صدر جمہوریہ ہند نے آج اسٹیل اور دیہی ترقی کے وزیر مملکت جناب فگن سنگھ کلستے اور وزیر مملکت پنچایتی راج جناب کپل موریشور پاٹل کی موجودگی میں 9 ریاستی سکریٹریوں اور 68 ضلع کلکٹروں کو ان کی ٹیموں کے ساتھ ”بھومی سمان“ پیش کیا۔

سرٹیفکیٹ ریاستی سکریٹریوں اور ضلع کلکٹروں کے ساتھ ان کی ٹیموں کے ذریعہ حاصل کیے گئے جنہوں نے ڈیجیٹل انڈیا لینڈ ریکارڈز ماڈرنائزیشن پروگرام (ڈی آئی ایل آر ایم پی) کے بنیادی اجزا کی سیچوریشن حاصل کرنے میں بہترین کارکردگی کا مظاہرہ کیا ہے۔ اپنے خطاب میں صدر مملکت نے کہا کہ ملک کی مجموعی ترقی کے لیے دیہی ترقی میں تیزی لانا ضروری ہے۔ دیہی علاقوں کی ترقی کے لیے زمینی ریکارڈ کو جدید بنانا ایک بنیادی ضرورت ہے کیونکہ زیادہ تر دیہی آبادی کا ذریعہ معاش زمینی وسائل پر منحصر ہے۔ دیہی علاقوں کی مجموعی ترقی کے لیے ایک جامع مربوط زمینی مینجمنٹ کا نظام انتہائی اہمیت کا حامل ہے۔

 

 

صدر نے کہا کہ ڈیجیٹلائزیشن سے شفافیت میں اضافہ ہوتا ہے۔ زمینی ریکارڈ کی جدید کاری اور ڈیجیٹلائزیشن سے ملک کی ترقی پر بہت اچھا اثر پڑے گا۔ اراضی کے ریکارڈ کی ڈیجیٹلائزیشن اور مختلف سرکاری محکموں کے ساتھ اس کے ربط سے فلاحی اسکیموں کے مناسب نفاذ میں مدد ملے گی۔ سیلاب اور آگ جیسی آفات کی وجہ سے دستاویزات کے ضائع ہونے کی صورت میں بھی یہ بہت مدد گار ثابت ہوگا۔

صدر جمہوریہ کو یہ جان کر خوشی ہوئی کہ ڈیجیٹل انڈیا لینڈ انفارمیشن مینجمنٹ سسٹم کے تحت ایک منفرد لینڈ پارسل شناختی نمبر فراہم کیا جا رہا ہے جو آدھار کارڈ کی طرح مفید ہو سکتا ہے۔ انہوں نے کہا کہ یہ تعداد زمینوں کے صحیح استعمال کے ساتھ ساتھ نئی فلاحی اسکیموں کی تشکیل اور نفاذ میں مدد کرے گی۔ ای کورٹس کو لینڈ ریکارڈ اور رجسٹریشن ڈیٹا بیس کے ساتھ جوڑنے سے بہت سے فائدے ہوں گے۔ ڈیجیٹلائزیشن سے آنے والی شفافیت زمین سے متعلق غیر اخلاقی اور غیر قانونی سرگرمیوں کو روکے گی۔ صدر نے کہا کہ زمین سے متعلق معلومات تک مفت اور آسان طریقے سے رسائی کے بہت سے فائدے ہوں گے۔ مثال کے طور پر، اس سے زمین کی ملکیت اور استعمال سے متعلق تنازعات کو حل کرنے میں مدد ملے گی۔ انہوں نے کہا کہ ہمارے ملک کی ایک بڑی آبادی زمین کے تنازعات میں ملوث ہے اور ان معاملات میں انتظامیہ اور عدلیہ کا بہت وقت ضائع ہوتا ہے۔ ڈیجیٹائزیشن اور معلومات کے ربط کے ذریعے لوگوں اور اداروں کی توانائی جو تنازعات کے حل میں خرچ ہوتی ہے اسے ترقی کے لیے استعمال کیا جائے گا۔

اسٹیل اور دیہی ترقی کے وزیر مملکت جناب فگن سنگھ کلستے نے اپنے خطاب میں کہا کہ دیہی ترقیات اور پنچایتی راج کے وزیر نے ہدایت دی ہے کہ اسکیموں کے تمام فائدے شہریوں تک پہنچنے چاہئیں جیسا کہ وزیر اعظم نے تصور کیا ہے۔ انہوں نے ڈی آئی ایل آر ایم پی اسکیم کے اجزا کی 100 فیصد سیچوریشن حاصل کرنے کے لیے ریاستوں اور اضلاع کی حوصلہ افزائی کے لیے بھومی سمان تقریب کی اہمیت کو اجاگر کیا۔ انہوں نے مزید زور دیا کہ زمین کے ریکارڈ اور رجسٹریشن کے ڈیجیٹائزیشن کے عمل سے زمینی تنازعات پر مشتمل زیر التوا عدالتی مقدمات کو کم کرنے میں مدد ملے گی جس سے زمین کے تنازعات سے متعلق قانونی چارہ جوئی کے دوران منصوبے تعطل کا شکار ہونے کی وجہ سے ملکی معیشت کو ہونے والے جی ڈی پی کے نقصان کو کم کرنے میں مدد ملے گی۔ جناب کلستے نے اس بات پر زور دیا کہ اس محکمہ نے ڈی آئی ایل آر ایم پی کے چھ بنیادی اجزا میں کارکردگی کی بنیاد پر درجہ بندی شروع کی ہے۔ درجہ بندی اضلاع کی کارکردگی کی بنیاد پر کی گئی ہے۔

 

 

پنچایتی راج کے وزیر مملکت جناب کپل موریشور پاٹل نے اپنے خطاب میں ٹیکنالوجی اور تعلیم کی اہمیت پر زور دیا۔ انہوں نے اس بات پر روشنی ڈالی کہ ٹیکنالوجی شہریوں کو قابل بنانے اور ملک کے شہریوں کے لیے زندگی کی آسانی کو یقینی بنانے میں ایک بڑا اور واضح قدم ہے۔

 

 

جناب اجے ٹرکی، سکریٹری برائے زمینی وسائل، وزارت دیہی ترقی، حکومت ہند، نے اپنے استقبالیہ خطاب میں کہا کہ بھومی سمان اسکیم دیہی ترقی اور پنچایتی راج کے وزیر جناب گری راج سنگھ نے بنائی تھی۔ لینڈ ریکارڈ کی ڈیجیٹائزیشن اور جانچ پڑتال کے بعد ملک کے 68 اضلاع کو بھومی سمان کے لیے منتخب کیا گیا ہے۔

 

 

”بھومی سمان - ہندوستان میں ریاستوں اور اضلاع کے ذریعہ زمین پر حکمرانی کے بہترین طریق کار“ کے عنوان سے ایک کتاب کی بھی نقاب کشائی کی گئی اور اس کی پہلی کاپی صدر جمہوریہ کو پیش کی گئی۔ اس تقریب میں پلاٹینم سرٹیفکیٹ رینکنگ اسکیم / ڈی آئی ایل آر ایم پی پر ایک فلم بھی دکھائی گئی۔ اس تقریب میں ریونیو/رجسٹریشن محکموں کی ضلعی ٹیموں نے شرکت کی جس کی قیادت 68 اضلاع کے ضلع مجسٹریٹ/ ڈسٹرکٹ کلکٹریٹ/ ڈی سی کے ساتھ ساتھ متعلقہ ریاستوں کے ریاستی ریونیو/رجسٹریشن محکموں کے نمائندوں، لائن وزارتوں/حکومت ہند کے محکموں کے نمائندوں اور دیگر عہدیداروں کے ساتھ سیکٹر اور صنعت اور دیگر اسٹیک ہولڈروں نے کی۔

**************

ش ح۔ ف ش ع- م ف

U: 7157

(Release ID: 1940585) Visitor Counter : 148