தீன்தயாள் அந்தியோதயா யோஜனா- மத்திய ஊரக  வளர்ச்சி அமைச்சகத்தின் தேசிய ஊரக வாழ்வாதார இயக்கம் (டே-என்ஆர்எல்எம்), சமூக அடிப்படையிலான அமைப்பின் மூலம் நிலையான வேளாண் ஊட்டச்சத்து தோட்டங்கள் மற்றும் கால்நடை வளர்ப்பு நடைமுறைகளை ஊக்குவிப்பதன் மூலம் ஊட்டச்சத்து பாதுகாப்பை மேம்படுத்துவது குறித்து ஆன்லைன் ஆலோசனையை நடத்தியது. தொழில்நுட்ப பங்குதாரர்களான ரோஷினி மையம் மற்றும் என்.ஆர்.எல்.எம் (பி.சி.ஐ) க்கு டி.ஏ ஆகியவை இந்த ஆலோசனையை நடத்த ஆதரவளித்தன.

மத்திய மனிதவள மேம்பாட்டுத் துறையின் கூடுதல் செயலாளர் சரண்ஜித் சிங் சிறப்புரையாற்றினார். நிலமற்ற சுய உதவிக் குழு குடும்பங்களின் கண்ணோட்டத்தில் வேளாண் ஊட்டச்சத்துத் தோட்டம் மற்றும் கால்நடை வளர்ப்பு மேம்பாடு குறித்த விரிவான பார்வையின் அவசியத்தை வலியுறுத்தினார். பயிர்களை உயிர் வலுவூட்டுவதன் மூலம் நிவர்த்தி செய்யக்கூடிய மறைக்கப்பட்ட பசி மற்றும் நுண்ணூட்டச்சத்து குறைபாடுகளை நிவர்த்தி செய்ய வேண்டியதன் அவசியத்தையும் அவர் வலியுறுத்தினார். வேளாண் ஊட்டச்சத்துத் தோட்டம் மற்றும் கால்நடை வளர்ப்பு ஆகியவை குடும்பத்திற்கு மலிவு விலையில் சத்தான உணவைப் பெறுவதற்கான சாத்தியமான ஆதாரமாக இருக்க முடியும் என்று எம்.ஓ.ஆர்.டி இணைச் செயலாளர் திருமதி ஸ்மிருதி சரண் அங்கீகரித்துள்ளார்.

சர்வதேச உணவுக் கொள்கை ஆராய்ச்சி நிறுவனம், மக்கள்தொகை அறிவியல் சர்வதேச நிறுவனம், எம்.எஸ்.சுவாமிநாதன் ஆராய்ச்சி அறக்கட்டளை, ஹர்ஷா அறக்கட்டளை, இந்திய அறிவு அமைப்புகளுக்கான மையம்,  சர்வதேச வெள்ளாடு மேலாண்மை நிறுவனம், மானாவாரி விவசாய இணைப்பு நெட்வொர்க் மற்றும் நீர்வடிப்பகுதி ஆதரவு சேவைகள் மற்றும் செயல்பாடுகள் நெட்வொர்க் (வாசன்), கிராமப்புற இந்தியாவை மாற்றியமைத்தல், பெண்களுக்கான கிராம வள மையம், சர்வதேச திட்ட அக்கறை யுனிசெப் மற்றும் அசிம் பிரேம்ஜி அறக்கட்டளை மற்றும் பீகார் மற்றும் ஜார்க்கண்ட் மாநில  வல்லுநர்கள். தங்கள் அனுபவங்களிலிருந்து நுண்ணறிவுகளைப் பகிர்ந்து கொண்டனர். மாநில ஊரக வாழ்வாதார இயக்கங்கள், பிற கூட்டு அமைப்புகள் மற்றும் நிறுவனங்கள் கலந்தாய்வில் பங்கேற்றன.

திறன் மேம்பாடு, உள்நாட்டு பயிர் வகைகளை ஊக்குவித்தல், விதைகள் மேலாண்மை, சமூக சமையலறை தோட்டங்கள் மற்றும் விலங்குகளின் சுகாதார அபாயங்களுக்கான தணிப்பு உத்திகள் ஆகியவற்றின் மூலம் சமூகத்தை வலுப்படுத்துவது முக்கியம் என்பது ஆலோசனையின் முக்கிய அம்சங்களாகும். மேலும், கால்நடைகளின் சுகாதாரப் பராமரிப்புக்கான விரிவாக்க சேவைகள், நிலைத்தன்மையை உறுதிசெய்தல், விளைபொருட்களின் நுகர்வை ஊக்குவித்தல்,  சமூக மற்றும் கலாச்சார விதிமுறைகளை நிவர்த்தி செய்வதற்கான சமூக மற்றும் நடத்தை மாற்ற தகவல்தொடர்பு அணுகுமுறைகள், ஊட்டச்சத்து கல்வியறிவு ஆகியவை கவனம் செலுத்த வேண்டிய முக்கிய பகுதிகளாகும். பெண்களின் ஊட்டச்சத்தை மேம்படுத்த பல்வேறு துறைகள் மற்றும் திட்டங்களுடன் ஒருங்கிணைப்பை உருவாக்குவது, வருமானம் மற்றும் மேம்பட்ட ஊட்டச்சத்து விளைவுகளை மேம்படுத்துவதற்கான மலிவான , நிலையான மாதிரிகளுக்கு உறுதியான தீர்வாக இருக்கும்.

***

AP/PKV/DL