• UDAN স্কিমগী মখাদা NERদা এয়রপোর্ত 10 মথৌ তৌবা হৌহনখি/হিংগৎহনখি

ভারত সরকার (GoI)না গ্রীনফিল্দ এয়রপোর্ত (GFA) পোলিসী 2008 অমা শেমখ্রে, অমসুং মসিনা লৈবাক অসিদা অনৌবা এয়রপোর্ত শাবগী কাঙলোন অমসুং হীরমশিং ময়েক শেংনা তাক্লি। অয়াবা পীবগী থাক অনি লৈ, হায়বদি, ‘সাইত ক্লিয়ারেন্স’ পীরবা মতুংদা ‘ইন-প্রিন্সিপল’গী অয়াবা অমুক পীবা।

এয়রপোর্ত ওথোরিতী ওফ ইন্দিয়া (AAI)না অসমদা লৈবা কছারগী দোলু T.E.দা গ্রীনফিল্দ এয়রপোর্ত অমা শাবগী ‘সাইত ক্লিয়ারেন্স’কী অয়াবা পীবিনবগীদমক্তা সিভিল এভিএসন মন্ত্রালয়গী মফমদা GFA পোলিসী, 2008কী মখাদা চে অমা থাখ্রে। GFA পোলিসীগী মখা পোন্না, ৱাহৌদোক অসি সিভিল এভিএসনগী দাইরেক্তোরেত জেনেরেল (DGCA) অমসুং ঙাক-শেল মন্ত্রালয় (MoD) য়াওনা মরী লৈনবা স্তেকহোলদরশিংগী মফমদা মখোয়গী কম্মেন্ত লৌনবগীদমক্তা থাখি। স্তেকহোলদরশিংগা খন্ন-নৈনবগী থাক অসি মপুং ফানা লোইশিল্লবা মতুংদা, সাইত ক্লিয়ারেন্স লৌনবগীদমক্তা ৱাহৌদোক অসিবু গ্রীনফিল্দ এয়রপোর্তকী স্তীরিং কম্মিত্তীগী মাঙদা মখোয়গী পাউতাক লৌনবগীদমক্তা থম্বগী মথৌ তাই।

GFA পোলিসী 2008কী মখা পোন্না, প্রোজেক্ত অসিগী ফন্দিং তৌবা, লম লৌশিনবা, R&Rনচিংবা হীরম য়াওনা এয়রপোর্ত প্রোজেক্ত পায়খৎপগী থৌদাং অসি মরী লৈনবা রাজ্য সরকার (করিগুম্বা রাজ্য সরকারনা প্রোজেক্ত অসিগী ৱাহৌদোক থম্বা ওইরবদি) য়াওনা মরী লৈনবা এয়রপোর্ত দিভেলপরনা লৌগনি। এয়রপোর্ত শাবগী অকক্নবা মতম অসি লম লৌশিনবা, তঙাই ফদনা অয়াবা লৌগদবশিং, অপনবা/অয়েৎপা লৌথোকপা, শেল-থুমগী ৱারোল লোইশিনবনচিংবা হীরম কয়াবু মরী লৈনবা এয়রপোর্ত দিভেলপরশিংনা লোইশিনবগী মখা পোনগনি।

GFA পোলিসী 2008কী মখাদা অৱাং নোংপোক লমদমদা গ্রীনফিল্দ এয়রপোর্ত অনি, মিং ওইনা পল্লবদা, পাক্যোং অমসুং ইতানগর (হোলোঙ্গোই) শাখ্রে।

সিভিল এভিএসন মন্ত্রালয়না অৱাং নোংপোক লমদমদা য়াওনা রিজনেল এয়র ত্রাফিক হেনগৎহন্নবা অমসুং মীপুম খুদিংনা এয়র ত্রাভেল তৌবা ঙমহন্নবগীদমক্তা 21-10-2016দা রিজনেল কন্নেক্তিবিতী স্কিম (RCS) –UDAN (উরে দেশ কে নাগ্রিক) হৌদোকখি। স্কিম অসি মীয়ামগী অপাম্বগী মখা পোন্না শেমখিবনি।

UDAN স্কিমগী মখাদা অৱাং নোংপোক লমদমদা এয়রপোর্ত 10, মিং ওইনা পল্লবদা, পসিঘাত, তেজু, ইতানগর (হোলোঙ্গোই), জোরহাত, লিলাবারী, রুপসি, তেজপুর, শিল্লোং (বরাপানী), দিমাপুর অমসুং পাক্যোঙ অসি মথৌ তৌবা হৌহনখি/হিংগৎহনখি।

ই-পাউ অসি সিভিল এভিএসন মন্ত্রালয়গী রাজ্য মন্ত্রী, জেনেরেল (দাঃ) ভি.কে. সিংহ (রিতাইয়র্দ)না রাজ্য সভাদা ঙসি ৱাহং অমগী অইবা পাউখুম ওইনা পীখিবনি।

***

(Release ID: 1942074)