انٹرنیشنل یونین فار کنزرویشن آف نیچر اینڈ نیچرل ریسورسز(آئی یو سی این)، محفوظ علاقوں سے متعلق عالمی کمیشن کے فریم ورک سے اپنایا گیا، انتظامی اثر انگیزی کا تخمینہ (ایم ای ای) ٹائیگر ریزرو اور ان سے منسلک انتظامی نقطہ نظر میں مدد اور بہتری کے لیے سب سے اہم ٹول کے طور پر سامنے آیا ہے۔ ہندوستان میں ٹائیگر ریزرو دنیا کے بہترین تحفظ کے نمونوں میں سے ایک ہیں، جو حیاتیاتی تنوع کے تحفظ اور انسانوں کی بھلائی کے لیے رہائش فراہم کرتے ہیں۔ وہ فطرت پر مبنی سیاحت کے لیے اہم مقامات بھی ہیں۔ 2006 میں اپنے آغاز کے بعد سے، نیشنل ٹائیگر کنزرویشن اتھارٹی(این ٹی سی اے)اور وائلڈ لائف انسٹی ٹیوٹ آف انڈیا  (ڈبلیو آئی آئی)کے ذریعہ مشترکہ طور پر منعقد کیے جارہے ایم ای ای نے قومی شیروں کے تحفظ کی کوششوں کےکامیاب تخمینہ  کی راہ ہموار کی ہے۔

ہندوستان دنیا کا واحد ملک ہے جس نے ملک میں ٹائیگر ریزرو کے ایم ای ای کے پانچ سائیکل کو ادارہ جاتی اور مؤثر طریقے سے مکمل کیا ہے۔ اس نے 18 ریاستوں میں پھیلے ہوئے 53 ٹائیگر ریزرو کے ایک نیٹ ورک کا اعلان کیا ہے جس کا رقبہ 75,796.83 مربع کلومیٹر ہے۔ ان میں سے، 2022 میں ٹائیگر ریزرو کے ایم ای ای کے پانچویں  سائیکل میں ایم ای ای عمل کے ذریعہ کل 51 ٹائیگر ریزرو کا آزادانہ طور پر جائزہ لیا گیا ہے۔ ملک کے 51 ٹائیگر ریزرو کا جائزہ لینے کے لیے دس آزاد علاقائی ماہرین کی کمیٹیاں (آر ای سی)تشکیل دی گئیں اور اور پانچ شیروں کے منظرناموں کے 10 مختلف گروپوں میں تعینات کیا گیا۔  ملک کے 51 ٹائیگر ریزرو کا جائزہ لیں۔ ہر ٹیم میں ایک چیئرپرسن اور 2-3 ممبران (ریٹائرڈ آئی ایف ایس  افسران جو جنگلی حیات کے انتظام کے شعبے، خاص طور پر ٹائیگر ریزرو/محفوظ علاقے کے انتظام میں تجربہ رکھتے ہیں) پر مشتمل تھے۔ اس کے علاوہ، وائلڈ لائف انسٹی ٹیوٹ آف انڈیا  (ڈبلیو آئی آئی)کے ایک فیکلٹی ممبر نے مشق کو انجام دینے میں تکنیکی مدد فراہم کی۔ مشق کے ایک حصے کے طور پر، آزاد ماہرین کی ٹیموں نے تمام 51 ٹائیگر ریزرو کا دورہ کیا تاکہ مقررہ تشخیصی معیار کے مطابق ایم ای ای کا انعقاد کیا جا سکے اور فیلڈ ڈائریکٹروں کے ذریعہ جمع کرائے گئے معاون دستاویزات کی کراس چیکنگ کے بعد ایم ای ای سکور کارڈ مکمل کیا۔

ملک کے متنوع ٹائیگر ریزرو کے تجزیے میں یکسانیت لانے اور کیے جانے والے جائزوں کے حوالے سے جائزہ لینے والوں کی رہنمائی کے لیے، تکنیکی کتابچہ میں ماضی کے چکروں سے معیار کو قدرے بہتر کیا گیا ہے۔ ایم ای ای فریم ورک کے چھ عناصر میں سے ہر ایک کے جائزے کے لیے، ہندوستان میں ٹائیگر ریزرو کے ایم ای ای کے لیے 33 معیار تیار کیے گئے ہیں۔ ایک تفصیلی میٹرکس تیار کیا گیا تھا اور اسے جائزے کے ایک حصے کے طور پر شامل کیا گیا تھا تاکہ مختلف معیارات/اشاریے کو الگ الگ اہمیت دینے کے کے بعد اسکورنگ کو مزید بامقصد بنایا جا سکے۔

51 ٹائیگر ریزرو میں سے ہر ایک کے لیے تمام 33 'معیارات/اشاریے' کے اسکور اکٹھے کیے گئے تھے اور ہر ٹائیگر ریزرو کے فیصد کی درجہ بندی کا جائزہ لیا گیا تھا۔ اس تشریح نے زیادہ سے زیادہ ممکنہ اسکور کے فیصد کی بنیاد پر نتائج کی چار زمروں میں درجہ بندی کی گئی: 50-59 فیصد کو 'اطمینان بخش 'قرار دیا گیا؛ 60-74 فیصد کو 'اچھا' قرار دیا گیا؛ 75-89 فیصد کو 'بہت اچھا' اور >= 90فیصد کو "بہترین" کا درجہ دیا گیا۔ ان زمروں میں معمولی ترمیم اور زمرہ "بہترین" کا تعارف ایم ای ای کے 5 ویں سائیکل کے دوران ٹائیگر ریزرو کی طرف سے کی گئی خاطر خواہ بہتری (اعلیٰ سکور یعنی >= 90فیصد) کو ایڈجسٹ کرنے کے لیے کیا گیا تھا۔ اس بات کا خیال رکھا گیا کہ یہ زمرہ جات ایم ای ای کے پچھلے سائیکلوں کے ساتھ موازنہ کر سکیں، یعنی پچھلے سائیکلوں کی بہت اچھے زمرے کو دو زمروں میں تقسیم کیا گیا، یعنی اس سائیکل میں بہت اچھا اور بہترین زمرے شامل تھے ۔

2022 میں ٹائیگر ریزرو کے ایم ای ای کے پانچویں سائیکل کے نتائج 51 ٹائیگر ریزرو کے لیے 78.01فیصد(50فیصد سے 94فیصد کے درمیان) کے مجموعی اوسط اسکور کی نشاندہی کرتے ہیں۔

  کل 12 ٹائیگر ریزرو نے ’’بہترین‘‘ زمرہ حاصل کیا ہے، اس کے بعد 21 ٹائیگر ریزرو ’’بہت اچھے‘‘ زمرے میں، 13 ٹائیگر ریزرو ’’اچھے‘‘ زمرے میں اور 5 ٹائیگر ریزرو ’’اطمینان بخش ‘‘  زمرے میں ہیں۔

  ٹائیگر ریزرو کے ایم ای ای کے 5ویں سائیکل نے ملک میں ٹائیگر ریزرو نیٹ ورک(ٹی آر این)کی کارروائیوں کے بارے میں شاندار معیار اور مقداری بصیرت فراہم کی ہے۔ ٹی آر این کے پاس متعدد 'طاقتیں' ہیں جنہیں برقرار رکھا جانا چاہیے اور اعلیٰ درجے کی فضیلت حاصل کرنے کے لیے ان میں بہتری بھی لانی چاہیے۔

عالمی ٹائیگر ڈے منانے کے لیے کاربیٹ ٹائیگر ریزرو میں منعقدہ پروگرام میں مرکزی وزیر مملکت جناب اشونی کمار چوبے کی جانب سے ایک تفصیلی رپورٹ جاری کی گئی۔ اس پروگرام میں اتراکھنڈ کے وزیر اعلیٰ اور مرکزی وزیرمملکت برائے دفاع اور وزارت سیاحت جناب اجے بھٹ نے بھی شرکت کی۔

 

فہرست : انفرادی ٹائیگر ریزرو کا اسکور اور درجہ بندی

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

۔۔۔۔۔۔۔۔۔۔۔۔۔۔۔۔۔۔۔۔

(ش ح ۔ رض  ۔ ج ا  (

7730

(Release ID: 1944120) Visitor Counter : 142