اعداد و شمار اور پروگراموں کے نفاذ کی وزارت نے یکم جولائی 2023 سے 15 جولائی 2023 تک سوچھتا پکھواڑہ (پندرھواڑہ) کا اہتمام کیا۔ اس مدت کے دوران وزارت نے پورے ملک میں سوچھتا سے متعلق وسیع پیمانے پر سرگرمیاں انجام دیں۔ سوچھتا پکھواڑہ کے افتتاح کے موقع پر یکم جولائی 2023 کو اعداد و شمار اور پروگراموں کے نفاذ کی وزارت کے ہیڈکوارٹرس میں حلف برداری کی تقریب منعقد ہوئی جس میں سکریٹری (پروگراموں کے نفاذ کی وزارت) نے وزارت کے تمام افسران کو سوچھتا کا حلف دلایا۔

وزارت کے کولکاتہ میں واقع دفاتر کے ذریعہ ‘‘کچرے سے دولت بنانے’’ کے موضوع پر ایک چار روزہ ورکشاپ اور ‘‘صفائی ستھرائی اور صحت عامہ’’ پر ایک روزہ سمینار کا انعقاد کیا گیا۔

اعداد و شمار اور پروگراموں کے نفاذ کی وزارت کے ہیڈ کوارٹرس کے زیر اہتمام ‘‘باقیات اکاؤنٹس اور پائیدار ترقی کے اہداف کے ساتھ اس کے روابط’’ کے موضوع پر ایک روزہ سمینار کا انعقاد کیا گیا۔

جن بھاگیداری کو فروغ دینے کے لیے ملک بھر کے تقریباً 41 اسکولوں میں پینٹنگ، آرٹ، سوچھتا سے متعلق کوئز جیسے مقابلے کرائے گئے۔

اس کے علاوہ مختلف اسپتالوں، یتیم خانوں، بازاروں، صنعتی علاقوں اور دیہاتوں میں ہیلتھ کیمپس، اسٹریٹ پلے، ریلیاں، سوچھتا آگاہی مہم اور صفائی مہم بھی چلائی گئی۔

 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ش ح۔ م ع۔ع ن

 (U: 7637)

(Release ID: 1943367)