امریکی شپ یارڈز میں ہندوستانی بحری جہازوں کی مرمت کی اجازت دینے کے لیے کوئی باہمی معاہدہ موجود نہیں ہے اور نہ ہی ایسی کوئی بات چیت ہوئی ہے۔ تاہم، لارسن اینڈ ٹوبرو (ایل اینڈ ٹی) شپ یارڈ کٹوپلی اور امریکی بحریہ کے جہازوں کی مرمت کے لیے 04 اپریل 2023 کو ماسٹر شپ یارڈ ریپئر ایگریمنٹ (ایم ایس آر اے) پر دستخط کیے گئے ہیں۔ میسرز میزاگن ڈاکس لمیٹڈ اور میسرز گوا شپ یارڈ لمیٹڈ کے ساتھ ایم ایس آر اے اگلے مرحلے میں ہے۔ ایم ایس آر اے امریکی بحریہ کے لیے جہاز کی مرمت کے منصوبوں کو انجام دینے کے لیے شپ یارڈ کو مقابلہ کا اہل بناتا ہے۔ ایم ایس آر اے میں سیکورٹی، ادائیگیوں، واجبات وغیرہ سے متعلق شقیں شامل ہیں۔ معاہدے کا ہر پانچ سال بعد، یا ضرورت کے مطابق جائزہ لیا جاتا ہے۔

ان جہازوں کی مرمت کا کام ہندوستانی جہاز سازوں کے تجارتی مفاد کو پورا کرتا ہے اور ممکنہ طور پر اس طرح کے مزید مواقع پیدا کرے گا۔ امریکی بحریہ کے جہاز کو اس کی مرمت کی مدت کے لیے ہندوستانی شپ یارڈ میں رکھا جائے گا۔

یہ جانکاری رکشا راجیہ منتری جناب اجے بھٹ نے آج لوک سبھا میں جناب کوسمے فرانسسکو کیٹانو سارڈینہا کے سوال کے تحریری جواب میں دی۔

*****

( ش ح ۔    ق ت۔ م ر) 

U.No. 7959