సహకార మంత్రిత్వ శాఖ ఆధ్వర్యంలోని స్వయంప్రతిపత్తి కలిగిన ఎన్‌.సి.సి.టి. (నేషనల్ కౌన్సిల్ ఫర్ కోఆపరేటివ్ ట్రైనింగ్) నిర్వహిస్తున్న వివిధ శిక్షణ, అవగాహన, ఇతర విద్యా కార్యక్రమాలలో ఆయా రంగాల నిపుణులు మరియు అభ్యాసకుల నిరంతర నిమగ్నత ద్వారా సహకార సంఘాలకు పరిశ్రమ-విద్యాపరమైన అనుసంధానాలు నిర్ధారిస్తాయి. ఎన్‌.సి.సి.టి.  యొక్క 19 ప్రాంతీయ, రాష్ట్ర స్థాయి ఇన్‌స్టిట్యూట్‌లలో ప్రోగ్రామ్ అడ్వైజరీ కమిటీ (పీఏసీ) యొక్క సంస్థాగత యంత్రాంగం ద్వారా శిక్షణా కార్యక్రమాలలో పరిశ్రమ-అకాడెమియా అనుసంధానం నిర్మించబడింది. పీఏసీకి సంబంధిత రాష్ట్ర సహకార సంఘాల రిజిస్ట్రార్ నేతృత్వం వహిస్తారు. పీఏసీలోని ఇతర సభ్యులుగా రాష్ట్ర సహకార సంఘాలు/సమాఖ్యల ముఖ్య కార్యనిర్వాహకులు, పరిశ్రమల డైరెక్టర్లు, చేనేత, మత్స్య, సంబంధిత రాష్ట్ర వ్యవసాయం, పరిశ్రమ రంగ నిపుణులు మొదలైనవారు ఉంటారు. దీనికి తోడు పరిశ్రమ/ఆయా రంగాల నిపుణులతో సెమినార్‌లు/ వెబినార్‌లు, అభ్యాసకుల నుండి ఉపన్యాసాలు, పరిశ్రమల ఎక్స్‌పోజర్ సందర్శనలు, ఇంటర్న్‌షిప్‌లు కూడా సహకార రంగంలో పరిశ్రమ-అకడమిక్ భాగస్వామ్యాన్ని మరింత బలోపేతం చేయడానికి క్రమం తప్పకుండా నిర్వహించబడతాయి. నాబార్డ్ వారి సహకారంతో ఎన్సీసీటీ సాఫ్ట్కాబ్ పథకంను (సహకార బ్యాంకుల సిబ్బందికి శిక్షణ కోసం ఆర్థిక సహాయం పథకం) అమలు చేస్తోంది. 2020-21 మరియు 2022-23 మధ్య కాలంలో 690 శిక్షణా కార్యక్రమాలను నిర్వహించబడ్డాయి. ఇందులో 20,955 మంది పాల్గొన్నారు. ఇందులో ప్రధానంగా పాల్గొన్నవారు రైతులు. ప్రాథమిక వ్యవసాయ రుణ సంఘాలు (పీఏసీలు) మరియు ఇతర ప్రాథమిక సహకార సంఘాలను బలోపేతం చేసే దిశగా ఈ చర్య దోహదం చేస్తోంది.  అంతేకాకుండా, ఎన్సీసీటీ గ్రామీణ ప్రాంతాల్లోని 1,61,043 మంది రైతులకు 2020-21 మరియు 2022-23 మధ్య 2342 శిక్షణ/అవగాహన కార్యక్రమాలను కూడా నిర్వహించింది. ఈ విషయాన్ని సహకార మంత్రి శ్రీ అమిత్ షా ఈ రోజు లోక్‌సభకు ఇచ్చిన ఒక ప్రశ్నకు లిఖితపూర్వక సమాధానంలో తెలిపారు.

*****

(रिलीज़ आईडी: 1942651) आगंतुक पटल : 168