வடகிழக்கு பிராந்தியத்திற்கான திறன் மேம்பாட்டுத் திட்டம் என்பது திறன் மேம்பாடு மற்றும் தொழில்முனைவோர் அமைச்சகத்தின் (எம்.எஸ்.டி & ஈ) திட்டமாகும். அசாமின் குவஹாத்தியில் உள்ள தொழில் முனைவோர் நிறுவனம் (ஐ.ஐ.இ) மூலம் இத்திட்டம் செயல்படுத்தப்படுகிறது. இது எம்.எஸ்.டி அண்ட் இ இன் தன்னாட்சி நிறுவனமாகும்.

அமைப்புசாரா பராமரிப்பு வழங்கும் சேவைக் கைத்தொழிலை முறையான சேவைத் துறை கைத்தொழிலாக மாற்றுவதற்கும், NER இன் தேவையுள்ள மக்களுக்கு முறையான பராமரிப்பு வழங்கும் சேவைகளுக்கான முறையான ஏற்பாட்டை விரிவுபடுத்துவதற்கும், ஒரு கருத்திட்டம் வடகிழக்கு சபையால் (என்.இ.சி) அனுசரணை செய்யப்படுகிறது. திறன் மேம்பாட்டுத் திட்டத்தின் கீழ், பயிற்றுநர்களுக்கான (ToT) பயிற்சித் திட்டம் நடத்தப்பட்டு, 32 முதன்மைப் பயிற்றுநர்கள் வடகிழக்கு மாநிலங்களுக்கு உருவாக்கப்பட்டுள்ளனர். மேலும், இத்திட்டத்தின் கீழ் 19 பயிற்சிகள் நடத்தப்பட்டு, 471 பராமரிப்பாளர்கள் உருவாக்கப்பட்டுள்ளன. இத்திட்டத்திற்காக ஒதுக்கப்பட்ட மொத்த நிதி ரூ.4.80 கோடி, இதில் இதுவரை ரூ.3.80 கோடியை ஐ.ஐ.இ பெற்றுள்ளது.

எதிர்காலத்தில் கிராமப்புற மற்றும் பழங்குடி பொருளாதாரத்தை மாற்றுவதற்காக  பிரதமரால்ஏப்ரல்14, 2018 அன்று தொடங்கப்பட்ட பிரதமரின்  வந்தன் யோஜனா (பி.எம்.வி.டி.ஒய்) திட்டத்தின் கீழ் அசாமில் கடந்த ஐந்து ஆண்டுகளில் ஐ.ஐ.இ பல்வேறு திறன் மேம்பாட்டு நடவடிக்கைகளை நடத்தியுள்ளது. அசாமில் 2019 ஆம் ஆண்டில் இந்திய தொழில்முனைவோர் நிறுவனம் (ஐ.ஐ.இ) இந்த திட்டத்தை செயல்படுத்தியது, மாநில பழங்குடியினர் விவகார இயக்குநரகம் (சமவெளி) ஒருங்கிணைப்பு முகமையாக உள்ளது. இந்திய பழங்குடியினர் கூட்டுறவு விற்பனை மேம்பாட்டு இணையம் இத்திட்டத்தின் ஸ்பான்சர் ஏஜென்சியாக உள்ளது. பி.எம்.வி.டி.ஒய் திட்டத்தின் கீழ், அசாமின் 33 மாவட்டங்களில் மூன்று கட்டங்களாக 302 வான் தன் விகாஸ் கேந்திராஸ் கிளஸ்டர்களுக்கு (வி.டி.வி.கே.சி) டிரைஃபெட் ஒப்புதல் அளித்துள்ளது. இந்த திட்டத்தின் மூலம், அசாமில் உள்ள பழங்குடி சமூகங்கள், உள்நாட்டில் கிடைக்கும் சிறு வன விளைபொருட்களிலிருந்து (எம்.எஃப்.பி) மதிப்பு கூட்டப்பட்ட தயாரிப்புகளை தயாரிக்கவும், அதன் அடுத்தடுத்த விற்பனை மூலம் நிலையான வாழ்வாதாரத்தைப் பெற ஆதரிக்கப்படுகிறார்கள். ஒவ்வொரு குழுமத்திலும் சுமார் 300 சுய உதவிக் குழுக்கள் பதிவு செய்யப்பட்ட பழங்குடியின மகளிர் பயனாளிகள் இருப்பர்.

ஐ.ஐ.இ பல்வேறு திறன் மேம்பாட்டு திட்டங்களை நடத்தியுள்ளது. கடந்த 3 ஆண்டுகளில், மொத்தம் 35,651 பங்கேற்பாளர்கள் தங்கள் சொந்த தொழில்களைத் தொடங்கியுள்ளனர், அவர்களில் பெரும்பாலோர் விவசாயம், கைவினைப் பொருட்கள், கைத்தறி, நகைகள், பேக்கரி, அழகு மற்றும் ஆரோக்கியம் போன்ற பல்வேறு துறைகளில் வீட்டு மட்டத்தில் தொடங்கியுள்ளனர். இதில் பங்கேற்ற 35,651 பேரில் 31,729 பேர் பெண்கள்.

பி.எம்.வி.டி.ஒய் திட்டத்தின் கீழ் அதன் பயனாளிகளால் உற்பத்தி செய்யப்படும் தயாரிப்புகளுக்கு ஐ.ஐ.இ தொடர்ந்து ஆதரவளித்து ஊக்குவித்து வருகிறது.

பயனாளிகள் உற்பத்தி செய்யும் பொருட்களை பிரத்யேகமாக சந்தைப்படுத்தவும், விளம்பரப்படுத்தவும் "டிரிசாம்" என்ற பிராண்டை உருவாக்கியுள்ளது.

ஐ.ஐ.இ பல்வேறு கண்காட்சிகள், வர்த்தக கண்காட்சிகள் மற்றும் வாங்குபவர்-விற்பவர் சந்திப்புகளில் அதன் பயனாளிகளை ஏற்பாடு செய்து ஊக்குவித்துள்ளது.

பயனாளிகள் உற்பத்தி செய்யும் பொருட்களின் விற்பனைக்காக அசாமின் பல்வேறு மாவட்டங்களில் டிரிசாம் பிராண்டின் கீழ் சில்லறை விற்பனை நிலையங்களை ஐ.ஐ.இ திறந்துள்ளது.

இத்தகவலை மத்திய வடகிழக்கு பிராந்திய மேம்பாட்டுத்துறை அமைச்சர் ஜி.கிஷன் ரெட்டிமக்களவையில் எழுத்துப்பூர்வமாக அளித்த பதிலில் தெரிவித்துள்ளார்.

***

ANU/PKV/KPG

 

(வெளியீட்டு அடையாள எண்: 1942201) வருகையாளர் எண்ணிக்கை : 184