بہت چھوٹے ، چھوٹے اور اوسط درجے کے کاروبار کے مرکزی وزیر مملکت جناب بھانو پرتاپ سنگھ ورما نے  اتر پردیش کے شہر ایودھیا میں 340 افراد کو الیکٹرک چاک ، پیر سے چلنے والی اگربتی بنانے والی مشینیں ، اگر بتی کی موٹر سے چلنے والی مشینیں اور لکڑی کو تراشنے والی مشینیں فراہم کیں۔  اس موقعے پر کھادی اور دیہی صنعتوں کے کمیشن کے چیئرمین جناب منوج کمار اور ایودھیا کے ممبر پارلیمنٹ جناب للو سنگھ بھی موجود تھے مشینیں اور اوزار تقسیم کرنے کا یہ پروگرام لکھنؤ میں کے وی آئی سی کے ریاستی دفتر میں منعقد کیا گیا۔ اس پروگرام کا انعقاد گرام وکاس یوجنا کے تحت رنیوا میں گرام سوالمبی ودیالیہ میں کیا گیا۔ ایودھیا کے میئر جناب گریش پتی ترپاٹھی،اور کے وی آئی سی شمالی زون کے رکن جناب  ناگیندر رگھوونشی،  بھی تقسیم کاری کے اس پروگرام میں موجود تھے۔

جناب  بھانو پرتاپ سنگھ ورما نے پروگرام سے خطاب کرتے ہوئے کہا کہ بھارت  کی جی ڈی پی میں ایم ایس ایم ای شعبہ کا ایک تہائی حصہ ہے اور یہ شعبہ ملک کے 12 کروڑ سے زیادہ  عوام کو روزگار فراہم کر رہا ہے۔ ایم ایس ایم ای  کا شعبہ ر وزیر اعظم جناب نریندر مودی کی قیادت میں بڑے پیمانے پر  کام کر رہا ہے۔ جناب  ورما نے یہ بھی کہا کہ کھادی اور دیہی صنعتوں کے کمیشن نے دیہی بھارت  میں روزگار کے موقعے پیدا کرنے کے میدان میں پچھلے 9 سال میں تاریخی کام کیا ہے۔

پروگرام سے خطاب کرتے ہوئے کے وی آئی سی کے چیئرمین جناب منوج کمار نے کہا کہ وزیر اعظم جناب نریندر مودی کی امنگوں کے مطابق کھادی اور دیہی صنعتوں کی  کمیشن ہر گاؤں کو روزگار فراہم کرنے کی کوشش کر رہا ہے۔ ان کی قیادت میں پچھلے مالی سال میں تاریخ رقم کرتے ہوئے کھادی اور دیہی صنعتوں کی مصنوعات کا مجموعی  کاروبار 1.34 لاکھ کروڑ روپے سے زیادہ ہو گیا ہے ۔ انہوں نے مزید کہا کہ وزیر اعظم جناب نریندر مودی کی رہنمائی میں، کے وی آئی سی  گرام ادیوگ وکاس یوجنا کے تحت بھارت کی روایتی صنعتوں کے کارکنوں کو اوزار اور مشینری فراہم کر رہا ہے ، جس سے  روایتی صنعتوں کے کاریگروں آمدنی میں اضافہ ہوگا ان کے معیار زندگی میں بہتری آئے گی۔

ابھی  تک ملک بھر میں کمہاروں میں 25 ہزار سے زائد الیکٹرک وہیل سیٹ تقسیم کیے جا چکے ہیں، جس سے ان کی آمدنی میں تین سے چار گنا اضافہ ہوا ہے۔ اسی طرح 20 ہزار شہد کی مکھیاں پالنے والوں میں 2 لاکھ سے زائد شہد کی مکھیوں کے  بکسے اور مکھیوں کی کالونیاں تقسیم کی گئی ہیں۔ شہد کی مکھیاں پالنے والوں کی  آمدنی میں 25 سے 30 فیصد اضافہ ہوا ہے۔

جناب منوج کمار نے کہا کہ وزیر اعظم جناب نریندر مودی کی قیادت  میں بھارت  کو ایک مضبوط، خ اور ایک ود کفیل ملک میں تبدیل  و رہا ہے جو  دنیا کے لیے ایک جذبے کا وسیلہ ہے۔ ہمیں ’’میک ان انڈیا‘‘ اور ’’میل فار ورلڈ کے نعرے  کے ساتھ آگے بڑھنا ہے، جو تبھی ممکن ہے کہ ہم وزیر اعظم جناب نریندر مودی کے’’لوکل ٹو گلوبل ی‘‘ ویژن پر عمل کریں۔

اس موقع پر ایودھیا سے ممبر پارلیمنٹ جناب  للو سنگھ نے کے وی آئی سی کی  عمل درآمد کردہ گرام وکاس یوجنا کی تعریف کی اور کہا کہ ان اسکیموں پر عمل کر کے ہمارے روایتی کاریگر خود روزگاری  کے میدان میں آگے بڑھ سکتے ہیں۔ ایودھیا کے میئر جناب  گریش پتی ترپاٹھی نے بھی لوگوں سے  اپیل کی ہے کہ وہ کھادی اور دیہی صنعت  کی مصنوعات کا زیادہ سے زیادہ استعمال کریں تاکہ زیادہ سے زیادہ لوگوں کو دیہی علاقوں میں کاروبار مل سکے۔

تقسیم  کاری کے اس پروگرام میں اتر پردیش کے لکھیم پور کھیری، سیتا پور، لکھنؤ، جالون، جھانسی، مئو اور اعظم گڑھ کے 260 کمہاروں کو الیکٹرک چاک دیئے گئے اور اس کے علاوہ کانپور دیہات کے 20 کارکنوں کو اگربتی بنانے والی مشینیں تقسیم کی گئی۔ اس کے علاوہ لکھیم پور کھیری، سنت کبیر نگر اور اعظم گڑھ کے 60 کاریگروں کو کو لکڑی تراشنے والی مشینیں تقسیم کی گئیں۔  اس پروگرام میں اتر پردیش  سرکار اور کے وی آئی سی  کے افسران اور ملازمین موجود تھے۔

۔۔۔۔-------

ش ح۔ا س۔  ت ح ۔                                              

U–7238

(Release ID: 1941156) Visitor Counter : 95