حکومت نے خواتین کے خود روزگار کی حوصلہ افزائی کے لیے متعدد اقدامات کیے ہیں۔ کچھ اقدامات درج ذیل ہیں:

1. حکومت ہند خواتین کو پردھان منتری کوشل وکاش یوجنا (پی کے ایم وی وائی)کے تحت خواتین کے صنعتی تربیتی اداروں، قومی پیشہ ورانہ تربیتی اداروں اور علاقائی پیشہ ورانہ تربیتی اداروں کے نیٹ ورک کے ذریعہ  تربیت فراہم کر رہی ہے۔
2. خواتین کو معاشی طور پر بااختیار بنانے کے لیے’اسٹینڈ اپ انڈیا‘ کے تحت 10 لاکھ روپے سے ایک  کروڑ روپے تک 81فیصد قرض خواتین کے لیے دستیاب کرائے گئے ہیں۔
3. ’مدرا‘ یوجنا (یا وزیر اعظم کی بہت چھوٹے کارخانوں کی ترقی و ری فائننس ایجنسی) کے تحت، 10 لاکھ روپے تک کے 68 فیصد قرض خواتین کی ملکیت والے  اورخواتین کے ذریعہ  چلنے والے اداروں کے لیے منظور کیے گئے ہیں۔
4. قومی دیہی روزگار مشن کے تحت، تقریباً 9.0 کروڑ خواتین تقریباً 83 لاکھ خواتین کے سیلف ہیلپ گروپ کے ساتھ جڑی ہوئی ہیں، جو دیہی سماجی و اقتصادی منظر نامے کو کئی اختراعی اور سماجی اور ماحولیاتی طور پر ذمہ دار طریقوں سے تبدیل کر رہے ہیں، اور ضمانتی مفت قرضوں سمیت  حکومتی مدد بھی حاصل کر رہے ہیں ۔
5. انٹرپرینیورشپ پر خصوصی توجہ کے ساتھ، اسٹارٹ اپ انڈیا  پہل کے تحت، خواتین کی قیادت والے اداروں کو بڑی تعداد میں قرض فراہم کیے گئے ہیں۔
6. قومی زرعی مارکیٹ یا ای-این اے این ، زرعی اجناس کے لیے ایک آن لائن ٹریڈنگ پلیٹ فارم، "کسان کال سینٹرز" کسانوں کے سوالات کا جواب ان کی اپنی بولی میں ٹیلی فون کال پر دیتے ہیں، کسان سوِدھار جیسی موبائل ایپلی کیشن خواتین کو منڈیوں تک رسائی اور توسیعی خدمات میں درپیش رکاوٹوں کو دور کرنے یا ان کی تلافی کرنے میں مدد کرتی ہیں۔
7. نیشنل کوآپریٹو ڈیولپمنٹ کارپوریشن خواتین کوآپریٹیو کی ترقی کے لیے ایک اہم کردار ادا کر رہی ہے کیونکہ خواتین کی بڑی تعداد غذائی اشیاء کی پروسیسنگ، پودے لگانے والی فصلوں، تیل کے بیجوں کی پروسیسنگ، ماہی پروری، ڈیری اور لائیو سٹاک، اسپننگ ملز، ہینڈلوم اور پاور لوم ویونگ، انٹیگریٹڈ کوآپریٹو ڈویلپمنٹ پروجیکٹس وغیرہ جیسے کوآپریٹیو میں مصروف اور شامل ہے ۔
8. باغبانی کی مربوط ترقی کا مشن خواتین کو ہنر مندی کی ترقی کے لیے تربیت فراہم کرتا ہے، عام زمرے کے کسانوں کے مقابلے خواتین کسانوں، فائدہ اٹھانے والوں کو زیادہ رعایت / امداد فراہم کرتا ہے۔ زرعی مارکیٹنگ کے بنیادی ڈھانچے کے جزو کے تحت، خواتین زرعی میکانائزیشن کے ذیلی مشن کے تحت زرعی مشینری، آلات اور آلات کی خریداری کے لیے زیادہ شرحوں پر رعایت حاصل کرنےکی اہل ہیں۔
9. شہریوں کی پہنچ میں حکومت سے شہری تک (جی 2 سی) ای خدمات فراہم کرنے کے لیے، 5.2 لاکھ سے زیادہ عمومی  سروس سینٹر قائم کیے گئے ہیں، اسی طرح فزیکل سروس ڈیلیوری آئی سی ٹی انفراسٹرکچر تشکیل دیا گیا ہے۔ یہ مراکز ملک بھر میں پھیلے ہوئے ہیں اور دیہی علاقوں میں ڈیجیٹل خدمات کی ایک رینج فراہم کرتے ہیں، جس سے دیہی ڈیجیٹل کاروباری پیدا ہوتے ہیں جن میں سے 67,000 سے زیادہ خواتین کاروباری ہیں۔
10. پردھان منتری شرم یوگی مان دھن (پی ایم- ایس وائی ایم)غیر منظم کارکنوں کے لیے بڑھاپے کے تحفظ کو یقینی بنانے کے لیے شروع کیا گیا ہے ،جو کسی دوسری پنشن اسکیم کے تحت نہیں آتے۔ غیر منظم مزدور جن میں خواتین شامل ہیں، جن میں زیادہ تر گھریلو ملازمین، گلیوں میں کام کرنے والے، مڈ ڈے میل ورکرز، ہیڈ لوڈرز، اینٹوں کے بھٹے پر کام کرنے والے، موچی، کوڑا چننے والے، گھریلو ملازم، دھوبی، رکشہ چلانے والے، بے زمین مزدور، زرعی مزدور، تعمیراتی کام کرنے والے شامل ہیں۔ ملازمین ، بیڑی ملازمین ، ہینڈ لوم  ملازمین ، چمڑے کا کام کرنے والے ملازمین ،آڈیو-ویزول  ملازمین اور اسی طرح کے دوسرے پیشے جن کی ماہانہ آمدنی 15,000 روپے ماہانہ یا اس سے کم ہے اور ان کا تعلق 18-40 سال کی عمر کے گروپ سے ہے۔

مزیدبرآں، خواتین اور بچوں کی ترقی کی وزارت نے ملک میں نافذ اسکیموں اور پروگراموں کے ذریعہ خواتین کو بااختیار بنانے کے لیے کئی اقدامات کیے ہیں۔ وزارت نے 15ویں مالیاتی کمیشن کی مدت کے دوران عمل درآمد کے لیے خواتین کی حفاظت، سلامتی اور بااختیار بنانے کے لیے خواتین کو با اختیار بنانے کے ایک  مربوط پروگرام ’مشن شکتی‘  نافذ کی ہے۔ اس کا مقصد زیادہ کارکردگی، تاثیر اور مالی سمجھداری کے لیے ادارہ جاتی اور ہم آہنگی کے طریقہ کار کے ذریعہ مشن موڈ میں خواتین کی حفاظت، سلامتی اور بااختیار بنانے کے لیے مداخلتوں کو مضبوط کرنا ہے ۔

مشن شکتی کی امبریلا اسکیم میں دو ذیلی اسکیمیں ہیں جن میں خواتین کی حفاظت اور سلامتی کے لیے "سمبل" اور خواتین کو بااختیار بنانے کے لیے "سمارتھیا" شامل ہیں۔ ذیلی اسکیم 'سمرتھ' کے تحت، ایک نیا جزو یعنی خواتین کو بااختیار بنانے کے مرکز (ایچ ای ڈبلیو)کو شامل کیا گیا ہے جس کا مقصد خواتین کے لیے مرکزی، ریاستی/ مرکز کے زیر انتظام علاقوں اور ضلعی سطحوں پر اسکیموں اور پروگراموں کے بین شعبہ جاتی اتحاد کو آسان بنانا ہے۔ ایک ایسا ماحول بنانا جس میں خواتین اپنی مکمل صلاحیتوں کا ادراک کر سکیں۔ ایچ ای ڈبلیو کے تحت خواتین کو ان کی بااختیار بنانے اور ترقی کے لیے مختلف ادارہ جاتی اور اسکیمیٹک سیٹ اپ میں رہنمائی، مربوط کرنے اورمدد جاری رکھنے کے لیے تعاون فراہم کرتی ہے جس میں صحت کی دیکھ بھال، معیاری تعلیم، کیریئر اور پیشہ ورانہ مشاورت/تربیت، مالی شمولیت، کاروباری،پیچھے اور آگے کے روابط ، ملک بھر میں اضلاع/ بلاک/ گرام پنچایتوں کی سطح پر کارکنوں کے لیے صحت اور حفاظت، سماجی تحفظ اور ڈیجیٹل خواندگی تک رسائی شامل ہے ۔

 

  تعلیم کو فروغ دینے اور بچیوں کی ہمہ گیر ترقی کے لیے حکومت کی چند بڑی اسکیمیں حسب ذیل ہیں:

1. بیٹی بچاؤ بیٹی پڑھاؤ: بیٹی بچاؤ بیٹی پڑھاؤ (بی بی بی پی) اسکیم کا مجموعی مقصد بچیوں کی بقا اور تحفظ کو یقینی بنانا اور ان کی تعلیم اور شرکت کو یقینی بنانا ہے۔
2. کستوربا گاندھی بالیکا ودیالیہ، درج فہرست ذات، درج فہرست قبائل، دیگر پسماندہ طبقات ، اقلیتی برادریوں اورخط افلاس سے نیچے زندگی بسر کرنے والے خاندانوں سے تعلق رکھنے والی پسماندہ برادریوں کی بچیوں (10-18 سال)  کے لیے معیاری تعلیم اور رہائشی سہولیات دونوں پر توجہ مرکوز کرتی ہے تاکہ لڑکیوں کی ابتدائی سے ثانوی اور بارہویں جماعت تک آسانی سے منتقلی کو یقینی بنایا جا سکے۔
3. لڑکیوں کے لیے اڑان پروگرام : اڑان ،سینٹرل بورڈ آف سیکنڈری ایجوکیشن (سی بی ایس ای) کا ایک پروجیکٹ ہے، جس کا مقصد گیارہویں اور بارہویں جماعت کی لڑکیوں کے لیے ممتاز انجینئرنگ اداروں میں لڑکیوں کے کم اندراج اور مفت آن لائن سائنس کورسز کی فراہمی کے ذریعے اسکولی تعلیم اور انجینئرنگ کے داخلے کے امتحان کے درمیان تدریسی فرق کو دور کرنا ہے۔
4. نیشنل مینز کم میرٹ اسکیم- یہ اسکیم معاشی طور پر کمزور طبقہ سے تعلق رکھنے والی لڑکیوں کو بطور حوصلہ افزائی ماہانہ  1000روپےنقد دے کر انہیں اسکول نہ  چھوڑنے کے لیے فراہم کی جاتی ہے۔
5. سوکنیا سمردھی یوجنا : یہ یوجنا بچیوں کے والدین کے لیے بچت کی اسکیم ہے۔ یہ اسکیم والدین کو اپنی بچی کی مستقبل کی تعلیم کے لیے رقم جمع کرنے کی اجازت دیتی ہے۔ سوکنیا سمردھی اکاؤنٹ دیگر بچت کے منصوبوں کے مقابلے میں زیادہ شرح سود فراہم کرتا ہے جو بچیوں کے لیے مالی تحفظ فراہم کرتے ہیں۔

بیٹی بچاؤ بیٹی پڑھاؤ اسکیم نے بچیوں کے حقوق کو تسلیم کرنے کے لیے عوام کی ذہنیت کو بدلنے کے لیے اجتماعی شعور پیدا کیا ہے۔ اس اسکیم نے ہندوستان میں سی ایس آر میں کمی کے مسئلے پر تشویش کا اظہار کیا ہے۔ اس کے باعث قومی سطح پر پیدائش کے وقت جنسی تناسب (ایس آر بی)میں 15 پوائنٹ کی بہتری آئی ہے۔ وزارت صحت و خاندانی بہبود کے ہیلتھ مینجمنٹ انفارمیشن سسٹم (ایچ ایم آئی ایس) کے مطابق، یہ تناسب 2014-15 میں میں 918 سے بڑھ کر 2022-23  میں 933 ہو گیا ۔ اور وزارت تعلیم  کے یو ڈی آئی ایس ای کے اعداد و شمار کے مطابق، ثانوی سطح پر اسکولوں میں لڑکیوں کے داخلے کا مجموعی تناسب بھی (2014-15) میں 75.51 فیصد سے بڑھ کر 2021-22 میں 79.4 فیصد ہو گیا ہے۔

خواتین اور بچوں کی ترقی کی وزیر محترمہ اسمرتی زوبن ایرانی نے آج لوک سبھا میں ایک  سوال کے تحریری جواب میں یہ اطلاع فراہم کی ۔

۔۔۔۔۔۔۔۔۔۔۔۔۔۔۔۔۔۔۔۔۔

 (ش ح ۔ رض  ۔ ج ا  (

7708

(Release ID: 1943912) Visitor Counter : 196