স্কিল দিবেলপমেন্ত অমসুং ইন্ত্রপ্রিনরশিপ মন্ত্রালয়

শ্রী ধর্মেন্দ্র প্রধান্না ৱার্ল্দ য়ুথ স্কিলস দেগী তাঞ্জা লাকপদা ভারতকী লোনশিংদা ফ্রী এ.আই. স্কিল ত্রেনিং কোর্স অমা ওইবা এ.আই. ফোর ইন্দিয়া ২.০ হৌদোকখ্রে


তেক্নোলোজী লোনগী প্রিজনর অমা ওইরোইদবনি, শ্রী ধর্মেন্দ্র প্রধান্না ভারতকী লোনশিংদা তেক্নোলোজী কোর্সকীদমক হায়খ্রে

Posted On: 15 JUL 2023 6:35PM by PIB Imphal

এজুকেসন অমসুং স্কিল দিবলপমেন্ত অমসুং ওন্ত্রেপ্রিন্যুরশিপকী কেন্দ্র মন্ত্রী শ্রী ধর্মেন্দ্র প্রধান্না ঙসি ৱার্ল্দ য়ুথ স্কিলস দেদা আর্তিফিসিয়েল ইন্তিলেজেন্সদা ফ্রী ওনলাইন ত্রেনিং প্রোগ্রাম অমা ওইবাএ.আই. ফোর ইন্দিয়া ২.০ হৌদোকখ্রে স্কিল ইন্দিয়া অমসুং জু.য়ু.ভি.আই.গী অপুনবা ইনিসিয়েতিব অমা ওইরিবা অসিনা অন.সি.ভি.ই.তি. অমসুং আই.আই.তি. মদ্রাসকী এক্রীদিতেদ ওনলাইন প্রোগ্রামনা নহাশিংবু মাংজিলথাবা স্কিলশিংগা লোয়ননা মতিক চাহল্লগনি

থৌরমদা ৱা ঙাংলদুনা শ্রী প্রধান্না হায়খি মদুদি তেক্নোলোজী লোনগী প্রিজনর অমা ওইরোইদবনি অমসুং অহেনবা ভারতকী লোনশিংদা তেক্নোলোজী কোর্সকীদমক হায়খি মহাক্না মখা তাখি মদুদি মসি তেক্নোলোজী এজুকেসনদা লোনগী অৱাবা কোকহনবা অমসুং ঐখোয়গী সুবা শক্তি, অখন্ননা খুঙ্গং লমদমশিংদা তুংগী পুন্সী ফগৎহনবগী মায়কৈদা অফবা হৌদোকপা অমনি

মহাক্না হায়খি মদুদি ভারত তেক্নোলোজী পামজবা লৈবাক অমনি অমসুং ভারত্তা দিজিতেল পেমেন্তশিং এদোপ্ত তৌবদা মায় পাকপগী ৱারিনা মসিগী খুদমনি। মহাক্না অপেনবা ফোংদোকখি মদুদি জি.য়ু.ভি.আই.না শোত্থরিবা মীয়ামবু অনৌবা তেক্নোলোজীগী মরমদা এজুকেত তৌনবা খোংথাং অসি লৌখৎলি।  

শ্রী প্রধান্না লৈবাক্কী মফম খুদিংদা আর্তিফিয়েল ইন্তিলেজেন্স তম্বা লাইনা ফংহনবগী অথোইবা খোংথাংবু থাগৎপা ফোংদোকখি।

আই.আই.তি. মদ্রাসকী ইনক্যুবেতেদ স্তার্তঅপ অমা ওইরিবা জি.য়ু.ভি.আই. অসি তেক প্লেতফোর্ম অমনি মদুনা ভর্নকুলর লোনশিংদা তেক্নোলোজী তম্বা ঙমহল্লি। প্রোগ্রাম অসি ভারতকী লোন ৯দা থৌরাং তৌরি।

*****



(Release ID: 1940194) Visitor Counter : 81