بھاری صنعتوں کے وزیر مملکت جناب کرشن پال گرجر نے آج لوک سبھا میں ایک تحریری جواب میں بتایا کہ لیتھیم آئی او این بیٹریوں پر مبنی توانائی کا ذخیرہ ہندوستان کو اپنے گرین ہاؤس تخفیف کے اہداف کو حاصل کرنے میں مدد کرے گا کیونکہ الیکٹرک گاڑیوں کی تیاری کے لیے بنیادی خام مال لیتھیم اور دیگر اہم مواد ہیں۔ فی الحال، ہندوستان میں ایڈوانسڈ کیمسٹری سیلز (اے سی سی) کی مینوفیکچرنگ اور مجموعی ویلیو ایڈیشن میں سرمایہ کاری نہ ہونے کے برابر ہے اور اے سی سی کی تقریباً پوری گھریلو مانگ اب بھی درآمدات کے ذریعے پوری کی جا رہی ہے۔ الیکٹرک گاڑیوں کے لیے درآمد شدہ اے سی سی بیٹریوں کے انحصار کو کم کرنے کے لیے، حکومت نے 12 مئی 2021 کو ملک میں ایڈوانسڈ کیمسٹری سیلز (اے سی  سی) کی تیاری کے لیے مصنوعات سے مربوط ترغیبات  (پی ایل آئی) اسکیم کی منظوری دی۔ اسکیم کا کل خرچہ 5 سال کی مدت کے لیے 18,100  کروڑ روپے ہے۔  ۔ اس اسکیم میں ملک میں ایک مسابقتی اے سی سی بیٹری مینوفیکچرنگ سیٹ اپ (50 جی ڈبلیو ایچ) قائم کرنے کا تصور کیا گیا ہے۔ اس کے علاوہ، 5 جی ڈبلیو ایچ  مخصوص اے سی سی  ٹیکنالوجیز بھی اس اسکیم کے تحت آتی ہیں۔اس اسکیم میں فی کلو واٹ گھنٹہ قابل اطلاق سبسڈی اور پیداواری یونٹس قائم کرنے والے مینوفیکچررز کی طرف سے کی جانے والی حقیقی فروخت پر حاصل کردہ ویلیو ایڈیشن کی فیصد پر مبنی پیداوار سے منسلک سبسڈی تجویز کی گئی ہے۔

مزید برآں، بھاری صنعتوں کی وزارت نے پبلک ٹرانسپورٹ بسوں سمیت ملک میں ای-وہیکل کی پیداوار کو بڑھانے کے لیے درج ذیل اقدامات کیے ہیں:

1. ہندوستان میں ہائبرڈ اور الیکٹرک گاڑیوں (فیم انڈیا)  کو تیز تر اپنانا اور تیار کرنا  :

حکومت نے فیم انڈیا اسکیم کے فیز-II کو ابتدائی طور پر یکم اپریل 2019 سے شروع ہونے والی تین سال کی مدت کے لیے نوٹیفائی کیا جس کی کل بجٹ امداد 10,000 کروڑ روپئے ہے۔ اس اسکیم کو مزید 2 سال کی مدت کے لیے 31 مارچ 2024 تک بڑھا دیا گیا  ۔ فیم-انڈیا اسکیم فیز-II کے تحت الیکٹرک گاڑیوں کے خریداروں کو الیکٹرک گاڑیوں کی خریداری کی قیمت میں پیشگی کمی کی صورت میں مراعات فراہم کی جاتی ہیں۔

2. آٹوموٹیو سیکٹر کے لیے پروڈکشن لنکڈ انسینٹیو (پی ایل آئی) اسکیم:

حکومت نے 15 ستمبر 2021 کو 25,938 کروڑ روپے کے بجٹ کے ساتھ آٹوموٹیو سیکٹر کے لیے پی ایل آئی اسکیم کو منظوری دی۔ الیکٹرک گاڑیاں اس پی ایل آئی اسکیم کے تحت آتی ہیں۔

ماحولیات، جنگلات اور موسمیاتی تبدیلی کی وزارت سے موصول ہونے والی معلومات کے مطابق، حکومت ہند  نے  24 اگست 2022 کو بیٹری ویسٹ مینجمنٹ رولز، 2022 کو شائع کیا ہے تاکہ ویسٹ بیٹریوں بشمول ای وی بیٹریوں کا ماحولیاتی طور پر درست انتظام کیا جا سکے۔

بیان کردہ وقت مررہ کے مطابق ضوابط بیٹریاں بنانے والوں کو ضائع شدہ بیٹریوں کو ری سائیکل/ری فربش کرنے کے لیے توسیعی پروڈیوسر کی ذمہ داری کا فریم ورک فراہم کرتے ہیں۔ ضوابط ری سائیکلرز کو بیکار بیٹریوں سے مواد کی کم از کم فیصد بازیافت کرنے کا حکم دیتے ہیں۔

************

 

 

ش ح۔ اک   ۔ م  ص

 (U: 8087 )

(Release ID: 1946697) Visitor Counter : 176