భారత ప్రభుత్వం పర్యావరణ, అటవీ మరియు వాతావరణ మార్పుల మంత్రిత్వ శాఖ ఈరోజు తమిళనాడులోని చెంగల్పట్టు జిల్లాలోని కోవలం పంచాయతీలో మడ మొక్కల పెంపకం కార్యక్రమాన్ని నిర్వహించింది. కేంద్ర పర్యావరణ, అటవీ మరియు వాతావరణ మార్పుల శాఖ మంత్రి శ్రీ భూపేందర్ యాదవ్ భారత ప్రభుత్వపు ‘మాంగ్రోవ్ ఇనిషియేటివ్ ఫర్ షోర్‌లైన్ హాబిటాట్స్ అండ్ టాంజిబుల్ ఇన్‌కమ్స్’ (మిష్ట్) పథకంలో భాగంగా ప్లాంటేషన్ డ్రైవ్‌కు నాయకత్వం వహించారు. ఇందులో విద్యార్థులతో సహా 100 మందికి పైగా పాల్గొన్నారు. "హరియాలి మహోత్సవ్"లో భాగంగా ప్లాంటేషన్ డ్రైవ్ అనేది మడ అడవుల ప్రత్యేక దృష్టితో కొనసాగుతోంది.

తీర ప్రాంతాల్లోని స్థానిక కమ్యూనిటీకి సాధికారత కల్పించేందుకు ప్రత్యేకంగా మడ అడవుల కోసం చేపడుతున్న ప్లాంటేషన్ డ్రైవ్‌లో ప్రజలు పాల్గొనాలని శ్రీ యాదవ్ కోరారు.  విద్యార్థులు, క్షేత్రస్థాయి కార్మికులు మరియు స్థానిక సంఘాలతో మంత్రి సంభాషించారు. మడ అడవుల పరిరక్షణ పట్ల స్థానిక ప్రజలను ప్రోత్సహించడానికి మడ అడవుల పేర్లకు స్థానిక భాషను ఉపయోగించాలని అధికారులను ఆదేశించారు. ప్లాంటేషన్ డ్రైవ్ సందర్భంగా పాల్గొన్న వారితో శ్రీ యాదవ్ మాట్లాడుతూ తమిళనాడు దేశంలోనే 1076 కి.మీ పొడవైన రెండవ పొడవైన తీరప్రాంతాన్ని కలిగి ఉందని అన్నారు. అదే సమయంలో, తమిళనాడు తీరప్రాంతం తుఫానులు మరియు తుఫానుల వంటి పునరావృత ప్రకృతి వైపరీత్యాలకు గురవుతోందని అన్నారు. మడ అడవులు తీర ప్రాంతాల వెంబడి ఉంటూ జీవకవచంగా పని చేస్తాయని వివరించారు. ముఖ్యంగా మత్స్యకారులు మరియు స్థానిక సమాజం యొక్క ప్రజల జీవితాలను మరియు జీవనోపాధిని రక్షించడంలో సహాయపడుతోందని వివరించారు. కావున తీర మరియు తీర ప్రాంత సమాజాల సుస్థిరతను నిర్ధారించడానికి మడ అడవుల పర్యావరణ ఆరోగ్యాన్ని పెంపొందించడం తప్పనిసరి అని ఆయన అన్నారు. ఎం. ఎస్. స్వామినాథన్ రీసెర్చ్ ఫౌండేషన్, చెన్నై రూపొందించిన బయోడైవర్సిటీ అండ్ ఇంపార్టెన్స్ ఆఫ్ మ్యాంగ్రోవ్ ఎకోసిస్టమ్ పుస్తకాన్ని కూడా కేంద్ర మంత్రి ఈ సందర్భంగా విడుదల చేశారు. ఇండోనేషియాతో సహా ఇతర దేశాల నుండి ఇప్పటికే ఉన్న ఉత్తమ పద్ధతులను అవలంబించడం ద్వారా భారతదేశంలోని తీరప్రాంత జిల్లాల వెంబడి మడ అడవులను పెంచడం మరియు అడవుల పెంపకాన్ని చేపట్టే లక్ష్యంతో ఇటీవల భారత ప్రభుత్వం మిష్ట్  కార్యక్రమాన్ని ప్రారంభించింది. తీరప్రాంత రాష్ట్రాలలో మడ అడవుల అనుబంధ పర్యావరణ పర్యాటక కార్యక్రమాలు మరియు జీవనోపాధిని అభివృద్ధి చేయడానికి ఈ కార్యక్రమం ఉద్దేశించబడింది. మిష్ట్ అనేది       'మాంగ్రోవ్ అలయన్స్ ఫర్ క్లైమేట్ (మ్యాక్)' యొక్క ప్రయత్నాలకు దోహదపడుతుంది - మడ అడవులను ప్రోత్సహించడానికి ఒక అంతర్ ప్రభుత్వ కూటమి, (కాప్27) సమయంలో భారతదేశం దాని క్రియాశీల సభ్యునిగా మారింది. ప్రస్తుతం, సుమారుగా 5000 చదరపు కిలోమీటర్ల విస్తీర్ణంలో మడ అడవులు ఉన్నాయి.

మిష్ట్ కార్యక్రమం ద్వారా దీనిని 9 రాష్ట్రాలు మరియు 4 కేంద్ర పాలిత ప్రాంతాలలో 540 చదరపు కిలోమీటర్ల అదనపు విస్తీర్ణంలో విస్తరించాలని ప్రతిపాదించబడింది. ఈ పథకాన్ని 2023-2024 నుండి 2027-2028 రకు ఐదు సంవత్సరాల పాటు అమలు చేయడానికి ప్రణాళిక చేయబడింది. మిష్ట్ అనేది కంపా  ఫండ్, ఎంజీఎన్ఆర్ఈజీఎస్ మరియు ఇతర వనరులను మార్చడం ద్వారా అమలు చేయబడుతుంది. తమిళనాడులో ఈ కార్యక్రమం కింద దాదాపు 39 చ.కి.మీ. మడ అడవుల పునర్నిర్మాణం/ అటవీ పెంపకం కోసం గుర్తించబడింది.  ఈ కార్యక్రమంలో పర్యావరణ, అటవీ మరియు వాతావరణ మార్పు మంత్రిత్వ శాఖ డైరెక్టర్ జనరల్ ఆఫ్ ఫారెస్ట్ మరియు ప్రత్యేక కార్యదర్శి శ్రీ. చంద్ర ప్రకాష్ గోయల్, తమిళనాడు పర్యావరణం, వాతావరణ మార్పులు & అడవుల విభాగం ప్రభుత్వ అదనపు ప్రధాన కార్యదర్శి  శ్రీమతి. సుప్రియా సాహు ఐఏఎస్,  ప్రిన్సిపల్ చీఫ్ కన్జర్వేటర్ ఆఫ్ ఫారెస్ట్ & హెడ్ ఆఫ్ ఫారెస్ట్ ఫోర్స్,శ్రీ. సుబ్రత్ మోహపాత్ర, ఐఎఫ్ఎస్,  శ్రీ. శ్రీనివాస్ ఆర్  రెడ్డి, ఐఎఫ్ఎస్, ప్రిన్సిపల్ చీఫ్ కన్జర్వేటర్ ఆఫ్ ఫారెస్ట్ & చీఫ్ వైల్డ్ లైఫ్ వార్డెన్ మరియు భారత ప్రభుత్వం పర్యావరణ, అటవీ మరియు వాతావరణ మార్పుల మంత్రిత్వ శాఖ అధికారులు, పాఠశాల విద్యార్థులు, స్థానిక సంఘాలు మరియు భాగస్వామ్య పక్షాలవారు పాల్గొన్నారు. అనంతరం చెన్నైలోని తారామణిలోని ఎంఎస్ స్వామినాథన్ రీసెర్చ్ ఫౌండేషన్‌ను కేంద్ర మంత్రి సందర్శించారు. ఎంఎస్ స్వామినాథన్ రీసెర్చ్ ఫౌండేషన్‌ ప్రధాన శాస్త్రవేత్త డాక్టర్ సౌమ్య స్వామినాథన్‌తో మంత్రి సంభాషించారు. ప్రధాన మంత్రి శ్రీ నరేంద్ర మోడీ ఆలోచనతీరు విధంగా మిష్ట్ కార్యక్రమం దేశవ్యాప్తంగా ఉన్న మడ తీర ప్రాంతాల పరిరక్షణకు తోడ్పాటునందించేలా పరిశోధనలు చేసే దిశగా ఈ ఫౌండేషన్ పని చేస్తోంది.

***