2022 میں برآمد شدہ قدروں کی بنیاد پر عالمی غذائی اناج کی منڈی میں ہندوستان کا حصہ 7.79 فی صد رہا (ماخذ: یو این كومٹریڈ اور آئی ٹی سی کے اعدادوشمار پر مبنی آءی ٹی سی تجارتی نقشہ کا حساب کتاب)۔

پچھلے پانچ برسوں کے دوران ملک سے برآمد کی گئی سرفہرست 10 زرعی اجناس اور ہندوستان کی زرعی مصنوعات کی درآمد کرنے والے سرفہرست 10 ممالک کی تفصیلات درج ذیل ٹیبل میں دی گئی ہیں:

گزشتہ چند برسوں میں ہندوستان کی غذائی اجناس کی برآمدات میں مسلسل اضافہ ہوا ہے جو اقوام متحدہ کے کامٹریڈ کے اعدادوشمار کے مطابق 2010 میں 3.38 فیصد سے بڑھ کر 2022 میں 7.79 فیصد تک پہنچ گیا ہے۔ یہ عالمی غذائی اجناس کی برآمدات میں ہندوستان کے حصہ میں اضافے كا مظہر ہے۔ برآمدات کا فروغ ایک مسلسل عمل ہے۔ حکومت نے غذائی اجناس سمیت زرعی مصنوعات کی برآمدات کو فروغ دینے کے لیے ریاستی/ضلع کی سطح پر کئی اقدامات کیے ہیں۔ ریاست کے لیے مخصوص ایکشن پلان تیار کیے گئے ہیں اور کئی ریاستوں میں ریاستی سطح کی مانیٹرنگ کمیٹیاں، زرعی برآمدات کے لیے نوڈل ایجنسیاں اور کلسٹر سطح کی کمیٹیاں تشکیل دی گئی ہیں۔ برآمدات کو فروغ دینے کے لیے ملک اور مصنوعات کے مخصوص ایکشن پلان بھی مرتب کیے گئے ہیں۔

زرعی اور پراسیسڈ فوڈ پروڈکٹس ایکسپورٹ ڈویلپمنٹ اتھارٹی (اپیڈا) جومحکمہ تجارت کے انتظامی کنٹرول کے تحت ایک قانونی ادارہ ہے، اپیڈا اسکیم کے تحت زرعی اور پراسیسڈ فوڈ مصنوعات بشمول اناج  کے برآمد کنندگان کو مالی مدد فراہم کر رہا ہے۔ اپیڈا خریدار فروخت کنندگان کی میٹنگیں (بی ایس ایم) منعقد کرکے برآمدات کو فروغ دینے میں مدد کرتا ہے۔ ان میں بین الاقوامی تجارتی میلوں اور نمائشوں میں شراکت؛ درآمد کرنے والے ممالک کے ساتھ سینیٹری اور فائٹوسینٹری (ایس پی ایس)، تجارت میں تکنیکی رکاوٹیں (ٹی بی ٹی) اور مارکیٹ تک رسائی کے مسائل کو سامنے لانے اور مختلف ممالک میں برآمدی مواقع سے فائدہ اٹھانے کے لیے ہندوستانی مشنوں کے ساتھ باقاعدہ بات چیت  شامل ہیں۔

مزید برآں، اپیڈا کے زیراہتمام چاول اور غذائی اناج کے لیے ایکسپورٹ پروموشن فورمز  قائم کیے گئے ہیں جو ترقی کی شناخت اور ان كے امكانات کا جائزہ لینے کی کوشش کرتے ہیں۔

ان كوششوں كا تعلق مصنوعات کی پیداوار اور برآمدات كے علاوہ برآمدات کی پوری پیداوار/سپلائی چین کے اسٹیک ہولڈرز تک ترسیل اور برآمدات کو فروغ دینے کے لیے ضروری پالیسی مداخلتوں اور دیگر اقدامات کے لیے سفارشات سے ہے ۔

فارمر پروڈیوسر آرگنائزیشنز (ایف پی او) کا قیام زراعت اور متعلقہ مصنوعات کی پیداوار اور مارکیٹنگ میں بڑے پیمانے پر اجتماعی معیشتوں سے فائدہ اٹھانے کے لیے کیا گیا ہے۔ اس سے پیداوار کی اوسط لاگت کو کم کرنے میں مدد ملتی ہے اور غیر ملکی منڈیوں میں مسابقت میں اضافہ ہوتا ہے۔

 

 

ہندوستان سے برآمد کی جانے والی 10 اعلیٰ زراعتی مصنوعات
قیمتیں امریکی میلین ڈالر میں
نمبر شمار	اشیا	2018-19	2019-20	2020-21	2021-22	2022-23
1	سمندری مصنوعات	6802.56	6722.07	5962.39	7772.36	8077.97
2	چاول (باسمتی كے علاوہ)	3038.16	2031.25	4810.80	6133.63	6355.74
3	شكر	1360.29	1966.44	2789.91	4602.65	5770.96
4	باسمتی چاول	4712.44	4372.00	4018.41	3537.49	4787.50
5	مصالحہ جات	3322.45	3621.38	3983.98	3896.03	3783.63
6	بھینس كا گوشت	3587.15	3199.60	3171.13	3303.78	3193.69
7	تیل سے تیار كھانے	1508.65	827.90	1585.04	1031.94	1600.97
8	گیہوں	60.24	62.82	567.93	2122.13	1519.69
9	متفرق پروسیس شدہ اشیا	659.18	647.07	866.04	1169.05	1419.06
10	ارنڈی کا تیل	883.78	894.36	917.24	1175.50	1265.64

 

 

ہندوستان کی زرعی مصنوعات کے ٹاپ 10 درآمد کنندگان
قیمتیں امریکی میلین ڈالر
نمبر شمار	ممالك	2018-19	2019-20	2020-21	2021-22	2022-23
1	ریاست ہائے متحدہ امریكہ	4700.32	4718.46	4913.29	5848.11	5216.78
2	چین	2271.60	2885.44	3734.19	3843.33	3974.59
3	بنگلہ دیش	1838.88	1452.99	2850.81	5541.78	3577.47
4	متحدہ عرب امارات	1930.20	1760.21	1948.65	2625.79	3049.21
5	ویتنام	3728.30	1876.42	1629.62	2109.00	2389.50
6	سعودی عرب	1625.48	1599.53	1607.46	1547.00	2193.17
7	انڈونیشیا	951.02	753.60	1523.76	2173.81	1853.29
8	ملائشیا	958.08	970.89	1171.02	1504.57	1686.12
9	ایران	2285.71	2189.00	1175.55	1121.69	1360.92
10	تھائی لینڈ	724.58	671.50	645.63	722.21	1086.90

یہ اطلاع صنعت و تجارت کی مرکزی وزیر مملکت محترمہ انو پریہ پٹیل نے آج راجیہ سبھا میں ایک تحریری جواب میں فراہم كی۔

******

 

U.No:7361

ش ح۔رف۔س ا

(Release ID: 1941825) Visitor Counter : 130