2019-20 நிதியாண்டில் ரூ.80,959.08 கோடியாக இருந்த பாதுகாப்பு நவீனமயமாக்கலுக்கான ஒதுக்கீடு 2023-24 நிதியாண்டில் ரூ.1,32,301.27 கோடியாக உயர்ந்துள்ளது. 2023-24 ஆம் ஆண்டில் மூலதன கையகப்படுத்தல் (நவீனமயமாக்கல் வரவுசெலவுத் திட்டம்) கீழ் திட்டமிடப்பட்ட மற்றும் ஒதுக்கப்பட்ட நிதிகள் பின்வருமாறு:

மூலதன கையகப்படுத்தல் (நவீனமயமாக்கல் வரவுசெலவுத் திட்டம்)

கணிப்பு BE 2023-24-

ரூ. 1,32,841.04 கோடி

ஒதுக்கீடு BE 2023-24

ரூ. 1,32,301.27 கோடி

ஒதுக்கப்பட்ட நிதி செயல்பாட்டு நடவடிக்கைகளுக்கு உகந்த முறையில் பயன்படுத்தப்படுகிறது. தேவைப்பட்டால், பாதுகாப்பு சேவைகளின் செயல்பாட்டு தயார்நிலையில் எந்த சமரசமும் இல்லாமல் அவசர மற்றும் முக்கியமான திறன்களைப் பெறுவதை உறுதி செய்வதற்காக திட்டங்கள் மறுபரிசீலனை செய்யப்படுகின்றன.

2023-24 நிதியாண்டுக்கான நிதி 75:25 என்ற விகிதத்தில் ஒதுக்கப்பட்டுள்ளது, இதில் 75%அதாவது ரூ.99,223.03 கோடி உள்நாட்டு கொள்முதலுக்கும், 25%அதாவது ரூ.33,078.24 கோடி வெளிநாட்டு கொள்முதலுக்கும் ஒதுக்கப்பட்டுள்ளது.

மேலும், கடந்த சில ஆண்டுகளில் அரசு பல்வேறு கொள்கை முன்முயற்சிகளை எடுத்து, உள்நாட்டு வடிவமைப்பு, மேம்பாடு மற்றும் பாதுகாப்பு உபகரணங்களின் உற்பத்தியை ஊக்குவிக்கும் வகையில் சீர்திருத்தங்களைக் கொண்டு வந்துள்ளது, இதன் மூலம் நாட்டில் பாதுகாப்பு உற்பத்தி மற்றும் தொழில்நுட்பத்தில் தன்னிறைவை ஊக்குவிக்கிறது. இந்த முன்முயற்சிகளில், பாதுகாப்பு கையகப்படுத்தல் நடைமுறை (டிஏபி) -2020 இன் கீழ் உள்நாட்டு மூலங்களிலிருந்து மூலதன பொருட்களை வாங்குவதற்கு முன்னுரிமை அளிப்பது அடங்கும்.

இத்தகவலை பாதுகாப்புத் துறை அமைச்சர் அஜய் பட் மக்களவையில் டீன் குரியகோஸ் மற்றும் அனுமுலா ரேவந்த் ரெட்டி ஆகியோருக்கு எழுத்துப்பூர்வமாக அளித்த பதிலில் தெரிவித்துள்ளார்.

----

ANU/AP/PKV/KPG

 

 

 

 

 

(Release ID: 1947886) Visitor Counter : 84