دیہی ترقیات اور آئی ڈبلیو ڈبلیو اے جی ای کی وزارت نے نئی دہلی میں مشترکہ طور پر صنفی وسائل مرکز پر دو روزہ مشاورتی ورکشاپ کا اہتمام کیا۔ اپنے کلیدی خطبے میں، دیہی ترقیات کی وزارت کے ایڈشنل سکریٹری جناب چرن جیت سنگھ نے کہا کہ 2016 سے لے کر، ڈی اے وائی این آر ایل ایم نے خواتین کی آواز، ان کی پسند اور تنظیم کی مضبوطی کے مقصد سے پروگرام کے اندر صنف کو قومی دھارے میں لانے کی غرض سے ہدف بند کوششیں  کی ہیں۔ مخصوص صنفی اختیارات و حقوق کے موضوع پر گفتگو کے دوران مختلف پیچیدہ معاملات  کے حل تلاشنے کے لیے صنفی وسائل مرکز جیسا ایک بنیادی ڈھانچہ قائم کرنے کی ضرورت محسوس کی گئی جس کے تحت دیگر محکموں کے ساتھ باہم رابطہ درکار ہوتا ہے۔

ورکشاپ کا سیاق و سباق طے کرتے ہوئے، جوائنٹ سکریٹری محترمہ اسمرتی شرن نے کہا کہ ڈی اے وائی- این آر ایل ایم نے ملک میں ایک انقلاب کا آغاز کیا ہے۔ انہوں نے ڈی اے وائی – این آر ایل ایم کے بارے میں بتایا کہ اس کا تغیر پر مبنی نقطہ نظر خواتین کی قیادت والے اور خواتین کی ملکیت والے اداروں کے قیام کے اصولوں پر کھڑا ہے۔ انہوں نے ڈی اے وائی – این آر ایل ایم پروگرام کے دو بنیادی اصول ساجھا کیے۔ یہ اصول ہیں، دیہی نادار خواتین کی سماجی اور اقتصادی اختیار کاری۔ جوائنٹ سکریٹری نے مزید کہا کہ جی آر سی کا قیام پروگرام کے لیے ایک سنگ میل حصولیابی ثابت ہوا  ہے جس نے خواتین اختیارکاری کے مقصد کے تئیں ڈی اے وائی – این آر ایل ایم کی عہد بندگی کی ازسر نو تصدیق کی ہے۔کریا یونیورسٹی میں ایل ای اے ڈی کی اگزیکیوٹیو ڈائرکٹر محترمہ شیرون بیوٹو نے مداخلتوں کے لیے کلیدی عناصر کی شناخت میں شواہد پیدا کرنے کی اہمیت کو اجاگر کیا۔

ایس سی او پارٹنرس اور صنفی ماہرین سمیت 15 ریاستوں کے مجموعی طور پر 75 شرکاء نے اس ورکشاپ میں حصہ لیا۔ ورکشاپ میں خوروخوض کے دوران شراکتی گروپ ورک کے توسط سے صنفی وسائل مرکز کی مضبوطی کے لیے اہم عناصر کو اجاگر کیا گیا۔ شریک ریاستوں یعنی آسام، مدھیہ پردیش، جھارکھنڈ، اُڈیشا، ناگالینڈ، بہار، آندھرا پردیش، پڈوچیری، راجستھان، کیرلا، تلنگانہ، تمل ناڈو، چھتیس گڑھ، مہاراشٹر اور تری پورہ  کے وسیع تر تجربات نے ان کوششوں کو ازسر نو اجاگر کیا جو ملک میں صنفی وسائل مرکز کو مضبوطی فراہم کرنے کے لیے درکار ہیں۔

جوائنٹ سکریٹری محترمہ اسمرتی شرن نے اختتامی تبصرے میں کہا کہ تبادلہ خیال  نے ہمیں جی آر سی کے موجودہ دائرہ کار اور ہمارے سامنے موجود کام کے دائرہ کار پر غور کرنے میں ہماری مدد کی ہے۔انہوں نے مزید کہا کہ اگر جی آر سی کو بلاک کی سطح پر کمیونٹی تنظیموں کی ایک اعلیٰ انجمن خیال کیا جاتا ہے، تو اس کا کردار بھی اعلیٰ درجے کا ہونا چاہئے۔ انہوں نے اس امر پر بھی زور دیا کہ یہ محض مسائل کو حل کرنے والے ادارے سے کہیں زیادہ بڑا ہے۔ اس کا مقصد ایک جامع نقطہ نظر کے توسط سے صنفی نابرابری کے مسئلے سے نمٹنا ہے۔

**********

 (ش ح –ا ب ن۔ م ف)

U.No:7515