وزارت داخلہ کے انتظامی دائرہ کار کے تحت نیشنل کرائم ریکارڈ بیورو (این سی آربی) نے 21 اگست 2017 کو ڈیجیٹل پولیس پورٹل (https://digitalpolice.gov.in) کا آغاز کیا جو مرکزی سطح پر درج ذیل شہری خدمات فراہم کرتا ہے:

1-لاپتہ افراد کی تلاش

2-گاڑی کا این او سی بنانا

3-اشتہاری مجرموں کی معلومات

4-قریب ترین پی ایس کی تلاش۔

اس کے علاوہ، ریاستی پولیس سٹیزن پورٹلز کے ذریعے فراہم کی جانے والی درج ذیل 9 لازمی شہری خدمات کو بھی ڈیجیٹل پولیس پورٹل کے ذریعے حاصل کیا جا سکتا ہے:

1-متعلقہ تھانے میں شکایات درج کرانا

2-شکایات کی حیثیت حاصل کرنا

3-ایف آئی آر کی کاپیاں حاصل کرنا

4-گرفتار شدہ افراد / مطلوب مجرموں کی تفصیلات

5-لاپتہ/ مغوی افراد کی تفصیلات

6-چوری شدہ/برآمد شدہ گاڑیوں، اسلحہ اور دیگر املاک کی تفصیلات

7-مختلف این او سی کے اجراء/ تجدید کے لیے درخواستیں جمع کرانا (جلوس، تقریب/ کارکردگی، احتجاج/ ہڑتال وغیرہ)

8-نوکروں، ملازمت، پاسپورٹ، بزرگ شہریوں کی رجسٹریشن وغیرہ کے لیے تصدیق کی درخواستیں۔

9-معلومات کے اشتراک اور شہریوں کو مطلوبہ فارم ڈاؤن لوڈ کرنے کے قابل بنانے کے لیے پورٹل

وزارت امورداخلہ  نے 30 اگست 2019 کو نیشنل سائبر کرائم رپورٹنگ پورٹل(این سی آرپی) ((https://cybercrime.gov.inبھی شروع کیا ہے جہاں شہری خواتین اور بچوں کے خلاف سائبر جرائم سمیت تمام قسم کے سائبر جرائم کے واقعات کی اطلاع دے سکتے ہیں۔ ملک بھر کے شہری مذکورہ پورٹلز کے ذریعے ان  شہریوں پرمرتکز خدمات تک رسائی حاصل کر سکتے ہیں۔ قانون نافذ کرنے والی ایجنسیوں اور ریاستی/مرکز کے زیرانتظام علاقوں کی  پولیس کے مجاز صارفین ایک محفوظ نیٹ ورک کا استعمال کرتے ہوئے کرائم اور کریمنل ڈیٹا بیس تک رسائی حاصل کر سکتے ہیں۔

 یہ بات داخلہ امور کے وزیر مملکت جناب اجے کمار مشرا نے راجیہ سبھا میں ایک سوال کے تحریری جواب میں کہی۔

***********

(ش ح ۔اک۔ع آ)

U -7879

(Release ID: 1945132) Visitor Counter : 122