"முழு அரசு" அணுகுமுறையைப் பயன்படுத்தி "கழிவுகளை செல்வமாக" மாற்றுவதை நோக்கமாகக் கொண்ட மத்திய அரசின் கோபர்தன் முன்முயற்சி முதலீடுகளை அதிகரிக்கத் தொடங்கியுள்ளது மற்றும் அழுத்தப்பட்ட உயிரி எரிவாயு (சிபிஜி) / உயிரி எரிவாயுவுக்கான சூழல் அமைப்பை உருவாக்குவதன் மூலம் நல்ல பலன்களைத் தரத்  தொடங்கியுள்ளது. ஒருங்கிணைப்புத் துறையான குடிநீர் மற்றும் சுகாதாரத் துறையால் உருவாக்கப்பட்டு  ஜூன் 1, 2023 அன்று மத்திய ஜல்சக்தி அமைச்சர் திரு கஜேந்திர சிங் ஷெகாவத் தொடங்கிய  கோபர்தனுக்கான ஒருங்கிணைந்த பதிவு வலைதளம், மாநிலங்கள் / யூனியன் பிரதேசங்கள் மற்றும் சிபிஜி / உயிரி எரிவாயு  ஆபரேட்டர்கள் / முதலீட்டாளர்களிடமிருந்து பாராட்டத்தக்க வரவேற்பைப் பெற்றுள்ளது.  நாடு முழுவதும் உயிரி எரிவாயு / அழுத்தப்பட்ட உயிரி எரிவாயு (சிபிஜி) ஆலைகளின் செயல்பாட்டில் உள்ள  / கட்டுமானத்தில் உள்ள / இன்னும் தொடங்கப்படாத பதிவு செயல்முறையை நெறிப்படுத்துவதற்காக இந்த வலைத்தளம் தொடங்கப்பட்டது.

கோபர்தன் முன்முயற்சி பயோ கேஸ் / சிபிஜி துறைக்கு உகந்த சூழலை உருவாக்கியுள்ளது, இது தொடங்கப்பட்ட உடனேயே கட்டுமானத்தில் உள்ள 100 க்கும் மேற்பட்ட சிபிஜி ஆலைகளை வலைதளத்தில் பதிவு செய்ததிலிருந்து இது தெளிவாகிறது. இந்திய அரசு தனது கொள்கைகள் மூலம் தொழில்துறையின் வளர்ச்சி மற்றும் வெற்றிக்காகவும், புதுப்பிக்கத்தக்க எரிசக்தித் துறையில் முன்னோடியாக உயிர்வாயு / சிபிஜி துறையை நிறுவவும் இடைவிடாமல் பாடுபட்டு வருகிறது.

வெறும் 60 நாட்களில், 450 மாவட்டங்களை உள்ளடக்கிய 320 சிபிஜி ஆலைகள் மற்றும் 892 உயிரி எரிவாயு ஆலைகள் உட்பட 1200 க்கும் மேற்பட்ட ஆலைகள் வலைத்தளத்தில் பதிவு செய்யப்பட்டுள்ளன. போர்ட்டலில் பதிவுசெய்யப்பட்ட 52  சிபிஜி ஆலைகள் ஒரு நாளைக்கு 6600 டன்னுக்கும் அதிகமான கரிம / விவசாய எச்சங்களை பதப்படுத்தி 300 டிபிடி சிபிஜி மற்றும் 2000 க்கும் மேற்பட்ட டிபிடி  கரிம உரத்தை (எஃப்ஓஎம்) உற்பத்தி செய்யும் திறனைக் கொண்டுள்ளன.

மக்கும் கழிவுகளை அறிவியல் பூர்வமாக நிர்வகிக்கும் நோக்கத்துடன்     கோபர்தன் முன்முயற்சி   மேற்கொள்ளப்பட்டுள்ளது          , அதே நேரத்தில் கிராமப்புற குடும்பங்களுக்கு வளங்கள் மற்றும் பணப் பயன்களையும் வழங்குகிறது. இந்த முன்முயற்சி மத்திய அரசு, மாநில அரசுகள், தனியார் நிறுவனங்கள் மற்றும் பிற பங்குதாரர்களின் ஆர்வம் மற்றும் முயற்சிகளின் ஒருங்கிணைப்பாகும்.

***

AP/SMB/DL