پارلیمنٹ کے مانسون اجلاس 2023 کے آغاز سے ایک دن پہلے آج یہاں وزیر دفاع جناب راجناتھ سنگھ کی صدارت میں تمام سیاسی جماعتوں کے فلور لیڈروں کے ساتھ حکومت کی میٹنگ ہوئی۔ اپنے افتتاحی خطاب میں پارلیمانی امور کے مرکزی وزیر جناب پرہلاد جوشی نے بتایا کہ پارلیمنٹ کا مانسون اجلاس جمعرات، 20 جولائی، 2023 کو شروع ہوگا اور سرکاری کاموں کی ضرورتوں کے پیش نظر، یہ اجلاس جمعہ، 11 اگست، 2023 کو ختم ہوسکتا ہے۔ 23 دنوں تک چلنے والے اس اجلاس میں 17 نشستیں ہوں گی۔ انہوں نے یہ بھی بتایا کہ اس اجلاس کے دوران قانون سازی کے لیے 31 آئٹم کی نشاندہی کی گئی ہے۔

پارلیمانی امور کے مرکزی وزیر نے مزید کہا کہ حکومت ضابطوں کے طریقہ کار کے تحت متعلقہ پریذائیڈنگ افسروں کی اجازت سے کسی بھی مسئلہ پر ایوان کے فلور پر بحث کے لیے ہمیشہ تیار ہے۔ انہوں نے تمام پارٹیوں کے قائدین سے پارلیمنٹ کے دونوں ایوانوں کے کام کو بحسن و خوبی چلانے کے لیے فعال تعاون اور حمایت کی بھی درخواست کی۔ اس میٹنگ میں کامرس اور صنعت، امور صارفین، خوراک اور عوامی تقسیم اور کپڑا کے مرکزی وزیر جناب پیوش گوئل، جو راجیہ سبھا میں ایوان کے قائد، قانون و انصاف کی وزارت کے وزیر مملکت (آزادانہ چارج) بھی ہیں؛ پارلیمانی امور کی وزارت میں وزیر مملکت اور ثقافت کی وزارت میں وزیر مملکت جناب ارجن رام میگھوال اور پارلیمانی امور کی وزارت میں وزیر مملکت اور خارجہ امور کی وزارت میں وزیر مملکت جناب وی مرلی دھرن نے بھی شرکت کی۔

میٹنگ کے اختتام پر، پارلیمنٹ کے دونوں ایوانوں میں مختلف سیاسی پارٹیوں کے قائدین کی طرف سے اٹھائے گئے نکات کو سننے کے بعد، مرکزی وزیر دفاع جناب راجناتھ سنگھ نے میٹنگ میں قائدین کی فعال اور موثر شرکت اور عوامی اہمیت کے حامل مسائل کو اجاگر کرنے کے لیے ان کا شکریہ ادا کیا۔ وزیر دفاع نے کہا کہ حکومت منی پور کی صورتحال سمیت عوامی اہمیت کے تمام مسائل پر بات چیت کے لیے تیار ہے۔

اجلاس میں مجموعی طور پر چونتیس سیاسی پارٹیوں کے انتالیس رہنماؤں نے شرکت کی۔

 

مانسون اجلاس، 2023 کے دوران پیش کیے جانے والے بلوں کی فہرست

 

1. قومی راجدھانی خطہ دہلی کا (ترمیمی) بل، 2023 (جو آرڈیننس کی جگہ لے گا)
2. سینماٹوگراف (ترمیمی) بل، 2019
3. ڈی این اے ٹیکنالوجی (استعمال اور اطلاق) ضابطہ کاری بل، 2019
4. ثالثی کا بل، 2021
5. بائیولوجیکل ڈائیورسٹی (ترمیمی) بل، 2022
6. کثیر ریاستی کوآپریٹو سوسائٹیز (ترمیمی) بل، 2022
7. منسوخی اور ترمیمی بل، 2022
8. جن وشواس (التزامات میں ترمیم) بل، 2023
9. جنگلات (تحفظ) ترمیمی بل، 2023
10. آئینی (درج فہرست قبائل) آرڈر (تیسری ترمیم) بل، 2022 (ریاست ہماچل پردیش کے حوالے سے)
11. آئینی (درج فہرست قبائل) آرڈر (پانچویں ترمیم) بل، 2022 (ریاست چھتیس گڑھ کے حوالے سے)
12. پوسٹل سروس بل، 2023
13. نیشنل کوآپریٹو یونیورسٹی بل، 2023
14. قدیم عمارتیں اور  آثار قدیمہ کے مقامات اور باقیات (ترمیمی) بل، 2023
15.  ڈیجیٹل  ذاتی ڈیٹا کی حفاظت کا بل، 2023
16. بین الاقوامی مالیاتی فنڈ اور بینک بل، 2023
17. ٹیکس کے عارضی کلکشن کا بل، 2023
18. نیشنل ڈینٹل کمیشن بل، 2023
19. نیشنل نرسنگ اور مڈوائفری کمیشن بل، 2023
20. ڈرگز، میڈیکل ڈیوائسز اور کاسمیٹکس بل، 2023
21. پیدائش اور موت کے رجسٹریشن کا (ترمیمی) بل، 2023
22. جموں و کشمیر ریزرویشن (ترمیمی) بل، 2023
23. سنیماٹوگراف (ترمیمی) بل، 2023
24. پریس اور جرائد کے رجسٹریشن کا بل، 2023
25. ایڈووکیٹس (ترمیمی) بل، 2023
26. کان اور معدنیات (ترقی اور ضابطہ کاری) ترمیمی بل، 2023
27. ریلوے (ترمیمی) بل، 2023
28. نیشنل ریسرچ فاؤنڈیشن بل، 2023
29. آئینی (جموں و کشمیر) درج فہرست ذات آرڈر (ترمیمی) بل، 2023
30. آئینی (درج فہرست ذات) آرڈر (ترمیمی) بل، 2023
31. آئینی (جموں و کشمیر) درج فہرست قبائل آرڈر (ترمیمی) بل، 2023

 

*****

ش ح – ق ت – ت ع

U: 7195

(Release ID: 1940886)