அதிக வேகம், மொபைல் போன் பயன்படுத்துதல், குடிபோதையில் வாகனம் ஓட்டுதல், தவறான பாதையில் வாகனம் ஓட்டுதல், தலைக்கவசம் மற்றும் சீட் பெல்ட் போன்ற பாதுகாப்பு சாதனங்களைப் பயன்படுத்தாதது போன்ற பல காரணங்களால் சாலை விபத்துகள் ஏற்படுகின்றன.

அனைத்து மாநிலங்கள் மற்றும் யூனியன் பிரதேசங்களின் காவல் துறைகளிலிருந்து பெறப்பட்ட தரவுகளின்படி, 2019 முதல் 2021 வரையிலான ஆண்டுகளில்  நாட்டில் உள்ள தேசிய நெடுஞ்சாலைகளில் போக்குவரத்து விதி மீறல் காரணமாக சாலை விபத்துகள் மற்றும் இறப்புகளின் எண்ணிக்கை கீழே உள்ள அட்டவணையில் கொடுக்கப்பட்டுள்ளது:-

போக்குவரத்து விதி மீறல்	விபத்துக்களின் எண்ணிக்கை			இறந்தவர்களின் எண்ணிக்கை
	2019	2020	2021	2019	2020	2021
அதிக வேகம்	98294	85616	95785	36566	32873	40450
குடிபோதையில் வாகனம் ஓட்டுதல்	5122	3416	2949	2376	1862	1352
தவறான பாதையில் வாகனம் ஓட்டுதல்	7076	6050	5568	2726	3099	2823
சிக்னலை மதிக்காமல் செல்லுதல்	984	919	555	266	476	222
மொபைல் ஃபோன் பயன்பாடு	3660	2697	1997	1585	1389	1040
மற்ற விதிமீறல்கள்	22055	16753	21971	10353	7971	10120

மோட்டார் வாகனச் சட்டம் 1988-ன் படி ஆபத்தான முறையில் வாகனம் ஓட்டினால் அபராதம் விதிக்க வழிவகை செய்யப்பட்டுள்ளது. மோட்டார் வாகன (திருத்த) சட்டம், 2019 மூலம் இது திருத்தப்பட்டது, இதன் மூலம் ஏற்கனவே இருந்த  அபராதங்கள் அதிகரிக்கப்பட்டன.

இத்தகவலை மத்திய சாலைப் போக்குவரத்து மற்றும் நெடுஞ்சாலைத் துறை அமைச்சர் திரு நிதின் கட்கரி மாநிலங்களவையில் இன்று எழுத்துப்பூர்வமாக அளித்த பதிலில் தெரிவித்துள்ளார்.

***

AP/ANU/PLM/RS/KPG

(வெளியீட்டு அடையாள எண்: 1945202) வருகையாளர் எண்ணிக்கை : 287