদসু ফোঙদোকখি অমসুং ইনিসিএতিব অসি মাংদা পুখৎনবা দেদিকেতেদ তাস্ক ফোর্স অম শেম্বগী মতাংদা ফোঙদোকখি।
বেকগ্রাউন্দ –
- মালেমদা 5G সর্ভিসশিং খোঙজেল য়াংনা রোল আউৎ তৌবা। 5G সর্ভিসশিং অসি জিলা 700 হেনবদা ফংহনখ্রে। 2014দগী হৌদুনা নোংমদা 500 BTSs (3G/4G) ইনস্তোল তৌখি অমরোমদা 5G সাইৎশিং অসি নোংমদা সাইৎ 1,000রোমগী চাংদা ইনস্তোল তৌখি।
- খ্বাইদগী নৌবা তেক্নোলোজী 5G নেৎৱার্কশিং অসি খ্বাইদগী খোঙজেল য়াংনা হায়-স্পীদ ব্রোদবেন্দ সর্ভিসশিং ফংহন্নবা রোল আউৎ তৌখি।
- 6G স্তেন্দর্দশিং দিবেলপমেন্ত তৌনবা ইনিসিএতিবশিং পাইখৎকনি। প্রধান মন্ত্রী শ্রী নরেন্দ্র মোদীনা ‘ভারত 6G বিজন’ দোক্যুমেন্ত লোঞ্চ তৌখি, দিপার্তমেন্ত ওফ তেলিকোম (DoT)না ‘ভারত 6G এলায়েন্স’ কৌবা তাস্ক-ফোর্স অমা শেমখি।
- ভারতনা 4Gদা মালেমগী মতুং ইল্লি, 5G দা মালেমদগী মাংজিল থারি অমসুং 6Gদা মালেম্বু লমজিংনবা পান্দম থম্লি।
- মোবাইল দেতা তারিফ অসি লুপা 269/GB (2014) দগী লুপা 10.1/GB (2023) দা হন্থখ্রে। মোবাইল দেতাগী তারিফ অসি চাউনা হন্থরকখ্রে।
- ভারতকী খ্বাইদগী তাবদা অহুমশুবা দেতা তারিফ লৈ (GBদা)
- অৱাং নোংওক্কী মফমশিং, ঙমখৈগী মফমশিং, LWE না শোকহল্লবা মফমশিং, এস্পিরেস্নেল দিস্ত্রিক্তশিং অমসুং অতোপ্পা মনুং হনজিনবা মফমশিংদা অফবা মখলগী তেলিকোম কন্নেক্তিবিতী অমসুং ঐখোয়গী ইথৎশিংদা ইনফ্রাস্ত্রকচর পীনবা অখন্নবা থবকশিং পাইখৎলি।
- লুপা করোর 1,224 চংখিবা অন্দরসী কেবল বেজ চেন্নৈ – অন্দামনা অমসুং নিকোবার (CANI) প্রোজেক্ত অসি কম্মিসন তৌখি অমসুং লৈবাক মীয়ামদা ওগস্ত10, 2020দা প্রধান মন্ত্রী নরেন্দ্র মোদীনা খুৎশিন্নখি।
- ইনক্রিজ সেতেলাইত বেন্দৱিথ খুত্থাংদা য়াওনা A&N ইথৎশিংদা মখাতানা তেলিকোম নেতৱর্ক ওগমেন্তেসন তৌবা লোইশিনখ্রে।
- লুপা করোর 1,072 শেমগৎখিবা কোচি-লক্ষদ্বীপ ইথৎশিংগী সমুদ্র মনুংগী OFC লিঙ্ক অসি লোইশিল্লে অমসুং মসি শিজিন্নবা য়ারবরা হায়বা য়েংশিন্নবা ত্রাইএল ত্রাফিক হৌদোকখ্রে। মসি লোইশিনবা মতমদা মসিনা কোচি অমসুং ইথৎ তরামাথোইদা 100 GBPS পীরগনি।
- লুপা করোর 26,316 চংনা লৈবাক পুম্বদা লৈরিবা কভর তৌদ্রিবা খুঙ্গংশিংদা 4G মোবাইল সর্ভিসশিং হৌনবা সেচ্যুরেসন ইম্প্লিমেন্ত তৌখ্রে।
- প্রোজেক্ত অসিনা মনুং হনজিনবা মফমশিংদা লৈবা কোভর তৌদ্রিবা খুঙ্গং 24,680দা 4G মোবাইল সর্ভিসশিং ফংহনগনি।
*****
(Release ID: 1948987)
Visitor Counter : 84