نوجوانوں کے امور اور کھیلوں کی وزارت ملک بھر میں کھیلوں کے فروغ کے لیے مختلف اسکیمیں چلاتی ہے جو صنفی طور پر غیر جانبدار ہیں اور ملک میں خواتین اور پسماندہ کھلاڑیوں سمیت تمام طبقات کو یکساں طور پر شامل  کرتی ہیں۔ ان اسکیموں میں شامل ہیں: (i) کھیلو انڈیا اسکیم؛ (ii) قومی اسپورٹس فیڈریشنز (این ایس ایف) کے لیے امداد؛ (iii) بین الاقوامی کھیلوں کے مقابلوں میں جیتنے والوں اور ان کے کوچز کے لیے خصوصی ایوارڈ؛ (iv) نیشنل اسپورٹس ایوارڈز، شاندار کھلاڑیوں کو پنشن؛ (v) قومی کھیلوں کے ترقیاتی فنڈ؛ (vi) کھیلوں کے تربیتی مراکز اسپورٹس اتھارٹی آف انڈیا (ایس اے آئی) کے ذریعے چلائے جاتے ہیں۔ ان اسکیموں کی تفصیلات وزارت کی ویب سائٹ پر پبلک ڈومین میں دستیاب ہیں۔

کھیلو انڈیا اسکیم کے تحت، ’’خواتین کے لیے کھیل‘‘ کا ایک وقف ذیلی حصہ ہے جس میں ایسے کھیلوں کے مضامین پر زور دیا جاتا ہے جہاں خواتین کی شرکت کم ہے۔ اس جزو کے تحت، کھیلو انڈیا ویمنس لیگز کا انعقاد کیا جا رہا ہے، اور 14 کھیلوں کے شعبوں میں خواتین کھلاڑیوں کے لیے خصوصی مقابلوں کا انعقاد کیا گیا ہے جس میں کل 23,963 کھلاڑیوں نے شرکت کی ہے۔

معذور کھلاڑیوں کے درمیان کھیلوں کو فروغ دینے کے لیے، نیشنل سینٹر آف ایکسی لینس (این سی او ای) اسکیم کے تحت ایس اے آئی ریجنل سینٹر، گاندھی نگر میں پیرا اسپورٹس کے لیے ایک وقف مرکز قائم کیا گیا ہے۔ یہ مرکز ایتھلیٹکس، بیڈمنٹن، فینسنگ، تیراکی، پاور لفٹنگ اور ٹیبل ٹینس (پیرا اسپورٹس) کے ڈسپلنز میں کام کر رہا ہے۔ مزید یہ کہ تمام ایس اے آئی اسٹیڈیم اور تربیتی مراکز کو معذوروں کے لیے مختلف طریقے سے بنایا گیا ہے۔

فی الحال، پیرا اولمپک کمیٹی آف انڈیا (پی سی آئی)، آل انڈیا اسپورٹس کونسل فار ڈیف (اے آئی ایس سی ڈی) اور اسپیشل اولمپک بھارت (ایس او بی) کو کھلاڑیوں کی تربیت کے لیے مالی امداد فراہم کی جا رہی ہے، جس میں ان کی تیاریوں کے لیے ضروری سہولیات بھی شامل ہیں جن میں فوڈ سپلیمنٹس، سازوسامان کی مدد، جدید ترین بنیادی ڈھانچہ، رہائش، سفری سہولیات، معروف ہندوستانی اور غیر ملکی کوچز/ معاون عملہ کی خدمات، کھیلوں کی کٹ وغیرہ شامل ہیں۔

بیرون ملک تربیت اور این ایس ایف کی مدد کی اسکیم کے ذریعے ہندوستان اور بیرون ملک بین الاقوامی مقابلوں میں حصہ لینے کے لیے، سالانہ کیلنڈر برائے تربیت اور مقابلہ (اے سی ٹی سی) کے ذریعے ہر این ایس ایف کے لیے بجٹ منظور کیا جاتا ہے۔ گزشتہ 4 مالیاتی سالوں (ایف وائی) اور موجودہ سال کے دوران اے سی ٹی سی کے ذریعے پی سی آئی، اے آئی ایس سی ڈی اور ایس او بی کو فراہم کردہ فنڈز کی تفصیلات فراہم کی گئی ہیں۔

یہ جواب کھیل اور نوجوانوں کے امور کے وزیر جناب انوراگ سنگھ ٹھاکر نے آج لوک سبھا میں ایک سوال کے تحریری جواب میں دیا ۔

******

ش ح۔ ش ت۔ م ر

U-NO.7839

01.08.2023