ہنر مندی کے فروغ اور صنعت کاری کی وزارت

ہنر مندی کے فروغ اور چھوٹے کاروبار کے وزیر جناب دھرمیندر پردھان نے نوجوانوں کے ہنر کے عالمی دن کے موقع پر بھارتی زبانوں میں مصنوعی ذہانت کے ہنر کا ایک مفت تربیتی کورس اے آئی فار انڈیا 2.0 کا آغاز کیا


ٹکنالوجی کو زبان کی قید میں نہیں رہنا چاہیے ، جناب دھرمیندر پردھان نے بھارتی زبانوں میں ٹیکنالوجی کورسز کا مطالبہ کیا

Posted On: 15 JUL 2023 6:35PM by PIB Delhi

تعلیم اور ہنرمندی کے فروغ اور  چھوٹے کاروبار کے مرکزی وزیر جناب دھرمیندر پردھان نے آج ہنر مندی کے عالمی دن کے موقع پر مصنوعی ذہانت پر مفت آن لائن تربیتی پروگرام  اے آئی فار انڈیا 2.0 کا آغاز کیا۔ یہ آن لائن پروگرام، اسکل انڈیا اور  جی یو وی آئی کی مشترکہ پہل، نیشنل کونسل فار ووکیشنل ایجوکیشن اینڈ ٹریننگ (این سی وی ای ٹی) اور انڈین انسٹی ٹیوٹ آف ٹیکنالوجی (آئی آئی ٹی) مدراس سے منسلک، نوجوانوں کو جدید مہارتوں سے آراستہ کرے گا۔

https://static.pib.gov.in/WriteReadData/userfiles/image/image00171N5.jpg

اس موقع پر خطاب کرتے ہوئے جناب پردھان نے کہا کہ ٹیکنالوجی کو زبان  کے بندھن میں قید نہیں رہنا چاہیے ۔ انہوں نے مزید بھارتی  زبانوں میں ٹیکنالوجی کورسز کا مطالبہ کیا۔ انہوں نے کہا کہ ٹیکنالوجی کی تعلیم میں زبان کی رکاوٹ کو ختم کرنے اور خاص طور پر دیہی علاقوں میں ہماری نوجوان قوت کے مستقبل کو محفوظ بنانے کی طرف یہ ایک اچھی شروعات ہے۔

https://static.pib.gov.in/WriteReadData/userfiles/image/image002N4SF.jpg

انہوں نے کہا کہ بھارت  ٹیکنالوجی کا علم رکھنے والا ملک ہے اور بھارت  میں ڈیجیٹل ادائیگیوں کو اپنانے میں کامیابی کی کہانی اس کی مثال ہے۔ انہوں نے اس بات پر اطمینان کا اظہار کیا کہ  جی یو وی آئی نے یہ اقدام پسماندہ آبادی کو جدید ترین ٹیکنالوجیز سے آگاہ کرنے کے لیے کیا ہے۔

جناب  پردھان نے ملک کے ہر حصے میں مصنوعی ذہانت سیکھنے  میں آسانی کے لیے اس منفرد پہل  پر تہہ دل سے مبارکباد پیش کی۔

جی یو وی آئی ، ایک انڈین انسٹی ٹیوٹ آف ٹیکنالوجی (آئی آئی ٹی) مدراس انکیوبیٹڈ اسٹارٹ اپ ٹیکنالوجی پلیٹ فارم جو مقامی زبانوں میں ٹیکنالوجی سیکھنے کو قابل بناتا ہے۔ یہ پروگرام 9 بھارتی  زبانوں میں تیار کیا گیا ہے۔

۔۔۔۔

  ش ح۔ا س۔  ت ح ۔

U–7075



(Release ID: 1939938) Visitor Counter : 81