দোনর, তুরিজম অমসুং কলচরগী মন্ত্রী শ্রী জি কিশন রেদ্দীনা ঙসি স্কিল দিবলপমেন্ত মন্ত্রালয়না অৱাং নোংপোক লমদমগীদমক অখন্নবা স্কিল দিবলপমেন্ত ইনিসিয়েতিব- ‘ত্রান্সফোর্মিং লাইবস, বিলদিং ফ্যুচর্স’- স্কিল দিবলপমেন্ত এন্দ ওন্ত্রেপ্রিন্যুরশিপ ইন নোর্থ ইস্ত হৌদোকপদা শরুক য়াখ্রে। থৌরম অসিদা এজুকেসন, স্কিল দিবলপমেন্ত অমসুং ওন্ত্রেপ্রিন্যুরশিপ মন্ত্রী শ্রী ধর্মেন্দ্র প্রধান, স্কিল দিবলপমেন্ত অমসুং ওন্ত্রেপ্রিন্যুরশিপ অমসুং ইলেক্ত্রোনিক্স অমসুং ইনফোর্মেশন তেক্নোলোজীগী রাজ্য মন্ত্রী রজীব চন্দ্রশেখরসু শরুক য়াখি।

ইনিসিয়েতিব অসিগীদমক মন্ত্রীনা স্কিল মন্ত্রালয়বু থাগৎপা ফোংদোকখি মদুনা রিজন অসিদা স্কিল দিবলপমেন্ত অমসুং ওন্ত্রেপ্রিন্যুরশিপ ইকোসিস্তেমদা অনৌবা পুন্সি হাপ্লগনি। মহাক্না মখা তানা ফোংদোকখি মদুদি প্রোগ্রাম অসিনা রিজন অসিদা নহা লাখ ২.৫গীদমক গেম চেঞ্জর অমা ওইরগনি অমসুং অৱাং নোংপোক লমদমগী এস্পিরেসনশিং অমসুং মংলানশিংদা ইনোৎ পীরগনি।

মহাক্না মখা তাখি মদুদি ইনিসিয়েতিব অসিনা নহাশিংবু দোমেস্তিক অমসিং ইন্তরনেস্নেল জোব মার্কেৎতা অফবা মফম অমা ফংহনবদা নত্তনা ওন্ত্রেপ্রিন্যুরশিংবু অৱাং নোংপোকপু অনৌবা অৱাংবা মফম অমদা পুখৎপদসু মপাঙ্গল কনখৎহল্লগনি।

শ্রী জি. কিশন রেদ্দীনা হায়খি মদুদি রিজনদা অচেৎপা স্কিল অমসুং ওন্ত্রেপ্রিন্যুরশিপ ইকোসিস্তেম অমা লিংখৎপনা এগ্রিকলচর, হোর্তিকলচর, তুরিজম, সর্বিসেস, আই.তি. অসিনচিংবা সেক্তরশিংদা রিজনগী পাক চাউরবা পোতেন্সিয়েল পুথোকপদা মতেং ওইগনি। মহাক্না হায়খি মদুদি স্কিল অমসুং তেলেন্তেদ ৱার্কফোর্সনা অৱাং নোংপোক লমদমবু ভারতকী গ্রোথ ইঞ্জিন ওইনা দিবেলপ তৌবদা মরুওইবা ওইগনি।

শ্রী রেদ্দীনা ভারতকী প্রধান মন্ত্রী শ্রী নরেন্দ্র মোদীগী অচেৎপা থাজবা অদু অমুক হন্না ফোংদোকখি মদুদি ভারত অৱাং নোংপোক লমদমগী দিবলপমেন্ত য়াওদনা দিবেলপ তৌবা য়ারোই। মহাক্না হায়খি মদুদি হৌখিবা চহি ৯দা কনেক্তিবিতী অমসুং ইনফ্রাস্ত্রকচরদা অকনবা মওংদা হোৎনখ্রে। মহাক্না মখা তাখি মদুদি হৌখিবা চহি ৯দা লুপা করোর লাখ ৫ হেন্না চাদিং তৌখ্রে মদুনা অৱাং নোংপোক লমদমদা মমাংদা ওইখিদ্রিবা মওংদা দিবলপমেন্ত খোংজেল য়াংশিল্লে।

ইনফ্রাস্ত্রকচরদা এচিবমেন্ত খরা ফোংদোক্লদুনা মহাক্না হায়খি মদুদি ২০১৪ ফাওবদা অৱাং নোংপোক লমদমদা এয়রপোর্ত ৯ খক্তমক লৈরম্মি অদুবু ঙসিদি এয়রপোর্ত ১৭ লৈদুনা তুরিজম অমসুং মোবিলিতীদা শাফু অমা পীরে। মহাক্না হায়খি মদুদি লুপা করোর লাখ ১.০২ হেনবগী রোদ প্রোজেক্তশিংদা থবক চত্থরি অমদি রেলৱে কনেক্তিবিতীগীদমক লুপা করোর ৮২,০০০ হান্ননা চাদিং তৌখ্রে। থবক খুমাং চাওশিনল্লিবা অদু পল্লদুনা মহাক্না হায়খি মদুদি রেলৱে তনেল ১২১দা থবক চত্থরি। মহাক্না মখা তাখি মদুদি সরকারনা নুমিৎ ৫০০গী মনুংদা অৱাং নোংপোক লমদমদা মপুংফাবা তেলেকোম কনেক্তিবিতীগী তার্গেৎতা থবক তৌরি – মদু ২০২৩গী লোইশিল্লকপা ফাওবদা তার্গেৎ তৌরি।

***

(Release ID: 1947625) Visitor Counter : 89