آئی جی آئی ہوائی اڈہ، نئی دہلی نے سفر میں موسمی تغیرات کی وجہ سے ہوائی مسافروں کی تعداد میں اضافے کی وجہ سے مسافروں کی کارروائی کے مختلف مقامات پر طویل انتظار کا وقت دیکھا۔ اس کے بعد سے کئی اقدامات کیے گئے ہیں اور آئی جی آئی ہوائی اڈے، دہلی پر مسلسل نگرانی اور صلاحیت میں اضافہ کے ساتھ صورتحال میں بہتری آئی ہے۔ اس کے بعد سے دہلی اور ممبئی سمیت بڑے ہوائی اڈوں پر بھیڑ کم کرنے کے لیے کئی اقدامات/کارروائیاں کی گئی ہیں۔ یہ درج ذیل ہیں:-

1. گاڑیوں کی بھیڑ سے بچنے کے لیے روانگی کے فورکورٹ پر اضافی ٹریفک مارشلز کو تعینات کیا گیا ہے۔

2. مسافروں کی پیشگی رہنمائی کے لیے وینٹیج پوائنٹس پر داخلی گیٹ نمبر کے ساتھ کم سے کم انتظار کا وقت ظاہر کرنے والا بورڈ لگا دیا گیا ہے۔

3. داخلی دروازوں، سیکیورٹی ناکہ پر ڈسپلے بورڈ ڈسپلے اسکرینیں نصب کی گئی ہیں تاکہ گیٹس پر انتظار کرنے والے مسافروں کو حقیقی وقت پر آگاہ کیا جا سکے۔ سوشل میڈیا پر بھی انتظار کا وقت دیا جا رہا ہے۔ ریئل ٹائم ویٹنگ ٹائم ڈیٹا لنک ایئر لائنز کے ساتھ شیئر کیا گیا۔

4. ہوائی مسافروں کی حوصلہ افزائی کی جاتی ہے کہ وہ ڈیجی یاترا کو استعمال کریں، جو کہ چہرے کی شناخت کی ٹیکنالوجی پر مبنی بایومیٹرک والا ہموار سفر کا تجربہ ہے۔ ڈیجی یاترا پلیٹ فارم کے استعمال کی حوصلہ افزائی کے لیے فلائٹ کے دوران اعلان کیا جا رہا ہے۔

5. ڈیجی یاترا کو ٹی 3 اور ٹی 2 پر مکمل طور پر نافذ کیا گیا ہے۔ ٹی 3 اور ٹی2 پر داخلے کے مقامات پر بالترتیب 15 لین اور 10 لین ہیں۔ سیکورٹی چیک پوائنٹ پر، ڈی جی یاترا بالترتیب تمام 6 زونز اور ٹی 3 اور ٹی 2 کے تمام 3 زونز میں دستیاب ہے۔

6. ٹی 3 پر اضافی انٹری گیٹس بنائے گئےہیں۔

7. اضافی 15 ایکس-بی آئی ایس مشینیں بڑھائی گئی ہیں جس سے ٹی-3 ڈومیسٹک میں ایکسرے مشینوں کی کل تعداد 25 اور ٹی-3 انٹرنیشنل میں 19 ہو گئی ہے۔

8. ٹی -3 چیک ان انفراسٹرکچر میں 28 کاؤنٹرز جولائی 2023 میں بڑھائے گئے ہیں۔ سیلف بیگیج ڈراپ کی سہولت جولائی، 2023 میں شروع کی گئی ہے۔

9. مسافروں کو ایئر ٹکٹ/ بورڈنگ پاس اور شناختی ثبوت کے ساتھ تیار رہنے کے لیے داخلی دروازے پر آگاہی پوسٹر لگائے گئے ہیں۔ انٹری گیٹ پر مسافروں کی مدد کے لیے کلی طور پر وقف عملہ تعینات کیا گیا ہے۔

10. نیا سیکیورٹی زون - زون 0 ٹرمینل 3 کے اندر بنایا گیا ہے۔

11. سی آئی ایس ایف کے ذریعہ اضافی افرادی قوت کی تعیناتی کو یقینی بنایا گیا ہے۔

12. سی سی ٹی وی اور کمانڈ سینٹر کے ذریعے نگرانی۔

13. ہجوم کے انتظام کے لیے کاؤنٹ میٹر کا استعمال۔

14. ہوائی اڈے کے آپریٹر کو مشورہ دیا گیا ہے کہ وہ ٹرمینلز کے درمیان پیِک آور ٹریفک کو دوبارہ بیلنس کر کے سلاٹس شفٹ کر کے پیک آورز میں پروازوں کے اوقات کو بہتر بنائے۔

15. ایئر لائنز کو مشورہ دیا گیا ہے کہ وہ تمام چیک ان/بیگیج ڈراپ کاؤنٹرز پر کافی افرادی قوت تعینات کریں۔

16. آنے والے بین الاقوامی مسافروں کی حوصلہ افزائی کی جاتی ہے کہ وہ جہاز پر ڈس امبارکیشن کارڈز بھریں۔ مسافروں کو فارم بھرنے میں مدد کرنے کے لیے ہوائی اڈے کے آپریٹرز کے ذریعے اترنے کے مقامات پر افرادی قوت کو تعینات کیا جا رہا ہے۔

17. خودکار داخلے کی سہولت کے لیے تمام داخلی دروازوں پر 2ڈی بار کوڈ سکینر نصب کیا گیا ہے۔

18. ایئر لائنز کو مشورہ دیا گیا ہے کہ وہ جاری کردہ ٹکٹوں پر بار کوڈ کی مکمل تعمیل کریں، تاکہ داخلے/سیکیورٹی گیٹس پر مسافروں کے آمد و رفت میں آسانی ہو۔

19. تخفیف کے اقدامات کی تعمیل کو یقینی بنانے کے لیے ہوائی اڈے کے آپریٹر، ایئر لائنز اور شہری ہوا بازی کی وزارت کی سطح پر روزانہ کی بنیاد پر نگرانی۔ یہ تمام اقدامات ہوائی اڈے کی حفاظت کو برقرار رکھنے کے لیے انتہائی غور و فکر کے ساتھ نافذ کیے جاتے ہیں۔

جولائی 2023 کے انتظار کے اوقات کی بنیاد پر، توقع ہے کہ آنے والے مہینوں میں سیکیورٹی اور امیگریشن چیک پوائنٹس پر انتظار کا وقت تقریباً 10 منٹ ہوگا۔

آئی جی آئی اے فی الحال اپنی توسیع کے فیز 3اے کے تحت ہے۔ فیز 3اے کے کاموں میں موجودہ ٹرمینلز اور ایپرون کی توسیع، ایک پرانے رن وے کی بحالی اور چوتھے رن وے (11ایل-29آر) کی تعمیر اور اس کے رابطے متوازی ٹیکسی ویز، ایسٹرن کراس ٹیکسی وے (ای سی ٹی)، شمالی متوازی ٹیکسی وے اور مختلف دیگر ایئر سائیڈ کے ساتھ،گردش اور رابطے میں بہتری اور ٹرمینل 3 میں موڈی فیکیشن کے کاموں کے لیے لینڈ سائیڈ ترقیات شامل ہیں۔ ای سی ٹی اور چوتھا رن وے مکمل ہو چکا ہے اور کام کر رہا ہے۔ فیز 3اے پروجیکٹ کی موجودہ حقیقی پیشرفت 31 جولائی 2023 تک 92.83 فیصد ہے۔

یہ معلومات شہری ہوا بازی کی وزارت میں وزیر مملکت جنرل (ریٹائرڈ) (ڈاکٹر) وی کے سنگھ نے آج لوک سبھا میں ایک سوال کے تحریری جواب میں دیں۔

*****

ش ح – اک – رب

U: 8192

(Release ID: 1947462) Visitor Counter : 118