Ha ka jingai jingkren na ka Red Fort ha ka lyngkhuh sngi ioh jinglaitluid kaba 77 mynta ka sngi, u Myntri Rangbah Duh, u Narendra Modi u la ong ba ka Sorkar ka la sdang ia ka prokram Vibrant Village na ka bynta ki shnong khappud. U la ong ba mynshwa, la ju khein ia ki shnong khappud kum ki shnong ba khatduh jong ka ri hynrei kane ka la kylla bad la khein ba kine ki shnong kim dei ki shnong ba khatduh hynrei ki shnong ba nyngkong ha ki jaka khappud. U la ong ba haba ka sngi ka mih ha ka thain mihngi, ka jingshai jong ka sngi ka ktah ia ka shnong khappud bad haba sep ka sngi, ka sngi ha kane ka jaka ka ioh jingmyntoi na ka jingshai kaba khatduh jong ka sngi.

U Myntri Rangbah Duh u la ong ba u sngew kmen ba kumba 600 ngut ki Pradhan jong ki shnong khappud ki la shah khot sngewbha kum ki Nongshahkhot Kyrpang ban peit ia ka jingrakhe ia ka lyngkhuh sngi ioh jinglaitluid. U la ong ba ki nongshahkhot sngewbha ki la wan sha ba jngai ha ka sien kaba nyngkong da ka jingkut jingmut bad ka bor kaba thymmai.

*****