மத்திய நிர்வாகச் சீர்திருத்தங்கள் மற்றும் பொது குறை தீர்ப்பு  துறை, மாநிலங்கள் மற்றும் யூனியன் பிரதேசங்களின் செயல்திறன் பற்றிய மையப்படுத்தப்பட்ட பொதுக் குறைகள் தீர்ப்பு மற்றும் கண்காணிப்பு அமைப்பின் அறிக்கையை வெளியிட்டுள்ளது. இந்த அமைப்பால்  வெளியிடப்பட்ட மாநிலங்கள்/யூனியன் பிரதேச அரசு பற்றிய 11வது அறிக்கையாகும்.

2023 ஜூன் மாதத்தில், மொத்தம் 62,929 குறைகள் மாநிலங்கள்/யூனியன் பிரதேசங்களால் நிவர்த்தி செய்யப்பட்டன. இதன் பொருள்  மாநிலங்கள்/யூனியன் பிரதேச அரசுகள் நிலுவையில் இருந்த புகார்களை 1,88,275 ஆகக் குறைத்துள்ளது என்பதாகும்.

மத்திய நிர்வாகச் சீர்திருத்தங்கள் மற்றும் பொது குறை தீர்ப்பு துறை கடந்த மே மாதம் முதல், செயல்திறனின் அடிப்படையில் மாநிலங்கள்/யூனியன் பிரதேசங்களை தரவரிசைப்படுத்தும் செயல்முறையைத் தொடங்கியுள்ளது. தற்சமயம், அது  4 வகைகளில் மாநிலங்கள்/யூனியன் பிரதேசங்களை தரவரிசைப்படுத்துகிறது. அதாவது வடகிழக்கு மாநிலங்கள், யூனியன் பிரதேசங்கள், மேலும் மாநிலங்களுக்கான இரண்டு பிரிவுகள் குறைகளின் பெறுதலின் அடிப்படையில் பிரிக்கப்படுகின்றன.

01.01.2023 முதல் 30.06.2023 வரையிலான இரண்டு பரிமாணங்களில் (தரம் மற்றும் சரியான நேரத்தில் குறைகளை நிவர்த்தி செய்தல்) மாநிலங்கள்/யூனியன் பிரதேசங்களின் செயல்திறன் அடிப்படையில் தரவரிசைப்படுத்தப்பட்டுள்ளது.

வடகிழக்கு மாநிலங்களில் குறைகளைத் தீர்ப்பதில், சிக்கிம் 66.70% என்ற சதவீதத்தில் முதலிடத்தில் உள்ளது. இரண்டாவது இடத்தில் அசாம் (%7.45%) உள்ளது. மூன்றாவது இடம் அருணாச்சலப் பிரதேசம்( 52.30%).

யூனியன் பிரதேசங்களில் லட்சத்தீவு ( 70.41%), அந்தமான் நிக்கோபார் (64.55%), லடாக் (52.25%) ஆகியவை முதல் மூன்று இடங்களைப் பிடித்துள்ளன.

17,500 க்கும் அதிகமான மனுக்கள் பெற்றதில், உத்தரப் பிரதேசம் 63.90% மனுக்களுக்கு தீர்வு கண்டு முதலிடம் பிடித்துள்ளது. இரண்டாவது இடம் ஜார்க்கண்ட் (48.95%), மூன்றாவது இடம் மத்தியப் பிரதேசம் ($3.53%).

17,500 மனுக்களுக்கும் கீழே பெற்று தீர்வு கண்ட பட்டியலில், தெலங்கானா முதலிடம் பிடித்துள்ளது. 74.44% மனுக்களுக்கு தீர்வு காணப்பட்டுள்ளது. சத்தீஸ்கர் (57.50 %), கேரளா (52.16%) ஆகிய மாநிலங்கள் அடுத்த இடத்தில் உள்ளன.

இந்த அறிக்கை மத்திய நிர்வாகச் சீர்திருத்தங்கள் மற்றும் பொது குறை தீர்ப்பு துறையின் www.darpg.gov.in என்ற இணையதளத்தில் கிடைக்கிறது.

***

TV/ PKV /KRS

 

(Release ID: 1938801) Visitor Counter : 174