కేంద్ర మంత్రిత్వ శాఖలు, రాష్ట్ర ప్రభుత్వాలు / కేంద్రపాలిత ప్రాంతాల పాలనా యంత్రాంగాలు , పరిశ్రమ వాటాదారుల నుండి వచ్చిన సూచనలతో పర్యాటక మంత్రిత్వ శాఖ జాతీయ పర్యాటక విధానాన్ని రూపొందించింది.

ఈ విధానం కీలక వ్యూహాత్మక లక్ష్యాలు:

 

i. సందర్శన, బస , వ్యయాన్ని పెంచడం ద్వారా , భారతదేశాన్ని ఏడాది పొడవునా పర్యాటక కేంద్రంగా మార్చడం ద్వారా భారత ఆర్థిక వ్యవస్థలో పర్యాటకం వాటా ను పెంపొందించడం,

 

ii. పర్యాటక రంగంలో ఉద్యోగాలు, ఔత్సాహిక పారిశ్రామికవేత్తల అవకాశాలను సృష్టించడం, నైపుణ్యం కలిగిన శ్రామిక శక్తి అందించడం

 

 iii. పర్యాటక రంగంలో పోటీతత్వాన్ని పెంపొందించడం, ప్రైవేటు రంగ పెట్టుబడులను ఆకర్షించడం

 

iv. దేశంలోని సాంస్కృతిక, సహజ వనరులను పరిరక్షించడం, పెంపొందించడం,

 

v.  దేశంలో పర్యాటక రంగం సుస్థిర, బాధ్యతాయుతమైన, సమ్మిళిత అభివృద్ధిని నిర్ధారించడం.

 

భారత ప్రభుత్వ పర్యాటక మంత్రిత్వ శాఖ భారతదేశం అంతటా విస్తరించి ఉన్న వారసత్వ / సహజ / పర్యాటక ప్రదేశాలలో పర్యాటక సౌకర్యాలను ప్రణాళికాబద్ధంగా , దశలవారీగా అభివృద్ధి చేయడానికి "అడాప్ట్ ఎ హెరిటేజ్: అప్నీ ధరోహర్, అప్నీ పెహ్చాన్" ప్రాజెక్టును ప్రారంభించింది.

 

ప్రభుత్వ రంగం, ప్రైవేటు రంగం, ట్రస్టులు, ఎన్జీవోలు, వ్యక్తులు , ఇతర భాగస్వాములకు చెందిన కంపెనీలను ' మాన్యుమెంట్ మిత్రలు'గా మార్చడానికి ప్రోత్సహించడం , సిఎస్ఆర్ , ఇతర నిధుల కింద స్థిరమైన పెట్టుబడి నమూనా పరంగా వారి ఆసక్తి , పరిధికి అనుగుణంగా ఈ ప్రదేశాలలో ప్రాథమిక, అధునాతన పర్యాటక సౌకర్యాలను అభివృద్ధి చేయడం అప్ గ్రేడ్ చేసే బాధ్యతను తీసుకోవడం ఈ ప్రాజెక్టు లక్ష్యం.

 

పర్యాటకాన్ని ఒక లక్ష్య విధానం లో ప్రోత్సహించడానికి , ప్రభుత్వ నిర్ణయానికి అనుగుణంగా, పర్యాటక మంత్రిత్వ శాఖ 2023 మార్చి 28-29 తేదీలలో న్యూఢిల్లీలో 'మిషన్ మోడ్ లో పర్యాటకం: కన్వర్జెన్స్ అండ్ పబ్లిక్ ప్రైవేట్ భాగస్వామ్యం' అనే ఇతివృత్తం పై రెండు రోజుల చింతన్ శిబిరాన్ని నిర్వహించింది. పర్యాటక, ఆతిథ్య రంగంలో పెట్టుబడులు, ప్రభుత్వ ప్రైవేటు భాగస్వామ్యం పెంచేందుకు పర్యాటక మంత్రిత్వ శాఖ స్టీరింగ్ కమిటీని ఏర్పాటు చేసింది. ఈ కమిటీలో కీలక మంత్రిత్వ శాఖలు, పారిశ్రామిక సంఘాలు (సిఐఐ, ఫిక్కీ, హెచ్ఏఐ, హెచ్ హెచ్ ఎ ఐ), ఇన్వెస్ట్ ఇండియా నుంచి ప్రాతినిధ్యం ఉంది.

 

స్వదేశ్ దర్శన్ 2.0 మార్గదర్శకాల్లో ప్రైవేటు రంగం, ప్రభుత్వ-ప్రైవేటు భాగస్వామ్యానికి అవకాశాల కోసం రాష్ట్రాలను ప్రోత్సహిస్తారు. ప్రషాద్ పథకంలో భాగంగా ప్రాజెక్టు కింద సృష్టించిన / సృష్టించాల్సిన సౌకర్యాల నిర్వహణలో మాత్రమే పీపీపీ విధానాన్ని ఉపయోగిస్తారు. టూరిజం మంత్రిత్వ శాఖ ట్రావెల్ ఫర్ ఎల్ఐఎఫ్ఇ చొరవ ను ప్రారంభించింది. టూరిజం వనరుల వినియోగంలో పర్యాటకులు, పర్యాటక వ్యాపారాల పట్ల బుద్ధిపూర్వక, ఉద్దేశపూర్వక చర్యల ద్వారా దేశంలో సుస్థిర పర్యాటకాన్ని ప్రోత్సహించాలని ట్రావెల్ ఫర్ ఎల్ఐఎఫ్ఇ లక్ష్యంగా పెట్టుకుంది.

 

దేశపు గొప్ప వారసత్వం , సంస్కృతి గురించి పౌరులలో అవగాహన కల్పించడానికి, పౌరులలో జాతీయ గర్వం అనుబంధం భావాలను సృష్టించడానికి,  దేశంలో విస్తృతంగా ప్రయాణించేలా పౌరులను ప్రోత్సహించడానికి, పర్యాటకుల సంఖ్యను పెంచడానికి, స్థానికంగా ఆదాయాన్ని, ఉద్యోగాలను పెంచడానికి పర్యాటక మంత్రిత్వ శాఖ దేఖో అప్నా దేశ్ చొరవ కింద వెబినార్ లను నిర్వహిస్తోంది. దేశంలోని చరిత్ర, వారసత్వం, పర్యాటక ఉత్పత్తులు, గమ్యస్థానాలపై విద్యార్థులకు అవగాహన కల్పించేందుకు యువ టూరిజం క్లబ్ లు, ఐహెచ్ ఎంలు, ఐఐటీటీఎంలు, పాఠశాలల్లో క్విజ్ కార్యక్రమాలు, వ్యాసరచన, పోస్టర్ తయారీ పోటీలను కూడా మంత్రిత్వ శాఖ తన ప్రాంతీయ కార్యాలయాల ద్వారా నిర్వహించింది.

 

పర్యాటక రంగంలో విదేశీ పెట్టుబడులను ఆకర్షించడానికి, వర్తించే నిబంధనలు చట్టాలకు లోబడి భారతదేశంలో పర్యాటక,  ఆతిథ్య పరిశ్రమలో ఆటోమేటిక్ మార్గంలో 100% విదేశీ ప్రత్యక్ష పెట్టుబడులను (ఎఫ్ డి ఐ ) అనుమతిస్తారు. హోటళ్లు, రిసార్టులు, వినోద సౌకర్యాల అభివృద్ధి సహా పర్యాటక నిర్మాణ ప్రాజెక్టుల్లో 100 శాతం

ఎఫ్ డీఐ లను అనుమతిస్తారు.

 

కేంద్ర సాంస్కృతిక, పర్యాటక, ఈశాన్య ప్రాంత అభివృద్ధి శాఖ మంత్రి జి.కిషన్ రెడ్డి లోక్ సభలో లిఖితపూర్వక సమాధానం లో ఈ వివరాలు తెలిపారు.

 

***

(Release ID: 1944488) Visitor Counter : 135