লৈবাক শিনবা থুংবগী ওইনা আজাদী কা অমৃত মহোতসব (AKAM)গী পরিং মখাদা ওগস্ত 13 – 15, 2023 ফাওবদা ‘হর ঘর তিরঙ্গা’ পাংথোক্কনি অমসুং মসিগী শরুক অমা ওইনা মীয়াম্না মশা-মশাগী ময়ুমদা মচু অহুমগী ফিরাল পাইহন্নবা পুক্নীং থৌগৎলি। 

হর ঘর তিরঙ্গা কেম্পেন অসিদা মীয়াম খুদিংনা শরুক য়াহন্নবগীদমক্তা অমসুং জন ভাগীদারীগী চাং ৱাংহন্নবগীদমক্তা, পার্লিয়ামেন্তকী মেম্বর অমসুং মন্ত্রীশিংগী ওইবা তিরঙ্গা বাইক রেল্লী অমা নই দিল্লীগী প্রগতী মৈদান্দা ওগস্ত 11, 2023গী অয়ুক্কী পুং 11 তাবা মতমদা পাংথোক্নবগীদমক্তা শিন লাঙলি। বাইক রেল্লী অসি ভারতকী উপ-রাস্ত্রপতি, শ্রী জগদীপ ধনখারনা লম্থাগনি। কলচর, তুরিজম অমসুং দোনর মন্ত্রী, শ্রী জি. কিশন রেদ্দীসু য়াইফরবা থৌরম অসিদা শরুক য়াগনি।

ভারতকী উপ-রাস্ত্রপতি, শ্রী জগদীপ ধনখারনা লম্থরবা মতুংদা, বাইক রেল্লী অসিনা ইন্দিয়া গেত সর্কলদা থুংগনি। রেল্লী অসিনা কর্তব্য পথ লান্থোক্তুনা ইন্দিয়া গেতকী অকোয়বা মপুং ফানা থৌগনি, অমসুং মেজর ধ্যান চন্দ স্তেদিয়মদা লোইশিনগনি।

‘আজাদী কা অমৃত মহোতসব (AKAM)’ অসি লেপ্তনা চাউখৎপা নাইরিবা নিংতম্বা ভারতকী মশক থোক্লবা চহি 75গীদমক্তা হরাওব ফোংদোকপগী হৌজিক চত্থরিবা থৌরম অমনি। ভারত সরকারগী মসিগুম্বা খোঙথাং অসিনা নিংতম ইহৌ অমসুং লৈবাক অসিনা ফংলিবা মশক থোক্লবা মায় পাকপশিংদা মীয়ামগী পুক্নিং চীংশিনবগী পান্দম থম্লি। AKAM অসিদি লৈবাক চাউখৎপদা থৌদাং য়ারিবা মীয়াম অমসুং মখোয়গী চাউখৎ-থৌরাংগী খোঙচৎপু ইকায় খুম্নবগী থৌওং অমনি। ‘হর ঘর তিরঙ্গা’ কেম্পেন অসি লৈবাক মীয়াম্না ভারতকী জাতীগী ফিরালবু মশা-মশাগী ময়ুমদা পাইহন্নবা পুক্নিং থৌগৎনবগীদমক্তা ওগস্ত 13-15, 2022দগী হৌদোকখিবনি। কেম্পেন অসিগী মরুমদা লৈরিবা ৱাখল্লোন অসিদি লৈবাক মীয়ামগী থম্মোইনুংদা লৈবাক নীংবগী ইথিল পোকহনবা, ভারতকী খোঙচৎ অমসুং অথোইবা লৈবাক অসিবু শেম্বদা থৌদাং য়াখিবা মীওইশিংবু নীংশিংহনবনি। কেম্পেন অসিনা মমাংগী চহিদা মশক থোকপা মায় পাকপগী মতৌ উবা ফংখি অমসুং ইমুং করোর কয়ানা মশাগী ময়ুমদা তিরঙ্গা পাইহনখিবগা লোয়ননা মীওই করোর তরুক্না হর ঘর তিরঙ্গা ৱেবসাইত্তা মশাগী সেলফী অপ্লোদ তৌনখি।

ৱেবসাইত - https://harghartiranga.com

https://amritmahotsav.nic.in

****