اقلیتی امور کی وزیر محترمہ اسمرتی زوبین ایرانی نے آج راجیہ سبھا میں ایک تحریری جواب میں یہ اطلاع دی کہ  حکومت معاشرے کے ہر طبقے کی ترقی اور فلاح  وبہبود کے لیے مختلف اسکیمیں نافذ کرتی ہے، جن میں مسلمانوں سمیت دیگر اقلیتیں بھی شامل ہیں، جن کی فلاح و بہبود کے کام، ہنرمندی ترقیات اور صنعت کاری کی وزارت، سماجی انصاف اور تفویض اختیارات کی وزارت، کپڑے کی صنعت کی وزارت، وزارت ثقافت، خواتین و اطفال کی ترقی کی وزارت، وزارت تعلیم اور دیہی ترقیات کی وزارت ، وغیرہ کی مختلف اسکیموں کے توسط سے انجام دیے جاتے ہیں۔

اس کے علاوہ، اقلیتی امور کی وزارت (ایم او ایم اے) نے نوٹیفائی کی گئیں اقلیتی برادریوں کے پسماندہ طبقات کی تعلیمی اور اقتصادی اختیارکاری کے لیے مختلف اسکیموں کے نفاذ سے متعلق ایک کثیر جہتی حکمت عملی اپنائی ہے۔ ایم او ایم اے کے ذریعہ نفاذ کی گئیں بہبودی اسکیمیں غریب سے غریب تر طبقات پر مرتکز ہیں۔

اقتصادی طور پر کمزور ترین طبقات، جن میں اقلیتی برادریاں بھی شامل ہیں،  سے تعلق رکھنے والے تمام تر افراد روزگار اور تعلیمی اداروں میں 10 فیصد ریزرویشن کے فوائد حاصل کر سکتے ہیں۔

**********

 (ش ح –ا ب ن۔ م ف)

U.No:7543