ਜੀ20 ਐਮਪਾਵਰ ਸਮਿਟ 1 ਅਗਸਤ, 2023 ਨੂੰ ਗਾਂਧੀਨਗਰ, ਗੁਜਰਾਤ ਵਿੱਚ ਮਹਾਤਮਾ ਮੰਦਿਰ ਵਿੱਚ ਹੋਵੇਗੀ। ਇਹ ਸਮਿਟ, "ਮਹਿਲਾਵਾਂ ਦੀ ਅਗਵਾਈ ਵਾਲਾ ਵਿਕਾਸ: ਇੱਕ ਟਿਕਾਊ, ਸਮਾਵੇਸ਼ੀ ਅਤੇ ਬਰਾਬਰ ਆਲਮੀ ਆਰਥਿਕ ਵਿਕਾਸ ਨੂੰ ਯਕੀਨੀ ਬਣਾਉਣਾ" ਥੀਮ ‘ਤੇ ਆਯੋਜਿਤ ਕੀਤੀ ਗਈ ਹੈ, ਜਿਸ ਵਿੱਚ ਬਹੁਤ ਸਾਰੇ ਗਲੋਬਲ ਮਾਹਿਰਾਂ, ਨੀਤੀ ਨਿਰਮਾਤਾਵਾਂ ਅਤੇ ਹਿਤਧਾਰਕਾਂ ਤੋਂ ਇਲਾਵਾ ਜੀ20 ਦੇਸ਼ਾਂ, ਬੁਲਾਏ ਗਏ ਮਹਿਮਾਨ ਦੇਸ਼ਾਂ ਅਤੇ ਅੰਤਰਰਾਸ਼ਟਰੀ ਸੰਸਥਾਵਾਂ ਦੇ ਪ੍ਰਤੀਨਿਧਾਂ ਦੀ ਭਾਗੀਦਾਰੀ ਹੋਵੇਗੀ।

ਮਹਿਲਾ ਅਤੇ ਬਾਲ ਵਿਕਾਸ ਮੰਤਰਾਲਾ ਸਸ਼ਕਤੀਕਰਨ (EMPOWER) ਲਈ ਨੋਡਲ ਮੰਤਰਾਲਾ ਹੈ ਜੋ ਕਿ ਔਰਤਾਂ ਦੇ ਸਸ਼ਕਤੀਕਰਨ ਅਤੇ ਆਰਥਿਕ ਤਰੱਕੀ ਲਈ ਜੀ20 ਗਠਜੋੜ ਹੈ। ਇਹ ਸ਼ੇਰਪਾ ਟਰੈਕ ਦੇ ਅਧੀਨ ਇੱਕ ਪ੍ਰਾਈਵੇਟ ਸੈਕਟਰ ਦੀ ਅਗਵਾਈ ਵਾਲੀ ਪਹਿਲ ਹੈ ਜਿਸਦਾ ਉਦੇਸ਼ ਜੀ20 ਦੇਸ਼ਾਂ ਵਿੱਚ ਪ੍ਰਾਈਵੇਟ ਸੈਕਟਰ ਵਿੱਚ ਔਰਤਾਂ ਦੀ ਅਗਵਾਈ ਅਤੇ ਸਸ਼ਕਤੀਕਰਨ ਨੂੰ ਗਤੀ ਦੇਣਾ ਹੈ।

ਜੀ20 ਐਮਪਾਵਰ 2023 ਦੇ ਤਹਿਤ, ਭਾਰਤ ਵਿੱਚ ਦੋ ਅੰਤਰਰਾਸ਼ਟਰੀ ਪੱਧਰ ਦੀਆਂ ਮੀਟਿੰਗਾਂ ਫਰਵਰੀ ਅਤੇ ਅਪ੍ਰੈਲ 2023 ਦੇ ਮਹੀਨਿਆਂ ਵਿੱਚ ਔਰਤਾਂ ਅਤੇ ਬਾਲ ਵਿਕਾਸ ਮੰਤਰਾਲੇ ਦੇ ਸਰਗਰਮ ਸਮਰਥਨ ਨਾਲ ਕੀਤੀਆਂ ਗਈਆਂ ਹਨ, ਜੋ ਉਨ੍ਹਾਂ ਨਤੀਜਿਆਂ ਲਈ ਹਨ ਜੋ ਐਮਪਾਵਰ ਕਮਿਊਨੀਕ ਵਿੱਚ ਪ੍ਰਤੀਬਿੰਬਤ ਹੋਣਗੇ। ਸਿਖਰ ਸੰਮੇਲਨ ਦੀ ਬੈਠਕ 1-2 ਅਗਸਤ, 2023 ਨੂੰ ਗਾਂਧੀਨਗਰ ਵਿੱਚ ਹੋਣੀ ਹੈ। ਇਨ੍ਹਾਂ ਮੀਟਿੰਗਾਂ ਵਿੱਚ ਥੀਮੈਟਿਕ ਚਰਚਾ ਅਤੇ ਵਿਚਾਰ-ਵਟਾਂਦਰੇ ਜੀ20 ਐਮਪਾਵਰ ਦੇ ਕਮਿਊਨੀਕ ਵਿੱਚ ਪ੍ਰਤੀਬਿੰਬਤ ਹੋਣਗੇ ਅਤੇ ਜੀ20 ਲੀਡਰਾਂ ਨੂੰ ਸਿਫ਼ਾਰਿਸ਼ਾਂ ਵਜੋਂ ਪ੍ਰਦਾਨ ਕੀਤੇ ਜਾਣਗੇ।

ਜੀ20 ਨੂੰ ਭਾਰਤ ਦੇ ਲੋਕਾਂ ਤੱਕ ਲਿਜਾਣ ਲਈ, ਜਨ ਭਾਗੀਦਾਰੀ (ਸਿਟੀਜ਼ਨਜ਼ ਕਨੈਕਟ ਪ੍ਰੋਗਰਾਮ) ਦੇ ਤਹਿਤ, ਜੀ20 ਐਮਪਾਵਰ 2023 ਔਰਤਾਂ ਦੀ ਆਰਥਿਕ ਪ੍ਰਤੀਨਿਧਤਾ ਦੇ ਸਸ਼ਕਤੀਕਰਨ ਅਤੇ ਪ੍ਰਗਤੀ ਨਾਲ ਜੁੜੇ ਵਿਭਿੰਨ ਵਿਸ਼ਿਆਂ 'ਤੇ ਰਾਸ਼ਟਰੀ ਪੱਧਰ 'ਤੇ ਵੱਖੋ-ਵੱਖ ਸਮਾਗਮਾਂ ਦਾ ਆਯੋਜਨ ਵੀ ਕਰ ਰਿਹਾ ਹੈ। 

ਕੇਂਦਰੀ ਮਹਿਲਾ ਅਤੇ ਬਾਲ ਵਿਕਾਸ ਅਤੇ ਘੱਟ ਗਿਣਤੀ ਮਾਮਲੇ ਮੰਤਰੀ, ਭਾਰਤ ਸਰਕਾਰ, ਸ਼੍ਰੀਮਤੀ ਸਮ੍ਰਿਤੀ ਜ਼ੁਬਿਨ ਇਰਾਨੀ ਸੰਮੇਲਨ ਦਾ ਉਦਘਾਟਨ ਕਰਨਗੇ। ਉਦਘਾਟਨੀ ਸੈਸ਼ਨ ਜੀ20 ਐਮਪਾਵਰ ਏਜੰਡੇ ਦੇ ਤਹਿਤ ਇਸ ਸਾਲ ਦੇ ਮੁੱਖ ਨਤੀਜਿਆਂ ਦੀ ਸ਼ੁਰੂਆਤ ਵੀ ਦੇਖੇਗਾ, ਜਿਸ ਵਿੱਚ ਜੀ20 ਐਮਪਾਵਰ ਟੈੱਕ ਇਕੁਇਟੀ ਡਿਜੀਟਲ ਇਨਕਲੂਜ਼ਨ ਪਲੇਟਫਾਰਮ, ਬੈਸਟ ਪ੍ਰੈਕਟਿਸ ਪਲੇਬੁੱਕ, ਕੇਪੀਆਈ ਡੈਸ਼ਬੋਰਡ ਅਤੇ ਜੀ20 ਐਮਪਾਵਰ ਕਮਿਊਨੀਕ 2023 ਨੂੰ ਅਪਨਾਉਣਾ ਸ਼ਾਮਲ ਹੈ।

ਟੈੱਕ ਇਕੁਇਟੀ ਇੱਕ ਏਗਰੀਗੇਟਰ ਪਲੇਟਫਾਰਮ ਹੈ ਜਿਸਦਾ ਉਦੇਸ਼ ਔਰਤਾਂ ਨੂੰ ਡਿਜੀਟਲ ਹੁਨਰ ਅਤੇ ਗਿਆਨ ਪ੍ਰਦਾਨ ਕਰਕੇ ਲਿੰਗ ਡਿਜੀਟਲ ਪਾੜੇ ਨੂੰ ਪੂਰਾ ਕਰਨਾ ਹੈ ਜਿਸਦੀ ਉਨ੍ਹਾਂ ਨੂੰ ਅੱਜ ਦੀ ਟੈਕਨੋਲੋਜੀ-ਸੰਚਾਲਿਤ ਦੁਨੀਆ ਵਿੱਚ ਪ੍ਰਫੁੱਲਤ ਕਰਨ ਦੀ ਲੋੜ ਹੈ। ਇਸ ਨੂੰ ਭਾਰਤ ਸਰਕਾਰ ਦੇ ਮਹਿਲਾ ਅਤੇ ਬਾਲ ਵਿਕਾਸ ਮੰਤਰਾਲੇ ਦੇ ਸਹਿਯੋਗ ਨਾਲ ਵਿਕਸਿਤ ਕੀਤਾ ਗਿਆ ਹੈ। 120 ਤੋਂ ਵੱਧ ਭਾਸ਼ਾਵਾਂ ਵਿੱਚ ਉਪਲਬਧ, ਇਹ ਪਲੇਟਫਾਰਮ ਹੁਣ ਜੀ20 ਦੇਸ਼ਾਂ ਦੀਆਂ ਲੜਕੀਆਂ ਅਤੇ ਔਰਤਾਂ ਲਈ ਉਨ੍ਹਾਂ ਦੇ ਕਰੀਅਰ ਦੇ ਵਿਕਾਸ ਨੂੰ ਗਤੀ ਦੇਣ ਲਈ ਡਿਜੀਟਲ ਹੁਨਰ ਅਤੇ ਅਪ-ਸਕਿਲਿੰਗ ਕੋਰਸ ਸ਼ੁਰੂ ਕਰਨ ਲਈ ਰਜਿਸਟ੍ਰੇਸ਼ਨ ਲਈ ਖੁੱਲ੍ਹਾ ਹੈ। 

ਇਸ ਤੋਂ ਇਲਾਵਾ, ਭਾਰਤ ਦੇ ਮਹਿਲਾ ਅਤੇ ਬਾਲ ਵਿਕਾਸ ਅਤੇ ਆਯੂਸ਼ ਰਾਜ ਮੰਤਰੀ ਡਾਕਟਰ ਮੁੰਜਪਾਰਾ ਮਹਿੰਦਰਭਾਈ; ਸ਼੍ਰੀ ਇੰਦੀਵਰ ਪਾਂਡੇ, ਸਕੱਤਰ, ਮਹਿਲਾ ਅਤੇ ਬਾਲ ਵਿਕਾਸ ਮੰਤਰਾਲੇ, ਭਾਰਤ; ਸੁਸ਼੍ਰੀ ਲਕਸ਼ਮੀ ਸ਼ਿਆਮ ਸੁੰਦਰ, ਵਾਈਸ-ਪ੍ਰੈਜ਼ੀਡੈਂਟ, ਵਰਲਡ ਬੈਂਕ; ਸੰਯੁਕਤ ਰਾਸ਼ਟਰ ਮਹਿਲਾ (UN Women) ਦੀ ਕਾਰਜਕਾਰੀ ਡਾਇਰੈਕਟਰ ਸੁਸ਼੍ਰੀ ਸੀਮਾ ਬਾਹੌਸ ਸਮੇਤ ਬਹੁਤ ਸਾਰੇ ਸਨਮਾਨਿਤ ਬੁਲਾਰੇ ਉਦਘਾਟਨੀ ਸੈਸ਼ਨ ਨੂੰ ਸੰਬੋਧਨ ਕਰਨਗੇ। 

ਜੀ20 ਐਮਪਾਵਰ ਦੀ ਚੇਅਰਪ੍ਰਸਨ, ਡਾ. ਸੰਗੀਤਾ ਰੈੱਡੀ, ਭਾਰਤ ਦੀ ਪ੍ਰੈਜ਼ੀਡੈਂਸੀ ਦੇ ਅਧੀਨ ਐਮਪਾਵਰ ਦੀ ਯਾਤਰਾ ਅਤੇ ਪ੍ਰਾਪਤ ਕੀਤੇ ਠੋਸ ਨਤੀਜਿਆਂ ਬਾਰੇ ਵਿਸਤਾਰ ਨਾਲ ਦੱਸਣਗੇ।

ਇਸ ਸੰਮੇਲਨ ਵਿੱਚ ਸੈਸ਼ਨਾਂ ਦੀ ਇੱਕ ਲੜੀ ਹੋਵੇਗੀ, ਜਿਨ੍ਹਾਂ ਵਿੱਚ ਹਰੇਕ ਸੈਸ਼ਨ ਮਹਿਲਾ ਸਸ਼ਕਤੀਕਰਨ ਦੇ ਵਿਭਿੰਨ ਪਹਿਲੂਆਂ 'ਤੇ ਕੇਂਦਰਿਤ ਹੋਵੇਗਾ। ਸੈਸ਼ਨ "ਲੀਡਿੰਗ ਦ ਚੇਂਜ: ਵੂਮੈਨ ਰੀਡਿਫਾਈਨਿੰਗ ਲੀਡਰਸ਼ਿਪ" ਵਿੱਚ, ਲੀਡਰਸ਼ਿਪ ਦੇ ਅਹੁਦਿਆਂ 'ਤੇ ਔਰਤਾਂ ਦੀ ਪਰਿਵਰਤਨਸ਼ੀਲ ਭੂਮਿਕਾ ਅਤੇ ਉਹ ਲੀਡਰਸ਼ਿਪ ਦੇ ਨਿਯਮਾਂ ਅਤੇ ਉਮੀਦਾਂ ਨੂੰ ਕਿਵੇਂ ਮੁੜ ਪਰਿਭਾਸ਼ਿਤ ਕਰਦੀਆਂ ਹਨ, ਬਾਰੇ ਵਿਚਾਰ ਕੀਤਾ ਜਾਵੇਗਾ। "ਔਰਤਾਂ ਲਈ ਵਿੱਤੀ ਸਮਾਨਤਾ ਨੂੰ ਅੱਗੇ ਵਧਾਉਣ ਲਈ ਡਿਜੀਟਲ ਪਬਲਿਕ ਬੁਨਿਆਦੀ ਢਾਂਚੇ ਦਾ ਲਾਭ" ਡਿਜੀਟਲ ਪਬਲਿਕ ਇਨਫ੍ਰਾਸਟ੍ਰਕਚਰ (ਡੀਪੀਆਈ) ਦੇ ਵਿਭਿੰਨ ਹਿੱਸਿਆਂ ਨੂੰ ਵਿਕਸਿਤ ਕਰਨ ਅਤੇ ਲਾਗੂ ਕਰਨ ਵਿੱਚ ਦੇਸ਼ ਦੇ ਤਜ਼ਰਬਿਆਂ ਨੂੰ ਉਜਾਗਰ ਕਰੇਗਾ। "ਕਲੋਜ਼ਿੰਗ ਦ ਗੈਪ: ਅਚੀਵਿੰਗ ਟੈੱਕ ਇਕੁਇਟੀ ਫਾਰ ਵੂਮੈਨ" ਵਿਸ਼ੇ 'ਤੇ ਸੈਸ਼ਨ ਮੌਜੂਦਾ ਪਾੜੇ ਨੂੰ ਪੂਰਾ ਕਰਨ ਅਤੇ ਹੋਰ ਔਰਤਾਂ ਨੂੰ ਟੈਕਨੋਲੋਜੀ ਦੇ ਖੇਤਰ ਵਿੱਚ ਲਿਆਉਣ ਦੇ ਤਰੀਕਿਆਂ ਬਾਰੇ ਚਰਚਾ ਕਰੇਗਾ ਅਤੇ ਟੈੱਕ ਇਕੁਇਟੀ ਪਲੇਟਫਾਰਮ ਦਾ ਪ੍ਰਦਰਸ਼ਨ ਕਰੇਗਾ। "ਸ਼ੀ-ਪ੍ਰੀਨੀਅਰਜ਼: ਔਰਤਾਂ ਦੀ ਅਗਵਾਈ ਵਾਲੇ ਉੱਦਮਾਂ ਦੀ ਸ਼ਕਤੀ ਦਾ ਇਸਤੇਮਾਲ ਕਰਨਾ" ਸੈਸ਼ਨ ਔਰਤਾਂ ਦੀ ਅਗਵਾਈ ਵਾਲੇ ਉਦਯੋਗਾਂ ਦੁਆਰਾ ਦਰਪੇਸ਼ ਰੁਕਾਵਟਾਂ ‘ਤੇ ਕਾਬੂ ਪਾਉਣ ਅਤੇ ਰੂੜ੍ਹੀਵਾਦੀ ਧਾਰਨਾਵਾਂ ਨੂੰ ਤੋੜਨ 'ਤੇ ਧਿਆਨ ਕੇਂਦਰਿਤ ਕਰੇਗਾ। "ਲੀਡਰਸ਼ਿਪ ਅਨਪਲੱਗਡ: ਐਸਪਾਇਰਿੰਗ ਸਟੋਰੀਜ਼ ਬਾਏ ਇੰਸਪੀਰੇਸ਼ਨਲ ਲੀਡਰਸ (ਪ੍ਰੇਰਣਾਦਾਇਕ ਨੇਤਾਵਾਂ ਦੁਆਰਾ ਪ੍ਰੇਰਨਾਦਾਇਕ ਕਹਾਣੀਆਂ)” ਵਿਸ਼ੇ 'ਤੇ ਸੈਸ਼ਨ ਵਿਭਿੰਨ ਖੇਤਰਾਂ ਦੀਆਂ ਮਹਿਲਾ ਲੀਡਰਾਂ ਦੀਆਂ ਪ੍ਰੇਰਣਾਦਾਇਕ ਕਹਾਣੀਆਂ ਨੂੰ ਸਾਹਮਣੇ ਲਿਆਏਗਾ। ਇਹ ਲੀਡਰ ਆਪਣੇ ਤਜ਼ਰਬੇ, ਪਹਿਲਾਂ ਅਤੇ ਆਪਣੇ ਲਗਨ ਦੀਆਂ ਕਹਾਣੀਆਂ ਸਾਂਝੀਆਂ ਕਰਨਗੇ।

ਆਗਰਾ ਵਿੱਚ ਐਮਪਾਵਰ ਇੰਸੈਪਸ਼ਨ ਮੀਟਿੰਗ ਵਿੱਚ ਕੇਂਦਰੀ ਮੰਤਰੀ ਸ਼੍ਰੀਮਤੀ ਸਮ੍ਰਿਤੀ ਜ਼ੁਬਿਨ ਇਰਾਨੀ ਦੇ ਸੰਬੋਧਨ ਨੂੰ ਯਾਦ ਕਰਦਿਆਂ, ਮੰਤਰੀ ਨੇ ਸਾਰਿਆਂ ਲਈ ਬਿਹਤਰ ਭਵਿੱਖ ਯਕੀਨੀ ਬਣਾਉਣ ਲਈ ਔਰਤਾਂ ਨੂੰ ਫੈਸਲੇ ਲੈਣ ਦੇ ਕੇਂਦਰ ਵਿੱਚ ਰੱਖਣ ਦੀ ਮਹੱਤਤਾ 'ਤੇ ਜ਼ੋਰ ਦਿੱਤਾ। 

ਇਹ ਸਮਾਗਮ ਭਾਰਤ ਦੀ ਜੀ20 ਪ੍ਰੈਜ਼ੀਡੈਂਸੀ ਦੌਰਾਨ ਸਸ਼ਕਤੀਕਰਨ ਏਜੰਡੇ ਦੇ ਤਹਿਤ ਕੀਤੇ ਗਏ ਕਈ ਅੰਤਰਰਾਸ਼ਟਰੀ ਰੁਝੇਵਿਆਂ ਅਤੇ ਵਿਚਾਰ-ਵਟਾਂਦਰੇ ਦੀ ਸਮਾਪਤੀ ਨੂੰ ਦਰਸਾਉਂਦਾ ਹੈ, ਜਿਸ ਵਿੱਚ ਠੋਸ ਨਤੀਜਿਆਂ ਦੀ ਘੋਸ਼ਣਾ, ਲਿੰਗ ਸਮਾਨਤਾ ਨੂੰ ਪ੍ਰਾਪਤ ਕਰਨ ਲਈ ਪ੍ਰਾਈਵੇਟ ਸੈਕਟਰ ਦੇ ਯੋਗਦਾਨ ਨੂੰ ਮਜ਼ਬੂਤ ​​ਕਰਨ ਦਾ ਵਾਅਦਾ, ਅਤੇ ਜੀ20 ਨੇਤਾਵਾਂ ਲਈ ਪ੍ਰਾਈਵੇਟ ਸੈਕਟਰ ਦੇ ਨੇਤਾਵਾਂ ਅਤੇ ਸਰਕਾਰ ਲਈ ਮੁੱਖ ਸਿਫ਼ਾਰਸ਼ਾਂ 'ਤੇ ਵਿਚਾਰ ਕਰਨ ਦੇ ਨਾਲ, ਮੁੱਖ ਸਿਫ਼ਾਰਸ਼ਾਂ ਸ਼ਾਮਲ ਕੀਤੀਆਂ ਜਾਣਗੀਆਂ।

ਆਉਣ ਵਾਲੇ ਡੈਲੀਗੇਟਾਂ ਲਈ ਗੁਜਰਾਤ ਰਾਜ ਦੇ ਜੀਵੰਤ ਸੱਭਿਆਚਾਰ, ਪਕਵਾਨਾਂ ਅਤੇ ਸੈਲਾਨੀ ਆਕਰਸ਼ਣਾਂ ਦਾ ਅਨੁਭਵ ਕਰਨ ਲਈ ਵਿਸ਼ੇਸ਼ ਪ੍ਰਬੰਧ ਵੀ ਕੀਤੇ ਜਾ ਰਹੇ ਹਨ।

ਇਹ ਸਮਿਟ 2 ਅਗਸਤ, 2023 ਨੂੰ ਮਹਿਲਾ ਸਸ਼ਕਤੀਕਰਨ 'ਤੇ ਜੀ20 ਮੰਤਰੀ ਪੱਧਰੀ ਕਾਨਫਰੰਸ ਤੋਂ ਠੀਕ ਪਹਿਲਾਂ ਸਮਾਪਤ ਹੋਵੇਗੀ।

ਜੀ20 ਐਮਪਾਵਰ ਸਮਿਟ ਇੱਕ ਇਤਿਹਾਸਕ ਘਟਨਾ ਹੈ ਜੋ ਗਲੋਬਲ ਆਰਥਿਕ ਵਿਕਾਸ ਨੂੰ ਚਲਾਉਣ ਵਿੱਚ ਔਰਤਾਂ ਦੀ ਅਹਿਮ ਭੂਮਿਕਾ ਨੂੰ ਰੇਖਾਂਕਿਤ ਕਰਦੀ ਹੈ ਅਤੇ ਇੱਕ ਵਧੇਰੇ ਸਮਾਵੇਸ਼ੀ ਅਤੇ ਬਰਾਬਰੀ ਵਾਲੀ ਦੁਨੀਆ ਬਣਾਉਣ ਵਿੱਚ ਮਦਦ ਕਰੇਗੀ। 

 ********

ਐੱਸਐੱਸ/ਏਕੇ